Hermonville

Hermonville
	Hermonville (Frankreich) Hermonville
Region	Grand Est
Département	Marne
Arrondissement	Reims
Kanton	Bourgogne-Fresne
Kommünàlverbànd	Grand Reims
Koordinàte	49° 20′ N, 3° 55′ O49.3361111111113.9094444444444
Heche	73–217 m
Flech	13,30 km2
Iiwohner	1.392 (1. Jänner 2020)
Bevelkerungsdicht	105 Iiw./km2
Code Postal	51220
INSEE-Code	51291
Website	www.hermonville.fr

Dialäkt: Mìlhüüserdiitsch

Hermonville [ɛʁmɔ̃vil] ìsch a frànzeescha G’mainda mìt 1392 Iiwoohner (Schtànd 1. Januar 2020) ìm Département Marne ìn dr Regioon Grand Est. Sa g’heert zem Arrondissement Reims, zem Kàntoon Bourgogne-Fresne so wia zem G’maindaverbànd Communauté urbaine du Grand Reims.

wu dr Nàmma haar ìsch

Ìm Làuif vu dr G’schìcht hàt sìch dr Dorfnàmma-n-asoo uff Làtiinisch un Àltfrànzeesch, schpeeter uff Frànzeesch äntwìckelt:

• Villa Herimundi (ìm 6. Joohrhundert dur dr Flodoard)
• Hermundivilla (ànna 987/996 dur dr Guillaume Marlot)
• Herimundi Villa (ìm 11. Joohrhundert)
• Hermunville, Hermunvilla (ànna 1203)
• Heremondivilla (ànna 1205)
• Domus d’Ermonvilla (ànna 1212)
• Hermonvilh (ànna 1213)
• Hermondivilla (ànna 1223)
• Hermonvile (ànna 1261)
• Hermonneville (ànna 1556)
• Armonville (ìm 18. Joohrhundert)

D’ Dorfbewoohner nännt m’r Hérémondois [eʁemɔ̃dwa] un Hérémondoises [eʁemɔ̃dwaz] uff Frànzeesch.

Geogràfii

Hermonville lììgt äbba Kilomeeter nord-nordwäschtlig vu Reims ìm Norda vu dr histoorischa Prowìnz Champagne. Sa lììgt àn dr soodg’nànnta „Schàmpàànier-Tourìschtaschtrooss“ (Route touristique du Champagne) ìn dr Hììgellàndschàft vu Saint-Thierry, wumm’r d’ Raabsorta vum Wiibàuigebiat Champagne pflànzt un arntet.

Durs G’maindagebiat vu Hermonville fliasst s’ Bachla Rabassa, ema Naawafluss vu dr Loivre. A ànder Bàch, dr Ruisseau des Merlivats, ìsch uff’m G’maindagebiat vum Booda ààwag’schluckt. S’ Zäntrum lììgt uff’ra Heecha vun äbba 105 Meeter. S’ G’land schtaigt ìm Nordwäschta, Wäschta un Süüda sehr schnall tailwiis uff ìwwer 210 Meeter Heecha-n-àà.

A Tail vum Gebiat vu Hermonville g’heert zem Natura 2000-Schutzgebiat „Marais et pelouses du tertiaire au nord de Reims“ (FR2100274) un vu zwai ZNIEFF-Nàtüürzoona. Äbba 62 % vu dr G’maindaflächa waara fìr d’ Làndwìrtschàft b’nutzt, äbba 33 Prozant sìnn b’wàldet — b’sunderscht ìm Süüda vum G’maindagebiat —, un numma 5 Prozant vum Grund ìsch kìnschtlig bàuija.

Umgaa wìrd Hermonville vu da Noochberg’mainda Cauroy-lès-Hermonville ìm Norda, Loivre ìm Nordoschta, Villers-Franqueux ìm Oschta, Pouillon ìm Süüdoschta, Chenay un Trigny ìm Süüda, Pévy ìm Süüdwäschta so wia Bouvancourt ìm Wäschta.

wia sìch d’ Beveelkerung äntwìckelt hàt

Joohr	1962	1968	1975	1982	1990	1999	2006	2013	2020
Iiwoohner	737	793	854	924	1124	1245	1298	1486	1392
Kwalla: Cassini un INSEE

wàs doo z’ sah ìsch

• d’ reemisch-kàthoolischa Salvatoorkìrìch (église Saint-Sauveur), wo üss dr Mìtta vum 12. Joohrhundert schtàmmt. Sa ìsch zitter 1919 bii da Histoorischa Dankmooler klàssifiziart, wo-n-a nàzionààla Bediitung hann. D’rìnn sìnn fìmf Kunschtwark jewills àls Ainzelobjakta bii da Histoorischa Dankmooler klàssifiziart, wo-n-a nàzionààla Bediitung hann: dr schtainiga Hàuiptàltààr üss’m 16. Joohrhundert mìt’m Retààwel un em Relief vu dr Verkìndigung vum Härr àn d’ Jumpfra Mària ìm Schtiil vu dr Gootik, dr Orgel mìt siim Proschpakt üss’m 15. un em 17. Joohrhundert, womm’r nooh dr Frànzeescha Rewolüzioon ànna 1791 üss dr Schtefàànskìrìch z’ Reims doo ààna gebrocht hàt, s’ G’mäld vum Jesüs Krìschtüs siinera Uffärschteehung (Eelfàrb uff Holz) üss’m 16. Joohrhundert, so wia zwai holziga Konsooltìscha üss’m 18. Joohrhundert. Üsserdam sìnn mehrera Kunschtwark, wo jewills bii da Histoorischa Dankmooler iig’schtuuft sìnn, wo-n-a regionààla Bediitung hann: Dr Hàuiptàltààr üss’m 18. Joohrhundert mìt siim Àltààrtìsch, em Tàbernààkel un siim Hìmmel (Màrmoor un Holz), dr holziga Sàkrischtäijschrànk üss’m 18. Joohrhundert, s’ holziga Choorg’schtiahl üss’m Joohr 1845, d’ Holzschtàtüüta vu dr Màdonna mìt’m Jesüskìnd, wo um 1500 g’hàuija worra-n-ìsch, d’ Schtaischtàtüüta vum hl. Petrüs üss’m 16. Joohrhundert so wia s’ G’mäld vum „Hl. Kàrl Borromäus, wo d’ Päschtkrànka düat b’süacha“ (Eelfàrb uff Liinwànd), wo ìm 17. Joohrhundert g’moolt worra-n-ìsch.
• s’ Kriagerdankmool üss Màrmoor un Bronza, fìr d’ Soldààta üss’m Dorf eehra, wo ìm Äärschta Waltkriag g’schtoorwa sìnn. Ar ìsch àm 27. Jüüli 1924 dur dr Àbg’oordneta Jean Jacquy iig’wäijt worra. D’ruff sììht m’r s’ Bruschtbìld vu’ma frànzeescha Soldààt mìt’ma Kriagskriiz.
• dr britischa Militäärfrììdhoof, wu 244 britischa Soldààta beardigt sìnn
• ìm Dorf sìnn mehrera tràdizionälla Hiiser z’ sah
• ìm Dorf sìnn üsserdam a Hüüfa Blüama z’ sah. Ànna 2023 hàt d’ G’mainda d’ Üsszaichnung „Dräi Blüama“ bikumma, ìm Rààhma vum joohrliga Wättb’wärb vu da Schtädt un Derfer, wo mìt Blüama g’schmìckt sìnn.

• 
  s’ Wäschtportààl vu dr Salvatoorkìrìch
• 
  a àndra Sìcht vu dr Salvatoorkìrìch
• 
  dr gedäckta Duurchgàng vor’m Iigàng vu dr Salvatoorkìrìch
• 
  s’ Schloss Marzilly
• 
  s’ Kriagerdankmool
• 
  s’ Kriagerdankmool
• 
  dr britischa Militäärfrììdhoof vun Üssa g’sah
• 
  dr britischa Militäärfrììdhoof vun Üssa g’sah
• 
  uff’m britischa Militäärfrììdhoof
• 
  uff’m britischa Militäärfrììdhoof
• 
  uff’m britischa Militäärfrììdhoof
• 
  s’ Hàuiptdankmool uff’m britischa Militäärfrììdhoof
• 
  s’ Bìrgermaischteràmt
• 
  s’ Poschtàmt
• 
  uff’m G’maindafrììdhoof
• 
  àn dr Tampelschtrooss (rue du Temple)
• 
  a àlta Brucka z’ Hermonville

zem Verkeehr

Hermonville lììgt àbsitts vu groossa Verkeehrsàcksa. D’ Départementsschtrooss D 30 verbìndet s’ Zäntrum mìt Bouvancourt ìm Wäschta un mìt Villers-Franqueux ìm Oschta. D’ Départementsschtrooss D 530 fiahrt uff Cauroy-lès-Hermonville ìm Norda un uff Trigny ìm Süüda.

A Büssliinia vu dr Trànsportg’sällschàft Champagne Mobilités verbìndet d’ G’mainda mìt Cormicy un Reims.

wìchtiga Litt üss’m Dorf

• dr frànzeescha Gen’rààl Bernard de Susbielle (1808–1893) hàt zittawiis ìm Schloss Marzilly g’woohnt
• dr anglischa Täkschtiilìndüschtriäller Jonathan Holden (1828–1906), ìsch zittawiis B’sìtzer vum Schloss Marzilly gsìì
• dr frànzeescha Vìzaàdmirààl Edgard de Maigret (1841–1910) ìsch z’ Hermonville uff d’ Walt kumma
• dr frànzeescha Gen’rààl Émile Oscar Dubois (1842–1928) ìsch z’ Hermonville uff d’ Walt kumma un ìsch àui doo beardigt
• d’ Eugénie Elise Lurette (1852–1940), a Beglaitera vu dr Fàmìlua Spencer un Ìwwerlaawenda vum Untergàng vum Titanic, ìsch z’ Hermonville uff d’ Walt kumma
• dr frànzeescha Schrìftschtäller Maurice Renard (1875–1939) hàt vììl Zitt ìn siinera Kìndhait ìm Schloss vu siina Groossäältra z’ Hermonville verbroocht

Lìteràtüür zem Ort

• L.Demaison: Les archives de la commune d’Hermonville antérieures à 1790. In: Travaux de l’Académie nationale de Reims. Band 84, 1887, S. 393–414 (französisch, bnf.fr [abgerufen am 17. Februar 2026]). 
• Gaston Robert: L’Abbaye de Saint-Thierry et les communautés populaires au Moyen Âge. In: Travaux de l’Académie nationale de Reims. Band 142, 1927, S. 87–120 (französisch, bnf.fr [abgerufen am 17. Februar 2026]). 
• Gaston Robert: Les Seigneurs d’Hermonville au Moyen Âge. Impr. coopérative, 1909 (französisch, 25 S., Iigschränkti Vorschau uf books.google.de). 
• Gaston Robert: La Juridiction échevinale à Hermonville en 1467. Impr. L. Monce, Reims 1910 (französisch, 36 S.). 
• Pol Gosset: Notes généalogiques, tirées des registres paroissiaux du canton de Fismes. In: Travaux de l’Académie nationale de Reims. Band 138, 1924 (französisch, 46 S., bnf.fr [abgerufen am 17. Februar 2026]). 
• Georges Lallemand: L’église d’Hermonville à travers les âges. Imprimerie Coulon, Reims, 1962 (französisch, 72 S., Iigschränkti Vorschau uf books.google.de). 
• Georges Lallemand: Hermonville, souvenirs du passé. Imprimerie Coulon, Reims 1963 (französisch, 93 S.). 
• Patrick Demouy: Genèse d’une cathédrale : les archevêques de Reims et leur Église aux XIe et XIIe siècle. Éditions Dominique Guéniot, 2005, S. 814 (französisch). 
• Gilberte Touret: Hermonville, mémoires de la Grande Guerre. 2016 (französisch). 

Lüag àui

• d’ Lischta vu da G’mainda ìm Département Marne

Weblìnks

 Commons: Hermonville – Sammlig vo Multimediadateie

• d’ offiziälla Websitta vu dr G’maindaverwàltung Hermonville (frànzeesch)
• Schtàtistik züa dr G’mainda Hermonville biim INSEE (frànzeesch)
• Informàzioona züa dr G’mainda Hermonville ìm Informàzioonsportààl BANATIC vum frànzeescha Ìnnaminìschteerium (frànzeesch)
• Informàzioona züa dr G’mainda Hermonville ìn dr Dààtabànk vu dr LdH/EHESS/Cassini (frànzeesch)
• d’ G’mainda Hermonville uff dr Websitta vum Nàzionààla Geogràfii-Ìnschtitüüt IGN (frànzeesch)