Hostomel
| Hostomel | |||
| (Гостомель) | |||
|
| ||
| Basisdaten | |||
|---|---|---|---|
| Oblast: | Oblast Kiew | ||
| Rajon: | Rajon Butscha | ||
| Höhe: | 109 m | ||
| Fläche: | 6,4 km² | ||
| Einwohner: | 16.190 (2019) | ||
| Bevölkerungsdichte: | 2.530 Iiwohner je km² | ||
| Postleitzahlen: | 08290 | ||
| Vorwahl: | +380 4597 | ||
| Geografischi Lag: | 50° 35′ N, 30° 14′ O | ||
| KOATUU: | 3210945900 | ||
| Verwaltigsgliderig: | 1 Siidlung vum schtädtischa Tüp, 3 Derfer | ||
| Adresse: | вул. Леніна 220 08290 смт. Гостомель | ||
| Website: | gostomel.pp.net.ua | ||
| Statistischi Informatione | |||
| Dialäkt: Mìlhüüserdiitsch |
Hostomel (uff Ukràinisch Гостомель [ɦoˈstɔmelʲ];[1] uff Rüssisch Гостомель Gostomel) ìsch a Schtàdt — offiziäll a „Siidlung vum schtädischa Tüp“ —, wo àm Uufer vum Irpin ìn dr ukràinischa Oblast Kiew lììgt. Ànna 2022 hàt sa 18.466 Iiwoohner g’hàà.[2][3]
wu ’s lììgt
[ändere | Quälltäxt bearbeite]
S’ Schtàdtgebiat vu Hostomel ìsch vum Rajon Kiew-Swjatoschyn umgaa.[4] ’S granzt ìm Wäschta àn d’ Schtädt Butscha un Irpin so wia àns Dorf Blystawyza, un ìm Oschta àns Dorf Horenka. Ìm Süüdoschta gìtt’s a groosser Foohrawàld, wo zem Nàzionààlpàrk Holossijiw g’heert.[1] D’ Schtàdt g’heert zem Bàllungsràuim vu Kiew.[4]
Naawa-n-em Hàuiptort Hostomel sìnn àui d’ dräi Derfer Horenka (Горенка), Moschtschun (Мощун) un Osera (Озера/Озёра) Tail vu dr Siidlung.[4]
Ìm Nordwäschta vu dr Siidlung lììgt dr ìnternàzionààla Kiew-Hostomel, wu Fràcht- un Warksflugziiga känna lànda.[4]
D’ Siidlung ìsch ìwwer d’ M 07 so wia d’ Territoriààlschtroossa T-10-11 un T-10-02 àns ukràinischa Farnschtroossanätz ààgebunda.[4]
G’schìcht
[ändere | Quälltäxt bearbeite]D’ Ortschàft, wo ànna 1494 grìnda worra-n-ìsch, hàt ànna 1614 s’ Màgdeburger Schtàdtracht bikumma. Zitter 1938 hàt Hostomel dr Schtàtüss vun’ra Siidlung vum schtädtischa Tüp bikumma.[4]
Àm 7. März 2022 hàt m’r ärfààhra, àss dr Bìrgermaischter vu dr Schtàdt, dr Jurij Prylypko, waahrem rüssischa-n-Ìwwerfàll uff d’ Ukràina vu rüssischa Soldààta g’ziilt ärschossa worra-n-ìsch, wu-n-’r ìn da Bewoohner Broot un Àrznaimìttel hàt düa vertaila.[5] D’ Laicha-n-ìsch àm 12. Àwrìl 2022 üssgegrààbt worra, un d’rbii sìnn ìnternàzionààla Beobàchter kumma.[6][7] Biim Ààgrìff sìnn àui zwai wittera Ziwilìschta g’schtoorwa.[8] Àm 13. März ìsch Hostomel offiziäll àls „Häldaschtàdt vu dr Ukràina“ g’eehrt worra.[9]
Àm 2. Àwrìl 2022 hàt d’ ukràinischa Regiarung bekànnt gaa, àss d’ ukràinischa Schtraitkräfta Hostomel un àndra Vororta vu Kiew wììder äroowert hann.[10]
Ìnfolga vum Ìwwerfàll hàt dr Schwiizer Verpàckungsglààsharschtäller Vetropack sii Glààswark z’ Hostomel loo schliassa — doo hàt’r äbba 600 Ààg’schtällta b’schaaftigt g’hàà.[11] S’ Wark ìsch sogààr waagem Kriag ìm März 2023 schwaar b’schaadigt worra.[12]
Àm Ààfàng vum Nowamber 2022 hàt m’r z’ Hostomel s’ Wàndbìld vun’ra Fràui mìt’ma Fiirleescher g’sah, wo vermüatlig dr Bansky g’moolt hàt. S’ Bìld ìsch üss dr Wànd getrännt b’schlààgnààhmt worra, un a Mànn ìsch waagem Verdàcht vu Diabschtààhl unter’m Kriagsraacht verfolgt worra.[13]
wia sìch d’ Beveelkerung äntwìckelt hàt
[ändere | Quälltäxt bearbeite]| Joohr | 1939 | 1970 | 1979 | 1989 | 1992 | 2001 | 2005 | 2010 |
|---|---|---|---|---|---|---|---|---|
| Iiwoohner[3] | 4.699 | 6.882 | 9.062 | 11.069 | 11.500 | 12.501 | 14.181 | 14.296 |
| Joohr | 2015 | 2016 | 2017 | 2018 | 2019 | 2020 | 2021 | 2022 |
|---|---|---|---|---|---|---|---|---|
| Iiwoohner[3] | 14.547 | 14.779 | 14.832 | 15.609 | 16.190 | 16.945 | 17.534 | 18.466 |
d’ Schproocha, wo doo g’rädd waara
[ändere | Quälltäxt bearbeite]Biim Zänsüs ànna 2001 hann ìn dr Hàuiptort Hostomel 90,3 % vu da Iiwoohner Ukràinisch un 9 % Rüssisch àls Müatterschprooch g’rädd. 0,7 % vu da Iiwoohner hann äntwaader a àndra Müatterschprooch odd’r sogààr kää b’schtìmmta Müatterschprooch iigaa: bii daana hann 52 Litt „Moldààwisch“ (àlso Rumäänisch) un 20 Litt Wiissrüssisch àls Müatterschprooch g’rädd.[14]
Ìm Dorf Horenka hann 89,8 % vu da Iiwoohner Ukràinisch un 9,7 Prozant Rüssisch àls Müatterschprooch g’hàà. Bii da Àndra sìnn 7 Müatterschproochler vum Moldààwischa/Rumäänischa, 8 Müatterschproochler vum Wiissrüssischa un 5 Müatterschproochler vum Àrmeenischa, 1 Müatterschproochler vum Ungààrischa un 1 Müatterschproochler vum Bülgààrischa gsìì.[14] Ìm Dorf Osera hann 95,4 Prozant vu da Iiwoohner Ukràinisch, un numma 4,2 Prozant vu da Iiwoohner Rüssisch àls Müatterschprooch iigaa.[14]
S’ Dorf Moschtschun hàt dr greeschta Prozantsàtz àn ukràinischa Müatterschproochler g’hàà (96,2 %). Naawa da 25 Müatterschproochler vum Rüssischa (3,1 %) sìnn àui doo 3 Reedner vum Wiissrüssischa un 1 Müatterschproochler vum Ungààrischa gsìì.[14]
wàs doo z’ sah ìsch
[ändere | Quälltäxt bearbeite]-
Hostomel vu Butscha haar g’sah -
a ànder Blìck uff Hostomel vu Butscha üss -
a grooss Zaicha, wämm’r uff Hostomel fààhrt -
s’ Üssera vu dr Fìrbìttakìrìch -
a àndra Sìcht vu dr Fìrbìttakìrìch -
s’ Ìnnera vu dr Fìrbìttakìrìch -
a Brucka ìwwer dr Fluss Rokatsch -
d’ Elijakìrìch -
a An-2-Fluugzigg ìn’ma Pàrk -
a Dankmool, fìr d’ sowjeetischa Soldààta vum Zwaita Waltkriag eehra -
dr Fluughààfa Hostomel
.jpg)
.jpg)
_02.jpg)
_03.jpg)
_RP89728.jpg)
Lìteràtüür zem Ort
[ändere | Quälltäxt bearbeite]- Hostoml. In: Słownik geograficzny Królestwa Polskiego. Band III. Druk «Wieku», Wàrschàui 1882, S. 161—165 (polnisch, edu.pl [abgerufen am 19. Juni 2025]).
Weblìnks
[ändere | Quälltäxt bearbeite]
Commons: Hostomel – Sammlig vo Multimediadateie- d’ Websitta vu dr Schtàdtverwàltung (ukràinisch)
- Schtàtistischa Dààta züa dr Siidlung uff dr Websitta vum Owwerschta Root vu dr Ukràina (frànzeesch)
Ainzelnoohwiisa
[ändere | Quälltäxt bearbeite]- ↑ 1,0 1,1 Dia Informàzioona sìnn üss’m Àrtìkel Hostomel ìn dr anglischa Wikipedia ìwwernumma worra.
- ↑ Чисельність наявного населення України на 1 січня 2022. (PDF) Number of Present Population of Ukraine, as of January 1, 2022. Schtààtlig Schtàtistikkùmittee vu dr Ukràina, archiviert vom Original am 4. Juli 2022; abgruefen am 19. Juni 2025 (ukrainisch, änglisch).
- ↑ 3,0 3,1 3,2 d’ Schtädt ìn dr Ukràina mìt da Beveelkerungszààhla. In: pop-stat.mashke.org. Tim Bespyatov, archiviert vom Original am 15. Juni 2025; abgruefen am 19. Juni 2025 (ukrainisch).
- ↑ 4,0 4,1 4,2 4,3 4,4 4,5 Dia Informàzioona sìnn üss’m Àrtìkel Hostomel ìn dr hoochdiitscha Wikipedia ìwwernumma worra.
- ↑ zamma mìt dr AFP: Ukraine : le maire de Gostomel, aéroport près de Kiev, meurt dans les combats. In: Le Figaro. 7. März 2022, archiviert vom Original am 7. August 2023; abgruefen am 20. Juni 2025 (französisch).
- ↑ ARD Tààgesschàui vum 13. Àwrìl 2022
- ↑ Russische Eindringlinge töten Bürgermeister von Hostomel. In: Ukrinform. Archiviert vom Original am 7. März 2022; abgruefen am 19. Juni 2025.
- ↑ Bürgermeister von Hostomel offenbar bei Brotausgabe durch russischen Beschuss getötet. In: rnd.de. 7. März 2022, archiviert vom Original am 14. März 2022; abgruefen am 19. Juni 2025.
- ↑ Olena Bogdanok: Харків, Чернігів, Маріуполь, Херсон, Гостомель і Волноваха тепер міста-герої. In: Suspilne. 6. März 2022, archiviert vom Original am 30. November 2024; abgruefen am 19. Juni 2025 (ukrainisch).
- ↑ Ukraine meldet „Befreiung“ der gesamten Region um Kiew. In: Frànkfurter Àllg’maina Zittung. Archiviert vom Original am 23. Dezember 2024; abgruefen am 19. Juni 2025.
- ↑ Eveline Kobler: Vetropack in der Ukraine — Schweizer Glaswerk gerät zwischen die Fronten. SRF, 19. April 2022, archiviert vom Original am 26. August 2024; abgruefen am 19. April 2022.
- ↑ Matthias Benz: Das Werk des Schweizer Glasherstellers Vetropack in Hostomel ist schwer beschädigt worden. In: Näija Zürcher Ziitung. Archiviert vom Original am 23. Februar 2025; abgruefen am 19. Juni 2025 (Schwiizer Hochtüütsch).
- ↑ Dieb von Banksy-Bild drohen bis zu zwölf Jahre Haft. In: ORF.at. 2. Januar 2023 (orf.at [abgerufen am 2. Januar 2023]).
- ↑ 14,0 14,1 14,2 14,3 Рідні мови в об'єднаних територіальних громадах України". In: socialdata.org.ua. Abgruefen am 20. Juni 2025 (ukrainisch): „Гостомельська селищна громада, Бучанський район, Київська область“