Gitta Gsell
D Gitta Gsell (* 1953 z Züri) isch e Schwyzer Filmreschiseeri.[1]
Lääbe
[ändere | Quälltäxt bearbeite]D Gitta Gsell isch vu 1977 bis 1979 uf d F+F Schuel Züri gange un het druf iri Uusbildig in de USA wytergmacht. Vu 1980 bis 1982 het si an dr School of Visual Arts z New York studiert, wu si ne Bachelor in Fine Arts gmacht het, nocherdani isch si an s Hunter College, New York, gange, wu si 1984 e Master of Fine Arts in Combined Media gmacht het.[2]
S Gitta Gsells Filmografy umfasst Spiil- un Dokumäntaarfilm. Mit Bödälä – Dance the Rhythm, eme Dukumäntaarfilm, wu d Magy vum perkussiive Danz tematisiert, het d Reschiseeri dr Prix du Public 2010 gwunne, dr Publikumsbryys vu dr Soledurner Filmdääg. Mit em Spiilfilm Propellerblume (1999) isch d Reschiseeri fir dr Schwyzer Filmbryys nominiert gsii. Anne 2005 isch ire Film iber d Schwyzer Jazzikone Irène Schweizer in d Kino chuu.
D Gitta Gsell het vu 1979 bis 1989 z New York gläbt un isch Grindigsmitgliid vu dr Theatergruppe DIG gsii. D Stugg Clichés, e 40-Minute-Multimedia-Spektakel, un Desert Island Games, e 70-Minute-Multimedia-Theater, sin in verschiidene New Yorker Club un Theaterhyyser wie Danceteria, Pyramid, NoSeNo, New York Theater Ensemble, BACA, Re-Cher-Chez ufgfiert woore.
D Gitta Gsell chunnt uursropingli vu dr Fotografy un dr Chunscht. Näbe verschiidene Gruppenuusstellige z New York het si 1992 im Chunschthuus Pasquart en Ainzeluusstellig mit grooßformaatige Fotografie zaigt.
Au ire Film Beyto (2021) isch an de Soledurner Filmdääg mit em Publikumsbryys Prix du Public uuszaichnet woore.[3][4]
D Gitta Gsell isch Mitgliid vu dr Schwyzer Filmakademy un vum Schwyzer Draibuech- un Reschyverband,[5] derzue engaschiert si si im Voorstand vu art-tv.ch, em Schwyzer Kultuurfäärnsee im Netz.
Usglääseni Filmografy
[ändere | Quälltäxt bearbeite]- 1981: Goodbye
- 1984: A.R.T.
- 1985: Immer diese Ewigkeit
- 1987: Don’t Stand On The Ocean
- 1990: Cornelia Forster – Künstlerin
- 1990: Perception/Tension
- 1994: Uma passagem/Umgezogen
- 1995: Lilu in der Tanzbar (Chuurzfilm)
- 1997: Propellerblume
- 1999: Virus-L (Chuurzfilm)
- 2004: Lilo & Fredi
- 2005: augen blicke N
- 2005: Irène Schweizer
- 2010: Bödälä – Dance The Rhythm
- 2013: Karambolage – Arnold Odermatt und seine Welt
- 2016: Melody of Noise – wie Geräusch zu Musik wird
- 2020: Beyto
- 2021: Camera Obscura
Weblink
[ändere | Quälltäxt bearbeite]- Gitta Gsell in dr Internet Movie Database
- d Gitta Gsell uf swissfilms.ch
- Websyte zue Bödälä
- Film vu dr Gitta Gsell uf Artfilm.ch
Fueßnote
[ändere | Quälltäxt bearbeite]- ↑ SWISS FILMS: Gitta Gsell. Abgruefen am 14. Februar 2021.
- ↑ Gitta Gsell. Abgruefen am 14. Februar 2021.
- ↑ Gitta Gsells Dokufilm Bödälä. Abgruefen am 14. Februar 2021.
- ↑ Prix du public. Abgruefen am 14. Februar 2021.
- ↑ ARF/FDS |. Abgruefen am 14. Februar 2021 (de-DE).
 |
Dä Artikel basiert uff ere fräie Übersetzig vu dere Version vum Artikel „Gitta_Gsell“ vu de dütsche Wikipedia. E Liste vu de Autore un Versione isch do z finde. |