Irène Kälin

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
d Irène Kälin

D Irène Kälin, wo am 6. Februar 1987 z Länzbrg uf d Wält cho isch, isch e Schwiizer Politikerin.

s Lääbe[ändere | Quälltäxt bearbeite]

D Kälin het s Gimnasium z Basel bsuecht und drno d Islam- und d Religionswüsseschaft a dr Uni Züri studiert. 2014 het si s Master-Studium «Religionskultuure» a dr Uni Bärn aagfange. Si het als Gwärkschaftssekretärin bi dr Unia Aargau gschaffet. Si isch d Presidäntin vo ArbeitAargau, dr Aargauer Tachorganisazioon vo de Arbetnämende. Sit 2013 läbt si mit em Journalischt Werner de Schepper zäme. Si woone z Oberflachs.

D Irène Kälin politisiert bi de Grüene. 2010 het me se in Aargauer Groossroot gwählt. Wo im Novämber 2017 dr Jonas Fricker zruggträtten isch, isch si uf däm sin Platz im Nazionalroot choo. Bi dr Wahl vo dr Bundesvrsamlig 2019 isch si als Nazionalröötin wider gwählt woorde.

D Kälin isch 2012 bis 2014 Vizepresidäntin vo de Grüene Schwiiz gsi.

D Kälin isch sit 2013 mit em Journalischt Werner De Schepper liiert.[1] S Paar isch anne 2018 vo Länzbrg uf Oberflachs zooge, im gliiche Joor isch ire gmainsaam Soon uf d Wält choo.[2][3]

Weblink[ändere | Quälltäxt bearbeite]

Fuessnote[ändere | Quälltäxt bearbeite]

  1. Schweizer Illustrierte, 5. April 2013, S. 111.
  2. Umzug: Irène Kälin wird Schenkenbergerin, Aargauer Zeitung
  3. Nationalrätin Irène Kälin hat ihr Baby bekommen, Schweizer Illustrierte