Gertrud Frühschütz

D Gertrud Frühschütz (* 16. April 1906 z Stuagert as Gertrud Mink;^[1] † 16. Juuli 1990 z Sankt Bläsi) isch e dytschi Bolitikeri (KPD) gsii. Si isch vu 1946 bis 1950 Mitgliid im Landdaag vu Wiirtebäärg-Baade gsii.

Familie, Uusbildig un Beruef

D Gertrud Mink isch scho ase jung in dr kummenistische Beweegig aktiiv gsii. Si isch in dr Chinderorganisazioon un im Juugedverband vu dr KPD organisiert gsii. Ab 1921 het si Kunterischti an dr Handelsschuel Gander z Stuagert gleert un Oobekiirs bim Stenograafeverain Stuagert gmacht. Vu 1930 bis 1932 het si as Biroaagstellti im Verein für Kinder-Ferienheime gschafft. Anne 1933 isch si zue irem Verlobte Fritz Rau uf Halle gange. Wu si as Kummenischti vu dr Gestapo gsuecht wooren isch, het si illegaal zeerscht z Halle gläbt, speeter z Berlin. Wu dr Fritz Rau, wu as Redakter vu dr KPD-Zytig gschaft ghaa het, verhaftet wooren isch, het si dr Ufdraag iiberchuu, z Siiddytschland am Wiiderstand mitzschaffe. 1933 isch dr Fritz Rau vu dr Gestapo ermoordet un d Gertrud Mink isch z München-Stadelheim inhaftiert woore. Speeter isch si in s KZ Moringen un ins KZ Lichtenburg verlait woore. Wu si 1938 us dr Haft entloo woore isch, het si zeerscht as Kunterischti in dr Wäärchstatt Theodor Krafft z Stuagert gschafft. Vu 1943 bis 1945 isch si as Kunterischti bi dr Siemens-Halske AG gsii. Si het dr Georg Frühschütz chännegleert, wu us em KZ Dachau entloo wooren isch, un het iin 1943 ghyroote. Dr Georg Frühschütz het noch em Chrieg s Amt fir Wiiderguetmachig z Stuagert mitufböue un isch Regierigsroot wooren, isch aber anne 1949 an de Folge vu dr KZ-Haft gstoorbe. D Gertrud Frühschütz het ab 1945 as Sekreteeri bi dr Beziirkslaitig vu dr KPD gschafft.

D Gertrud Frühschütz isch in speetere Joor Mitgliid bi de Natuurfrynd un bi dr AWO gsii.

Bolitischi Aarbet

D Frühschütz het ab 1946 dr Vorlaifige Volksverdrättig fir Wiirtebäärg-Baade aagheert, wu vu dr amerikaanische Bsatzigsmacht yygsetzt wooren isch. Am 30. Juni 1946 isch si in di Verfassiggeebend Landesversammlig Wiirtebäärg-Baade gweelt woore. No dr Landdaagswaal 1946 het si bis 1950 em Landdaag vu Wiirtebäärg-Baade aagheert. Wu d KPD bi dr Landdaagswahl 1950 an dr Fimf-Brozänt-Huurd hange bliiben isch, isch si us em Landdaag uusgschiide. Vu 1945 bis 1958 isch si Mitgliid vum Gmairoot vu dr Stadt Stuagert gsii, bis 1956 fir d KPD, wu die verbote wooren isch, fir d Stuagerter Weelerverainigung.

Weblink

Frühschütz, Gertrud. In: M.d.B. – Die Volksvertretung 1946–1972. – [Faber bis Fyrnys] (= KGParl Online-Publikationen). Kommission für Geschichte des Parlamentarismus und der politischen Parteien e. V., Berlin, ISBN 3-7700-5224-2, S. 337 (kgparl.de [PDF; abgerufen am {{{Zugriff}}}]).
d Gertrud Frühschütz uf Leo-BW
d Gertrud Frühschütz uf dr Websyte vum Landdaag Baade-Wiirtebäärg

Literatuur

Ina Hochreuther: Frauen im Parlament. Südwestdeutsche Parlamentarierinnen von 1919 bis heute. Stuttgart 2002. ISBN 3-923476-15-9, S. 112 f.

Fueßnote

↑ VVN-BdA Baden-Württemberg (Hrsg.): Lilo Herrmann – eine Stuttgarter Widerstandskämpferin. Stuttgart 1993, S. 69 ff. (2. Aufl. bearb. von Lothar Letsche).

Dä Artikel basiert uff ere fräie Übersetzig vu dere Version vum Artikel „Gertrud_Frühschütz“ vu de dütsche Wikipedia. E Liste vu de Autore un Versione isch do z finde.

[1] VVN-BdA Baden-Württemberg (Hrsg.): Lilo Herrmann – eine Stuttgarter Widerstandskämpferin. Stuttgart 1993, S. 69 ff. (2. Aufl. bearb. von Lothar Letsche).

[1]