Greti Kläy

D Greti Kläy, gebooreni Schlapfer, gschiideni Luginbühl, (* 3. Meerz 1930 z Lozärn; † 20. Novämber 2015) isch e Schwyzer Filmreschisseeri, Koschtiimbildner un Chunschtwääberi gsii.

Lääbe

D Kläy het Daameschnyyderi gleert un isch paralleel dooderzue vu 1947 bis 1949 uf d Gwäärbschuel z Bärn gange. Noch em Abschluss an dr Gwäärbschuel het d Kläy Handwääberi gleert un het syt 1950 Handdeppig gwäbt.

An dr Gwäärbeschuel het d Kläy ire eerscht Mann Bernhard Luginbühl chännegleert, si hän anne 1950 ghyroote. Us dr Ee sin zwoo Deechtere fiirigange. Dr Luginbühl het dr Kläy sy Staifiguur Greti gwidmet, het si aber no dr Schyydig 1957 in Sitzende umgnännt. Anne 1959 het d Greti Kläy dr Mooler Fritz Kläy ghyroote.

In dr Filmbranche het si in de 1970er Joor as Koschtiimbildneri aagfange. Iri ainzig Reschyaarbet isch anne 1993 dr Chinderfilm Anna annA mit em Co-Reschiseer Jürgen Brauer gsii. Fir där Film, wu noch eme beliebte Schwyzer Chinderbuech vum Lukas Hartmann entstanden isch, het si au am Draaibuech mitgschafft.

Filmografy

• 1977: Kleine frieren auch im Sommer (Koschtiimbild)
• 1985: Symphonie (Seerie, Koschtiimbild)
• 1986: Queen of Elastic (Neikunzipierig, Montaasch)
• 1989: Meine Freunde in der DDR (Script, Montaasch)
• 1989: Pestalozzis Berg (Koschtiimbild)
• 1991: Anna Göldin – Letzte Hexe (Koschtiimbild)
• 1992: Anna annA (Co-Reschy, Draaibuech)
• 1998: Propellerblume (Koschtiimbild)
• 2001: Lieber Brad (TV, Koschtiimbild)
• 2003: Au sud des nuages – Fünf Walliser Bauern auf Abwegen (Koschtiimbild, Brodukzioonsdesign)

Literatuur

• Greti Kläy. In: Ingelore König, Dieter Wiedemann, Lothar Wolf (Hrsg.): Zwischen Marx und Muck. DEFA-Filme für Kinder. Henschel, Berlin 1996, ISBN 3-89487-234-9, S. 429.

Weblink

• Greti Kläy in dr Internet Movie Database
• Greti Kläy bi filmportal.de

Fueßnote

Dä Artikel basiert uff ere fräie Übersetzig vu dere Version vum Artikel „Greti_Kläy“ vu de dütsche Wikipedia. E Liste vu de Autore un Versione isch do z finde.