James Licini
Dr James Licini (* 17. April 1937 z Züri; † 26. Juuli 2025) isch e Schwyzer Bildhauer un Blaschtiker gsii.
Lääbe
[ändere | Quälltäxt bearbeite]Dr James Licini isch e Änkel vum e Italiääner gsii, wu vu Alano di Piave im Veneto yygwanderet isch. Noch ere Leer as Schlosser het dr James Licini vu 1955 bis 1959 zeerscht as Yyseleeger uf em Böu, nocherdani as Chasse- un Böuschlosser gschafft. Scho as Leerbue het er mit Chinschtler wie Muz Zeier (1929–1981) un Friedrich Kuhn (1926–1972) z ue ghaa. Ab de 1960er-Joor het dr Licini ab un zue as Assischtänt fir dr Hans Aeschbacher un dr Kurt Laurenz Metzler gschafft. Al Blaschtiker isch dr Licini Autodidakt gsii un het si sälber as Staalböuer gsää, nit as Chinschtler. Är het mit Doppel-T-Dreeger, Winkelyyse un Staalblatte gschafft, wun er diräkt us dr induschtriälle Brodukzioon iiberchuu het.[1] Anne 1968het er eerschti abschtrakti Yyseblaschtike gmacht. 1971 un 1972 het er Stuudieraise in d USA gmacht, speeter uf Spaanie un Mexiko. Vor allem in de 1970er-Joor het dr Licini e baar Stipändie iiberchuu, unter anderem vu Stadt un Kanton Züri, un 1974 en Aidgnessisch Chunschtstipändium. Anne 1997 het er im Forum Konscht z Raitweil uusgstellt, 1998 in dr Galery Andy Jllien z Züri un 2017 im Paark vum Castello del Sole am Lago Maggiore[2]. D Licini het z Nürensdorf gschafft.
Vu 1961 bis 1963 isch dr Licini mit dr Fotograafi Maja Burkhard ghyroote gsii. Är isch am 26. Juuli 2025 im Alter vu 88 Joor gstoorbe.[3][4]
Sy Näffe Bernhard Licini het Schlosser gleert un macht Objäkt.[5]
Uusglääseni Wäärch
[ändere | Quälltäxt bearbeite]
Staalböu INP 400, Heechi 403 cm, Kulturmeile Rautweil (D)
Staalböu VKR 400 z Zollike
Cortenstaal, Heechi 665 cm, Spoortaalaag Buechlere Züri-Altstette
Cortenstaal, Heechi 114 cm, Gmaiverwaltig Urdorf
Staalböu HEB 1000, Heechi 1100 cm, Andreaspark Züri-Oerlike
Staalböu VHP 300, Heechi 240 cm, CompTax Treuhand Litzirüti bi Arosa
Literatuur
[ändere | Quälltäxt bearbeite]- Matthias Frehner, Marianne Karabelnik: James Licini – 15 Stahlbauten in Ascona. Scheidegger & Spiess, Zürich 2017, ISBN 978-3-85881-575-0.
Weblink
[ändere | Quälltäxt bearbeite]
- Literatur vu un iber James Licini im Katalog vu dr Dütsche Nazionalbibliothek
- Jochen Hesse: Licini, James. In: Sikart (Lexikon un Datebank zue dr Chunscht in dr Schwyz un im Firschtetum Liechtestei).
- dr James Licini bi Koller Auktionen
- dr James Licini bi artnet
Fueßnote
[ändere | Quälltäxt bearbeite]- ↑ kunstmuseumbern.ch (Archiv, PDF).
- ↑ Ausstellung am Lago Maggiore
- ↑ Matthias Frehner: Vom Schmied zum Eisenplastiker – Nachruf auf James Licini, Neue Zürcher Zeitung, 29. Juuli 2025.
- ↑ Traueranzeige. In: Tages-Anzeiger, 30. Juuli 2025.
- ↑ Bericht über eine Gemeinschaftsausstellung 2019 (Archiv).
 |
Dä Artikel basiert uff ere fräie Übersetzig vu dere Version vum Artikel „James_Licini“ vu de dütsche Wikipedia. E Liste vu de Autore un Versione isch do z finde. |