Hanne Landgraf

D Hanne Landgraf (* 14. Oktoober 1914 z Caarlsrue as Hanne Siebert; † 19. Jänner 2005 au deert) isch e dytschi Bolitikeri (SPD) gsii.

Lääbe

D Landgraf isch anne 1946 in d SPD yydrätte un het vu 1953 bis 1969 em Chaarlsruer Stadtroot un vu 1966 bis 1976 em Landaag vu Baade-Wiirtebäärg aagheert. In de Joor 1968 bis 1970 isch si di ainzig Frau im Landdaag gsii. Si het ir eLäbdig lang e grooß Engaschmänt un Sachverstand fir karitatiivi un bolitischi Ufgaabe zaigt, het fir soziaali Gräächtigkait kämpft un isch dooderbyy bschaide bliibe.

Si isch in vyyl Verain aktiiv gsii. Si isch Voorsitzeri vum Mieteregnääsigswäärch un 83 Joor lang Mitgliid un speeter Eeremitgliid im Spoortverain FSSV Karlsruhe e. V. gsii, wu si ab 1945 mit irem Vater Karl Siebert ufböue het un wuu si vyyl Joor lang Chinderduurnwaarti gsii isch.

Au in dr Chaarlsruer Arbaiterwoolfaart (AWO) het si si engaschiert. Mit irem Vater Karl het si 1946 zue dr Neigrinder*ne vum Verband zellt, si isch vyyl Joor lang Voorsitzeri z Chaarlsrue gsii un stellverdrättend Voorsitzeri im Beziriksverband Baade.

D Hanne Landgraf isch mit em Rolf Landgraf ghyroote gsii, wu si bim Boschtspoortverein Chaarlsrue chännegleert ghaa het.

Si het dr freireligieese Gmai aagheert.

Eerige un Uuszaichnige

Verdienschtchryz am Band vu dr Bundesrepublik Dytschland.
1976 Verdienschchryz 1. Klasse vu dr Bundesrepublik Dytschland
1980 Verdienschtmedaille vum Land Baade-Wiirtebäärg
Syt 1993 Eerebuurgei vu dr Stadt Chaarlsrue
Guldeni Verainseerenoodle vum FSSV Karlsruhe un di guldeniu Verdienschtblakette vum Baadische Duurnerbund
1974 Marie-Juchacz-Blakette vu dr AWO
No ire isch s Hanne-Landgraf-Huus gnännt, e Senioorezäntrum vu dr AWO z Grötzingen.
Syt 2005 git s z Chaarlsue d Hanne Landgraf Stiftig vu dr AWO Chaarlsrue mit em Schwäärpunkt Hilf fir aarmi Chinder. S Grundkapitaal isch mit eme Huu finanziert woore, wu d Landgraf dr AWO Chaarlsrue gschänkt ghaa het.

Literatuur

Ina Hochreuther: Frauen im Parlament – Südwestdeutsche Abgeordnete seit 1919. Im Auftrag des Landtags herausgegeben von der Landeszentrale für politische Bildung, Theiss-Verlag Stuttgart, 1992. ISBN 3-8062-1012-8, S. 140–142.

Dä Artikel basiert uff ere fräie Übersetzig vu dere Version vum Artikel „Hanne_Landgraf“ vu de dütsche Wikipedia. E Liste vu de Autore un Versione isch do z finde.