Isabella Huser
D Isabella Huser (* 1958) isch e Schwyzer Schriftstelleri, Filmbroduzänti un Ibersetzeri.
Lääbe
[ändere | Quälltäxt bearbeite]D Isabella Huser isch ais vu drei Chinder vun ere Leereri, wu vu Italie gstammt isch, un eme Musiker us ere schwyzerische jeenische Familie.[1] Iri Grosseltere vu dr Vatersyte häär hän in dr Schwyz in dr spoote 1920er Joor mit ire Chinder vor em Zuegriff dur d Pro Juventute mieße flichte, wu syt 1926 jeenischi Familie verfolgt het[2]. D Musikantefamilie, wu me speeter as Volksmusikkapäll "Wandervögel" gchännt het un wu au d Schwyzer Gruppe "Huserbuebe"[3] drus fiirigangen sin, isch zwai Joor lang im Tessin unterdaucht.[4] D Isabella Huser haißt si sälber e Jeenischi un e «Zigyyneri», e Sälbschtbezaichnig, wu unter Jeenische bruucht wiird. D Huser isch mit zwai Gschwischtrig in dr Regioon Züri im Limmetdaal ufgwagse; d Familiesprooch isch Dytsch gsii, Jeenisch het Isabella Huser nie gleert.
D Huser het an dr Dolmetscherschuel Züri Ibersetzig un an dr Zürcher Hoochschuel fir Aagwändti Wisseschafte Terminology studiert. Si het as Fachibersetzeri fir Wiirtschaft un Räächt gschafft. Zeerscht het si as Aawaltssekreteeri un Griichtsdolmetscheri z Mailand gschafft, derno as Ibersetzeri z Vevey. E Zytlang isch d Huser Generaalsekreteeri bim Filmfeschtiwäl vu Locarno gsii. Anne 1993 het si mit em Andreas Hoessli z Züri d Brodukzioonsfiirma Espaces Film GmbH grindet.[5] Bis 2007 het si Dokumentaarfilm broduziert. 2003 isch si as Coautoori mit em Film Epoca, wu si au broduziert het, fir dr Schwyzer Filmbryys nominiert woore. 2008 isch im Zürcher Bilger Verlag ire eerscht Romaan uusechuu. Im nämlige Joor isch si mit eme Wäärchbyydraag vum Kanton Züri uuszaichnet woore.[6] Im Joor druf isch si Bryysdreegeri vum Lilly-Ronchetti-Bryys gsii. Anne 2021 isch irezweet Romaan "Zigeuner" uusechuu. Syt em 1. Jänner 2024 isch si Mitgliid vu dr Aidgnessische Kummissioon geege Rassismus (EKR).
Schrifte
[ändere | Quälltäxt bearbeite]- Das Benefizium des Ettore Camelli. Roman. Bilgerverlag, Zürich 2008, ISBN 978-3-03762-000-7.
- Zigeuner. Roman. Bilgerverlag, Zürich 2021, ISBN 978-3-03762-093-9.
Filmografy
[ändere | Quälltäxt bearbeite]as Broduzänti
- 1993: Swiss Funk vum Patrick Maday, Chuurzfilm
- 1997: Devils don’t dream! Nachforschungen über Jacobo Arbenz Guzmán, Dokumäntaarfilm vum Andreas Hoessli (Friidesfilmbryys/Peace Film Prize, 1996 Berlin International Film Festival. First Prize, 1996 Valladolid International Documentary Film Festival (Spain), 1997 Human Rights Watch Film Festival)
- 1998: Les Laboratoires de la Vie von Irene Loebell (Ufdraagsprodukzioon fir d SRG)
- 2004: Wall Street
- 2006: Swiss Sans Papiers
as Broduzänti un Co-Autoori
- 2002: Epoca – The Making of History
Literatuur
[ändere | Quälltäxt bearbeite]- Roman Bucheli: Geschichte im Gegenlicht literarischer Fiktionen, in: Neue Zürcher Zeitung vum 22. Novämber 2008, Feuilleton
- Linda Koponen: Die Zigeunerin, die sich nie Fahrende nennen würde. Interview in: Neue Zürcher Zeitung vum 6. April 2019, S. 36.
- Aleksandra Hillmann: Die falschen Bilder über uns müssen endlich weg. In: Basler Zeitung vum 5. April 2019
Weblink
[ändere | Quälltäxt bearbeite]- Literatur vu un iber Isabella Huser im Katalog vu dr Dütsche Nazionalbibliothek
- Isabella Huser in dr Internet Movie Database
- d Isabella Huser bim Bilgerverlag
- Hannes Hug im Gespräch mit Isabella Huser in SRF, 22. Novämber 2021
- d Isabella Huser bi Espaces Film
Fueßnote
[ändere | Quälltäxt bearbeite]- ↑ Geschichte der Huserbuebe. In: huserbuebe.ch. Abgruefen am 23. Dezember 2022.
- ↑ «Zigeuner»: Verfolgt mitten in der Schweiz. 8. September 2021, abgruefen am 22. März 2023.
- ↑ Geschichte der Huserbuebe. Abgruefen am 22. März 2023.
- ↑ «Zigeuner»: Verfolgt mitten in der Schweiz. 8. September 2021, abgruefen am 22. März 2023.
- ↑ über espaces film. In: espaces film. Abgruefen am 23. Dezember 2022.
- ↑ Auszeichnungen für Literatur. In: Neue Zürcher Zeitung. 10. Oktober 2008, abgruefen am 23. Dezember 2022.
 |
Dä Artikel basiert uff ere fräie Übersetzig vu dere Version vum Artikel „Isabella_Huser“ vu de dütsche Wikipedia. E Liste vu de Autore un Versione isch do z finde. |