Zum Inhalt springen

Hans-Peter Repnik

Us der alemannische Wikipedia, der freie Dialäkt-Enzyklopedy
Kandidaateblakaat zue dr Bundesdaagswaal 1983

Dr Hans-Peter Repnik (* 27. Mai 1947 z Konschtanz;[1] † 5. April 2025 z Singe[2]) isch e dytsche Bolitiker (CDU) gsii. Är isch vu 1989 bis 1994 Barlemäntaarische Staatssekreteer bim Bundesminischter fir wiirtschaftligi Zämenaarbet un Entwicklig gsii. Zwische 1980 un 2005 isch er Mitgliid vum Dytsche Bundesdaag gsii un vu 1998 bis 2002 Eerschte Barlemäntaarische Gschäftsfierer vu dr CDU/CSU-Bundesdaagsfrakzioon. Vu 2010 bis 2012 isch dr Repnik Mitgliid un Voorsitzer vum Root fir Noohaltigi Entwicklig gsii.

Uusbildig un Beruef

[ändere | Quälltäxt bearbeite]

Noch em Abituur 1966 an dr Wiirtschaftsooberschuel Konschtanz het dr Repnik zeerscht sy Weerdienscht abglaischtet un druf ab 1969 Räächts- un Staatswisseschafte an dr Uniwersiteet Fryburg studiert. Anne 1973 het er s eerscht un 1976 s zweete jurischtische Staatsexaame gmacht.[1] Derno isch er bis 1978 perseenlige Referänt vum Finanzminischter vu Baade-Wiirtebäärg gsii.[3] Bis 1980 isch er dani as Oberregierigsroot barlemäntaarsche Berooter im Landdaag vu Baade-Wiirtebäärg gsii.[4]

Dr Repnik isch Voorstandsvoorsitzer vu de Duale Sischteem vu Dytschland (DSD) [5] vu 2002 bis zue dr Iibernaam dur dr Inveschtor Kohlberg Kravis Roberts & Co. im Meerz 2005 gsii.[6]

Dr Hans-Peter Repnik isch ghyroote gsii un het zwoo Deechtere ghaa.[7] Sy Brueder Friedhelm Repnik isch Soziaalminischter vu Baade-Wiirtbäärg gsii.[1]

Bolitik

[ändere | Quälltäxt bearbeite]

Dr Repnik het si zeerscht in dr [Junge Union|Jungen Union]] engaschiert, är isch vu 1973 bis 1976 Beziirksvoorsitzer vu dr JU Siidbaade gsii.[3] Vu 1991 bis 2001 isch dr Repnik Voorsitzer vum CDU-Beziirksverband Siidbaade un Mitgliid im Bresidium vu dr CDU z Baade-Wiirtebäärg gsii. Vu 1992 bis 2002 het er au em CDU-Bundesvoorstand aagheert.[6]

Vu 1980 bis 2005 isch dr Repnik Mitgliid vum Dytsche Bundesdaag gsii.[4] Dpoo isch er vu 1985 bis 1989 Voorsitzer vu dr Landesgruppe Baade-Wiirtebäärg in dr CDU/CSU-Bundesdaagsfrakzioon gsii. Vu 1994 bis 1998 isch dr Repnik stellverdrättende Voorsitzer un vu 1998 bis 2002 Eerschte Barlemäntaarische Gschäftsfierer vu dr CDU/CSU-Bundesdaagsfrakzioon gsii.[4]

Im Rame vun ere Kabinettsumbildig isch dr Repnik am 21. April 1989 as Barlemäntaarische Staatssekreteer bim Bundesminischter fir wiirtschaftligi Zämenaarbet un Entwicklig in d Bundesregierig gruefe woore, wu vum Bundeschanzler Helmut Kohl gfiert wooren isch.[8] No dr Bundesdaagswaal 1994 isch er am 17. Novämber 1994 us em Amt gschiide.

Dr Hans-Peter Repnik isch alliwyyl as diräkt gweelte Abgoornete vum Bundesdaagswaalkrais Konschtanz in Bundesdaag yyzooge.[3]

Sunschtigi Ämter, Eerige un Uuszaichnige

[ändere | Quälltäxt bearbeite]

Dr Hans-Peter Repnik isch vu 2010 bis 2012 Voorsitzer vum Root fir Noohaltigi Entwicklig gsii,[9] isch eerenamtli Byyrootsmitgliid vum Arnold-Bergstraesser-Inschtitut fir kultuurwisseschaftligi Foorschig zFryburg gsii un eerenamtli Voorstandsmitgliid vu dr Dytsche Stiftig Wältbevelkerig. Derzue isch er langjeerig eerenamtli Voorstandsmitgliid vu dr Konrad-Adenauer-Stiftig gsii.

Fir sy bolitisch Engascmänt isch dr Hans-Peter Repnik 2007 vum baade-wiirtebäärgische Minischterbresidänt Günther Oettinger mit dr Verdienschtmedaille vum Land Baade-Wiirtebäärg geert woore.

Kabinett

[ändere | Quälltäxt bearbeite]
[ändere | Quälltäxt bearbeite]

Fueßnote

[ändere | Quälltäxt bearbeite]
  1. ↑ 1,0 1,1 1,2 Hans-Peter Repnik im Munzinger-Archiv (Artikelaafang frei abruefbar)
  2. ↑ Dieter Löffler: Trauer um einen Großen der Politik: Ehemaliger CDU-Abgeordneter Hans-Peter Repnik ist tot. In: Südkurier. 6. April 2025, abgruefen am 6. April 2025.
  3. ↑ 3,0 3,1 3,2 Ratsvorsitzender legt sein Mandat nieder - Hans-Peter Repnik: „Meine Gesundheit zwingt mich dazu.“ In: forum-csr.net. 18. Januar 2012, abgruefen am 22. Dezember 2022.
  4. ↑ 4,0 4,1 4,2 Hans-Peter Repnik. Die Bundesregierung, abgruefen am 22. Dezember 2022.
  5. ↑ Inga Griese: Der Müllentsorger der Nation. In: Die Welt. 12. Juni 2003, abgruefen am 22. Dezember 2022.
  6. ↑ 6,0 6,1 Jörg-Peter Rau: Konstanz/Markelfingen: Politik bestimmte sein Leben: Der langjährige CDU-Abgeordnete Hans-Peter Repnik wird 70 Jahre alt. In: Südkurier. 26. Mai 2017, abgruefen am 22. Dezember 2022.
  7. ↑ MdB: Hans-Peter Repnik. In: das BlogMagazin. 8. September 2009, abgruefen am 22. Dezember 2022.
  8. ↑ Matthias Kaufmann: Hans-Peter Repnik: Grüner Punkt, Alarmstufe rot. In: Manager Magazin. 17. Juni 2003, abgruefen am 22. Dezember 2022.
  9. ↑ Hans-Peter Repnik: „Wir müssen den Lobbys widerstehen“. In: Der Tagesspiegel Online. 27. September 2010, abgruefen am 22. Dezember 2022.
Dä Artikel basiert uff ere fräie Übersetzig vu dere Version vum Artikel „Hans-Peter_Repnik“ vu de dütsche Wikipedia. E Liste vu de Autore un Versione isch do z finde.
Vun "https://als.wikipedia.org/w/index.php?title=Hans-Peter_Repnik&oldid=1068367"