Isle-sur-Marne

Isle-sur-Marne
	Isle-sur-Marne (Frankreich) Isle-sur-Marne
Region	Grand Est
Département	Marne
Arrondissement	Vitry-le-François
Kanton	Sermaize-les-Bains
Kommünàlverbànd	Perthois-Bocage et Der
Koordinàte	48° 38′ N, 4° 41′ O48.64144.6892
Heche	109–116 m
Flech	5,47 km2
Iiwohner	94 (1. Jänner 2020)
Bevelkerungsdicht	17 Iiw./km2
Code Postal	51290
INSEE-Code	51300

Dialäkt: Mìlhüüserdiitsch

Isle-sur-Marne [il syʁ maʁn] ìsch a frànzeescha G’mainda mìt 94 Iiwoohner (Schtànd: 2020) ìm Département Marne ìn dr Regioon Grand Est. Sa g’heert zem Kàntoon Semaize-les-Bains un zem Arrondissement Vitry-le-François so wia zem G’maindaverbànd Communauté de communes Perthois-Bocage et Der.

wu dr Nàmma haar ìsch

Ìm Làuif vu dr G’schìcht hàt sìch dr Dorfnàmma-n-asoo uff Làtiinisch un Àltfrànzeesch, schpeeter uff Frànzeesch äntwìckelt:

• Hisle (ànna 1135)
• Hiisle (ànna 1150)
• Insula (ànna 1165)
• Isles (ànna 1187)
• Villa mea que dicitur Insulas juxta Larzicurtem (ànna 1207)
• Insulæ (ànna 1216)
• Illes, les Illes (um 1220)
• Ysle (ànna 1633)

D’ Iiwoohner nännt m’r Isloises [ilwaz] (fìr d’ Fràuija) un Islois [ilwa] uff Frànzeesch.

wu ’s lììgt

D’ G’mainda Isle-sur-Marne lììgt àn dr Marne, zwelf Kilomeeter süüdeeschtlig vu Vitry-le-François un dräi Kilomeeter nordwäschtlig vum See Der-Chantecoq.

Umgaa wìrd Isle-sur-Marne vu da Noochberg’mainda Matignicourt-Goncourt ìm Norda, Orconte ìm Nordoschta, Larzicourt ìm Oschta, Arrigny ìm Süüda un Moncetz-l’Abbaye ìm Wäschta.

G’schìcht

Vu 1973 bis 1982 hàt Isle-sur-Marne züa dr G’mainda Larzicourt g’heert.

wia sìch d’ Beveelkerung äntwìckelt hàt

Joohr	1962	1968	1990	1999	2006	2008	2018
Iiwoohner	78	75	66	62	97	107	96
Kwalla: Cassini un INSEE

wàs doo z’ sah ìsch

• d’ reemisch-kàthoolischa Dionysiuskìrìch (église Saint-Denis)
• eeschtlig vum Dorf lììgt s’ Schloss Isle-sur-Marne üss’m 18. Joohrhundert. Zamma mìt siim Düüwaturm un ema Tail vum Pàrk drum umma ìsch s’ Schloss zitter 1984 bii da Histoorischa Dankmooler iig’schtuuft, wo-n-a regionààla Bediitung hann. Ìm Schlosspàrk kààt m’r d’ Schtaischtàtüüta vu da viar Joohreszitta üss’m 18. Joohrhundert saah — dia sìnn zwìscha 1982 un 1984 àls Ainzelobjakt bii da Histoorischa Dankmooler iitrajt gsìì, wo-n-a regionààla Bediitung g’hàà hann.
• a klai Kriagerdankmool ìn dr Form vu’ma Krüzifix, mìt da Nàmma vu dräi G’schtoorwana vum Äärschta Waltkriag un ema G’schtoorwana vum Zwaita Waltkriag

• 
  wämm’r ìn d’ G’mainda iinafààhrt
• 
  d’ Dionysiuskìrìch
• 
  s’ Schloss Isle-sur-Marne
• 
  s’ Roothüüs
• 
  s’ Kriagerdankmool
• 
  a Fàchwarkhüüs ìm Dorf

wìchtiga Litt üss’m Dorf

• d’ Sophie Volland (1716–1784), a Vordankera vu dr Uffkläärung un a Frììnda vum Denis Diderot, hàt ìm Schloss z’ Isle-sur-Marne g’laabt

Lüag àui

• d’ Lischta vu da G’mainda ìm Département Marne

Weblìnks

 Commons: Isle-sur-Marne – Sammlig vo Multimediadateie

• Schtàtistik züa dr G’mainda Isle-sur-Marne biim INSEE (frànzeesch)
• Informàzioona züa dr G’mainda Isle-sur-Marne ìn dr Dààtabànk vu dr LdH/EHESS/Cassini (frànzeesch)