Hanna Salzer

D Hanna Salzer (* 1981 z Züri) isch e Schwyzer Reschiseeri un sischteemischi Therapeuti.

Lääbe

D Hanna Salzer isch z Züri uf d Wält chuu. Anne 2003 het si an dr HGKL Lozärn aafange Bildendi Chunscht studiere, 2007 het si s Stuudium mit eme Bachelor of Art abgschlosse. Im nämlige Joor isch si uf Berlin gange go an dr HFF „Konrad Wolf“ Filmreschy studiere. Si het 2009 en Uusduschsemeschter an dr Sapir Filmacademy z Sderot, Israel gmacht. 2014 het si ire Stuudium abgschlosse. Ire Diploomfilm Mädchenflügel (Draibuech, Reschy) isch vum Forum für jüdische Kunst & Kultur mit em «Omanut-Zwillen­berg-Feerderbryys» uuszaichnet woore.

In ire Film duet si kritischi un soziaali Teeme ufschaffe. Derzue schafft si in verschiidene Umfäld as Meediepedagoogi un bietet Achtsamskaitskiirs un schamaanischi Rituaal aa. In dr sischteemische Berootig het si si syt 2016 e zwait berueflig Standbai ufböue.

D Hanna Salzer isch Mitgliid bi ProQuote Regie.

Si het zwelf Joor z Berlin gläbt. Mit irem Paartner, eme indische Muusiker, het si zwai Chinder un läbt mit ire Familie syt 2021 im Woonbrojäkt Lebensraum Belmont z Wilderswiil im Bärner Ooberland.

Uusglääseni Filmografy

• 2010: Mädchen war gestern (Reschy)
• 2013: Mädchenflügel (Draibuech, Reschy)
• 2015: On my own (Draibuech, Reschy)
• 2016: Exchange (Reschy)
• 2017: Vielleicht ziehen wir auch weiter – Fluchtgeschichten
• 2024: Trampolin & Kreiskultur (Dokumäntaarfilm)

Uuszaichnige

• 2015: Omanut-Zwillen­berg-Feerderbryys

Weblink

• Offiziälli Websyte
• Literatur vu un iber Hanna Salzer im Katalog vu dr Dütsche Nazionalbibliothek
• Hanna Salzer in dr Internet Movie Database
• Hanna Salzer bi filmportal.de