Ishara

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

D Ishara isch en altsyrischi Aidgöttin, wo scho z Ebla um 2500 v.Chr. vereert woren isch. Z Chliiasie werd si scho i de Urchunde vo Kültepe (18.Jh. v.Chr.) gnennt, wo si e Tempel hett.

D Hurriter hend d Ishara (z Ugarit: išḫr) i eres Pantheon uufgnoo und si sich au vo e Hethiter vereert wore. Möglicherwiis isch si im Felshailigtum Yazılıkaya dargstellt, doch isch d Inschrift vo de Göttin, womer d Ishara ahand vo Götterliste erwarte wöör, nöd erhalte.

Bi de Hurriter werd si as Aidgöttin zäme mit de Allani und de Moogöttin Nikkal aagrueffe. Si wacht öber d Aid und eri Tier sind de Schkorpioo und Schlange. si cha o di tödlichi Ishara-Chrangget schigge. Z Emar, enere Stadt am Euphrat het si e Tempel ghaa, wo „Huus vo de Woorseger“ ghaisse hett.