Janina Larissa Bühler
| Dialäkt: Friburgerisch (eltere Stadtdialekt) |
D Janina Larissa Bühler (* 1988 z Friburg[1]) isch e ditschi Psychologi un Hochschuellehreri an de Universitet Friburg.
Läwe
[ändere | Quälltäxt bearbeite]D Bühler het ab 2008 Psychologie an dr Universitet Fryybùùrg in de Schwiz studiert. Dert het si 2011 e ditsch-franzesische Bachelor of Science gmacht. S Masterstudium het si druf an de UniversitetBärn gmacht, wu si 2014 mit eme Master abgschlosse het. Si het deno as Prädoktorandi un ab 2016 as Doktorandi an de Abdailig fir Entwickligs- un Persenligkaitspsychologi an de Fakultet fir Psychologie vu dr Universitet Baasel gforscht. No Forschigsufenthalt an de University of California, Riverside, de Northwestern University un an de Universitet Haidelberch isch d Bühler im Auguscht 2019 vu de Universitet Baasel mit de Schrift The self in romantic relationships: Understanding personality and romantic relationships from three perspectives summa cum laude zur Dr. phil. promoviert wore. Noch eme halbjehrige Forschigsufenthalt as Poschtdoktorandi am Inschtitut fir Psychologi vu de Universitet Bärn het d Bühler ab Mai 2020 as Poschtdoktorandi an de Universitet Haidelberch gschafft, gferderet wore isch des vum Schwizerische Nationalfonds.
Ab Jänner 2022 het d Bühler e Juniorprofessur fir Persenligkaitspsychologi un psychologischi Diagnoschtik am Psychologische Inschtitut vu de Universitet Mainz ghet. Im Jänner 2024 het si dert au d Laitig vu de Emmy Noether-Nochwugsgruppe iwernumme. Im Februar 2025 het si de Rising Star Award vu de Association for Psychological Science kriegt.[2] Sit em 15. Juli 2025 het Bühler de ordelig Lehrstuel fir Diagnoschtik un Differenzielli Psychologi an de Universitwt Friburg im Brisgau.[3]
D Bühler isch Mueter vun eme Suhn.[1]
Forschig
[ändere | Quälltäxt bearbeite]D Forschigsschwerpinkt vu de Bühler lige vor allem im Beraich Persenligkaitsentwicklig un de Entwicklig vu Partnerschafte. Do lait si e Schwerpunkt druf, was fir e Iifluss bsunderi Eraignis im Lewe wie d Geburt vun eme Kind uf d Persenligkait un au uf Partnerschaft zwische zwai Persone hän. In dem Beraich laitet si d AMOR-Studie, wu vu de DFG gferderet wird.[4] Dezue isch d Bühler zertifizierti Paartherapeuti un forscht zue Dynamike in Baarbezieige.
Uusgleseni Publikazione
[ändere | Quälltäxt bearbeite]- Mehr Ich. Mehr Du. Mehr Wir. Warum wir als Paar intensiver lieben, wenn wir uns selbst verwirklichen. Julius Beltz, Weinheim 2023, ISBN 978-3-407-86741-4.
- mit Marcus Mund, Franz J. Neyer und Cornelia Wrzus: A developmental perspective on personality–relationship transactions: Evidence from three nationally representative samples. Universitätsverlag, Jena 2024 (englisch).
- mit Tita Gonzalez Avilés: Enge Beziehungen über die Lebensspanne. Kohlhammer, Stuttgart 2026, ISBN 978-3-17-045151-3.
Weblink
[ändere | Quälltäxt bearbeite]- Literatur vu un iber Janina Larissa Bühler im Katalog vu dr Dütsche Nazionalbibliothek
- d Janina Larissa Bühler bi ihrem Lehrstuel an de Universitet Friburg
- d Janina Larissa Bühler bi de Universitet Mainz
- janina-buehler.com, persenligi Website
Fueßnote
[ändere | Quälltäxt bearbeite]- 1 2 About uf de persenlige Website.
- ↑ New APS Rising Stars.
- ↑ Herzlich willkommen: Prof. Dr. Janina Bühler, Professorin für Diagnostik und Differentielle Psychologie uf uni-freiburg.de.
- ↑ Die AMOR-Studie, abgerufen am 27. Januar 2026.
 |
Dä Artikel basiert uff ere fräie Übersetzig vu dere Version vum Artikel „Janina_Larissa_Bühler“ vu de dütsche Wikipedia. E Liste vu de Autore un Versione isch do z finde. |