Zum Inhalt springen

Hans Frei (Heimatpfleger)

Us der alemannische Wikipedia, der freie Dialäkt-Enzyklopedy

Dr Hans Frei (* 30. Septämber 1937 z Augschburg; † 10. Dezämber 2024) isch e dytsche Beziirkshaimetbflääger, Museumsdiräkter, Natuurschitzer un Hoochschuelleerer gsii. Är het si syner Läbdig fir dr Erhalt vu dr Kultuurlandschaft vu Schwoobe un fi dr Dänkmool- un Natuurschutz yygstetzt. Me het dr Frei gchännt fir sy Engaschmänt fir hischtoorischi Böute, är isch meefach fir syni Verdienscht uuszaichnet woore.

Lääbe un Beruef

[ändere | Quälltäxt bearbeite]

Dr Hans Frei isch z Augschburg anne 1937 uf d Wält chuu un isch z Bobenga ufgwagse. No dr Schuelk het er z Minche Geografy, Gschiicht un Germanischtik studiert. Noch em Staatsexaame fir Leeramt an Gimnaasie het er bromewiert un am Geograafiche Inschtitut dvu dr Uniwersiteet Minche as wisseschaftlige Assischtänt gschafft.[1] Vu 1970 bis 1987 isch er hauptamtlige Beziirkshaimetbflääger vum Regierigsbeziirk Schwoobe gsii, wun er si fir dr Erhalt vu hischtoorische Böuwäärch un vu natuurnooche Landschafte yygsetzt het.[2] Nocherdani het er bis 2003 s Schweebisch Volkskundmuseum Oberschenefeld (hit Museum Oberschönenfeld) un s Rieser Buurehuusmuseum Maihingen (hite Museum KulturLand Ries).[3] glaitet.

Nääbe syre Aarbet as Heimetbflääger un Museumsdiräkter het si dr Frei au in dr akadeemische Leer engaschiert. Är het vu 1973 bis 2013 an dr Uniwersiteet Augschburg un vu 1993 bis 2013 an dr Tächnische Uniwersiteet Minche e diefer Verständnis fir d Bedytig vu Kultuur- un Haimetbflääg vermittlet un het dooderby Teory un Braxis dur organisierti Exkursioone verbunde.[4][5]

Dr Hans Frei isch vu 1986 bis 2013 Mitgliid im Natuurschutzbyyroot vu dr Regierig vu Schwoobe gsii un hret si zäme mit em Bund Natuurschutz fir Hyfe ekoloogischi Brojäktz yygsetzt. Är het Wiiderstand geg dr Böu vu dr A7 dur s Ries glaischtet, geege blaanti Atoomchraftwäärch im Donauried un dr Uusböu vu Gwässer z Schwoobe.[5]

Zue syne greeschte Erfolg in dr Dänkmool- un Haimetbflääg zellt d Rettig vum Chlooschterareal Oberschenefeld, wu dur sy Engaschmänt zue me iiberregionaal bekannte Kultuurzäntrum wooren isch.[2] Au d Sanierig vum Chlooschter Irsee un dr Erhalt vu dr Nearler Stadtmuure geen uf syy Initiatiiv zrugg.[2]

Vu 1972 bis 2013 isch dr Frei Mitgliid vu dr Schweebische Foorschigsgmainschaft un het syt 2012 dr Aarbetskrais „Landeskund“ bim Bayerische Landesverain fir Haimetbflääg glaitet.[6]

Me het en gchännt fir sy strytbaare Karakter, wuu ne vyylmool in Kunflikt mit em "Zytgaischt" brocht het. Ainewääg het er als derfiir gstritte, di kulturälle un natyyrlge Schätz vu Schwoobe z schitze un ere braite Effetligkait zuegängli z mache.[5]

Uusglääseni Publikazioone

[ändere | Quälltäxt bearbeite]

Dr Frei het e Hufe Publikazioone zue Landeskund, Dänkmoolbflääg, Volkskund un Museology vereffetligt.

  • Der frühe Eisenerzbergbau und seine Geländespuren im nördlichen Alpenvorland. Kallmünz, 1966
  • 50 Jahre Heimatpflege in Schwaben 1929–1979. Augsburg, 1979
  • Lebendiges Schwaben – Vom Ries zum Allgäu. Augsburg, 1981
  • Schwaben: Kunstfahrten zwischen Lech und Bodensee. München, 1987
  • Archäologische Wanderungen im Ries. Stuttgart, 1988
  • Bauernhäuser in Bayern – Schwaben. München, 1999.
  • Museen in Schwaben. Lindenberg im Allgäu, 2001
  • Die Stauden – Porträt einer Landschaft in Bayerisch-Schwaben. Augsburg, 2006
  • Schwaben in Bayern – Historisch-geographische Landeskunde eines Regierungsbezirks. Lindenberg im Allgäu, 2017
  • Bedeutsame Kulturlandschaften in Bayerisch Schwaben. Lindenberg im Allgäu, 2021

D Hans Frei isch fir syni Verdienscht meefach geert woore:[3][6]

  • Bayerischi Dänkmoolschutzmedaille
  • Bayerischi Natuurschutzmedaille
  • 2000: Ehrering in Gold vum Landkrais Augschburg
  • 2006: Aventinus-Medaille vum Verband vu bayerische Gschiichtsverain
  • 2008: Bayerische Verdienschtoorde
  • 2010: Landeskundbryys vu dr Bayerische Gsellschaft fir Landeskund
  1. Hans Frei, Fritz Stettmayer: Schaben in Bayern – Historisch-geographische Landeskunde eines Regierungsbezirks. Kunstverlag Josef Fink, Lindenberg im Allgäu, 2016, ISBN 978-3-89870-913-2, Seite 415.
  2. 2,0 2,1 2,2 Er hat Oberschönenfeld gerettet: Hans Frei ist tot. In: Augsburger Allgemeine. 11. Dezember 2024, abgruefen am 1. Januar 2025.
  3. 3,0 3,1 Bezirk Schwaben trauert um seinen langjährigen Heimatpfleger Prof. Dr. Hans Frei. In: Bezirk Schwaben. 12. Dezember 2024, abgruefen am 1. Januar 2025.
  4. Trauer um Prof. Dr. Hans Frei. In: Universität Augsburg. 12. Dezember 2024, abgruefen am 1. Januar 2025.
  5. 5,0 5,1 5,2 Nachruf zum Tod von Professor Hans Frei. In: Bund Naturschutz Augsburg. Dezember 2024, abgruefen am 1. Januar 2025.
  6. 6,0 6,1 Prof. Dr. Hans Frei. In: Technische Universität München. Abgruefen am 1. Januar 2025.
Dä Artikel basiert uff ere fräie Übersetzig vu dere Version vum Artikel „Hans_Frei_(Heimatpfleger)“ vu de dütsche Wikipedia. E Liste vu de Autore un Versione isch do z finde.