Holly Randall

d’ Holly Randall ànna 2009

Dialäkt: Mìlhüüserdiitsch

D’ Holly Randall Knipes (* 5. Septamber 1978 z’ Los Angeles) ìsch a àmerikàànischa Pornofotogrààfin, -Filmamàchera, -Produzänta un Unternammera. Zitter 2017 ìsch sa mìt ìhrem Podcast Holly Randall Unfiltered bekànnt, wu sa mìt bekànnta Litt üss dr Pornoìndüschtrii düat reeda. Sa zeehlt bii da wìchtigschta Fràuija ìn dr Säxìndüschtrii, un ànna 2024 ìsch sa ìm AVN-Rüahmshàlla iitrajt worra.

ìhr Laawa un Kàrriar

D’ Holly Randall ìsch ànna 1978 ìn dr kàlifornischa Schtàdt Los Angeles uff d’ Walt kumma. Sa ìsch d’ Tochter vu dr Erootikfotogrààfin Suze Randall — wo bii da wiibliga Pioniara ìn dr Säxìndüschtrii gezeehlt hàt — un vum Pornofilmamàcher Humphry Knipe. Ìhr Vornàmma ìsch vum Schtàdttail Hollywood àbg’laita, wu sa uff d’ Walt kumma-n-ìsch. D’haim ìsch sa zwààr mìt tràdizionälla britischa Tràdizioona uffg’wàcksa, àww’r d’ Fàmìlia ìsch, wàs d’ G’schlachtlikait un kreàtiiwa Salbschtüssdruck ààgeeht, sehr uffa gsìì.

Schuu ìn ìhrer Kìndhait hàt d’ Randall äbbis ìwwer Fotogràfii un Videokunscht g’larnt. Schpeeter hàt sa Fotogràfii àm Brooks-Ìnschtitüüt z’ Santa Barbara g’schtüdiart un hàt ànna 2003 a Àbschluss vu dr üsslandischa Lìteràtüür b’schtànda. Wahrem Schtüdium hàt sa schuu ìn dr Pornoìndüschtrii g’schàfft, wu sa bii dr Fiahrung vu dr Websitta vu dr Müatter — suze.net — g’hulfa hàt. Ànna 2004 hàt sa fìr dia Websitta ìhra äärschta Videos reschiart un gedräijt. Kurz d’ruff hàt sa sìch àls Fotogrààfin ìm erootischa B’raich a Nàmma g’màcht. Bii da Kunda sìnn unteràndrem d’ bekànnta Zittschrìfta Playboy, Penthouse un Hustler gsìì, wia àui d’ bekànnta Schtüdio Twistys, Digital Playground, Wicked Pictures, Brazzers gsìì.

Ànna 2008 hàt d’ Randall ìhr aiganer Schtüdio Holly Randall Productions grìnda — un domìt ìhra aigana gebüührapflìchtiga Online-Plàttform. Sa hàt d’ Filma Hopeless un Broken Butterfly produziart — d’ Baida hàt dr Filmamàcher Jeffrey John Hart reschiart. D’ Kritiker hann dr Film Broken Butterfly: The Perfect Shade of Blu g’loobt, un dr Film hàt zwai AVN Awards (ìn da Kàtegoriia „Best Featurette“ un „Bäscht Dräihbüach – Featurette“) so wia-n-a XBIZ Award (ìn dr Kàtegorii „Best Featurette“) bikumma. Àui dr Film Hopeless ìsch g’loobt worra un ìsch mìt’ma XBIZ Award üsszaichnet worra.

Zamma mìt ìhrer Müatter Suze ìsch d’ Holly Randall ìm B’rìchtfilm Secret Lives of Women: Sex for Sale ìm Farnsahkànààl WE z’ sah gsìì. Baida sìnn àui zamma ìm Progràmm The Insider uff CBS un ìn dr Sandung Sexcetera uff Playboy TV ufftratta. Àb Nowamber 2013 hàt d’ Holly Randall ìhra aigana Sandung Adult Film School uff Playboy TV moderiart — d’rìnn beglaitet sa Ààfanger, wo ìhra aigana Säxtape wälla drähja. Üsserdam hàt d’ Randall àn dr Reality-Sandung The Sex Factor mìtg’màcht: Doo hàt sa Fotowättb’warb fìr Fràuija g’hàlta un d’ zwaita Folga g’wunna. Sa ìsch àui ìn dr zwaita Schtàffel vu dr Sandung DP Star iig’lààda worra, fìr Jury-Mìtglììd waara. Schpeeter hàt sa d’ drìtta Schtàffel DP Star 3 produziart. Naawad’ràà hàt m’r d’ Randall àm Farnsah känna sah, wu sa d’ Näijikaita un Äntwìcklunga vu dr Pornoìndüschtrii b’schproocha hàt: Ufftratta ìsch sa ìsch unteràndrem ìn The Rachel Maddow Show, The Daily Show, uff CNN, uff CBS, ìm B’rìchtsandung Secret Lives of Women, ìm Netflix-B’rìchtsandung Hot Girls Wanted: Turned On, ìm B’rìchtfilm Back Issues: The Hustler Magazine Story (Amazon Prime Video) Before the Internet (Vice TV).

Ànna 2017 hàt sa ìhra aigana wuchantliga Sandung Holly Randall Unfiltered fànga-n-àà moderiara — d’rìnn reedet sa aifàch mìt Pornodààrschtäller, -Filmamàcher, Leehrkraft fìr Säxüààlärziihung un bekànnta Litt üss dr Säxbefräijungsbeweeung. Ànna 2025 ìsch dia Sandung bii da wìchtigschta Sandunga gezeehlt worra, wu sa ìm Sean Malin siinera Lischta The Podcast Pantheon: 101 Podcasts That Changed How We Listen iitrajt worra-n-ìsch. Ìm Janner 2026 hàt d’ Randall zamma mìt’m Jeffrey Hart un em Andrew Nagle ìhra aigana Modällàgantüür nàmmens ‚Holly Randall Agency‘ grìnda. Ìm saalwa Joohr hàt sa d’ Zittschrìft Wet Ink Magazine grìnda, wumm’r Ziiga-n-üssààga, Kritika un G’rädda ìwwer Pornogràfii un Säxàrwet kààt laasa.

d’ Biacher, wo sa g’schrììwa hàt

• Erotic Dream Girls. Goliath, 2009, ISBN 978-3-936709-39-1 (amerikanisches Englisch, 367 S., Iigschränkti Vorschau uf books.google.de). 
• Kinky Nylons. Goliath, 2011, ISBN 978-3-936709-50-6 (amerikanisches Englisch, 272 S., Iigschränkti Vorschau uf books.google.de). 
• Kinky Super Beauties. Goliath, ISBN 978-3-95730-022-5 (amerikanisches Englisch, 2017 S., Iigschränkti Vorschau uf books.google.de). 
• Kinky Lingerie. Goliath, 2015, ISBN 978-3-95730-006-5 (amerikanisches Englisch, 208 S., Iigschränkti Vorschau uf books.google.de). 
• Dynasty. Holy Crow Press (amerikanisches Englisch). 
• Totally Nude Hotties 2015: Sexy Babes Wall Calendar. Sirens Publishing, 2014, ISBN 978-1-890028-63-3. 
• Totally Nude Hotties 2016: Wall Calendar. Sirens Publishing, 2015, ISBN 978-1-890028-72-5 (amerikanisches Englisch). 

Lìteràtüür ìwwer sììe

• Tristan Taormino: Meet the Randalls. In: Village Voice. 29. März 2005 (amerikanisches Englisch, archive.org). 
• Meer Holly Randall. In: CanvasRebel. 25. August 2025 (amerikanisches Englisch, canvasrebel.com). 
• Drew Black: Holly Randall: Growing Up Randall. In: AdultDVDTalk. 8. August 2006 (amerikanisches Englisch, adultdvdtalk.com). 
• Holly Randall on Power, Survival, Reinvention. Carly David, 16. Mai 2026 (amerikanisches Englisch, carlydavid.com). 

Weblìnks

 Commons: Holly Randall – Sammlig vo Multimediadateie

• ìn dr Holly Randall ìhra offiziälla Websitta: Holly Randall Photography (anglisch)
• ìn dr Holly Randall ìhra àndra Websitta: The Women of Holly Randall (anglisch)
• d’ Websitta Holly Randall Unfiltered (anglisch)
• Kanal von Holly Randall uf YouTube
• Holly Randall in de Internet Movie Database (änglisch)
• d’ Holly Randall bii TheMovieDatabase (anglisch)
• d’ Holly Randall ìn dr Internet Adult Film Database (anglisch)
• d’ Holly Randall ìn dr Adult Industry Awards Database (anglisch)