Gerhard Seiler

Dr Gerhard Seiler (* 21. Oktober 1930 z Charlsrue; † 1. Juli 2025^[1]) isch e dytsche Bolitiker (CDU) un Brofässer fir Volkswirtschaftslehr un Finanzwisseschaft gsii. Är isch vu 1986 bis 1998 Oberburgermaischter vu Charlsrue gsii.

Lääbe

Beruef

Dr Seiler het anne 1958 an dr Wirtschaftshochschuel Mannem (hite Uniwersitet Mannem) bromewiert mit ere Dissertation iber Annahmen und Aussagen eines ökonometrischen Konjunkturmodells, sy Habilitationsschrift (Charlsruhe 1972) drait dr Titel: Optimierungsprobleme der kommunalen Investitionsplanung. Är het an dr Fakultet fir Wirtschaftswisseschafte vu dr Uniwersitet Charlsrue gleert, anne 1972 het er dr Titel Brofässer iberchuu, 2005 d Ehredokterwird vu dr Uniwersitet.

Dr Seiler isch syt 1959 in syre Haimetstadt as Hafediräkter, Stadtchämmerer, vu 1977 bis 1983 as Burgermaischter un vu 1983 bis 1986 as Erschte Burgermaischter im Dienscht gsii. Anne 1986 isch er zum erschte Mol un 1994 zum zwaite Mol zum Oberburgermaischter vu dr Stadt Charlsrue gwehlt wore. Zum Uusschyde us sym Amt as Oberburgermaischter 1998 isch ihm s Groß Bundesverdienschtchryz un d Ehreburgerschaft vu Charlsrue verlihe wore. As neie Oberburgermaischter isch sy Barteikolleg Heinz Fenrich gwehlt wore. Ab 2005 isch dr Seiler au Ehreburger vum Charlsruer Inschtitut fir Tächnology (KIT) gsii.

Vu 1980 bis 1984 isch dr Seiler Abgornete vum bade-wirttebärgische Landdag gsii. Anne 1995 isch er fir zwai Johr zum Bresidänt vum Dytsche Stedtedag gwehlt wore.

Bresidänt vum Karlsruher SC

Dr KSC-Bresidänt Detlef Dietrich het in ere usserordelige Mitgliderversammlig am 22. Februar 2002 sy Ruggdritt verchindet. Dr KSC isch dodmol vor dr Insolvänz gstande. Am 27. Februar het dr Gerhard Seiler verchindet, ass er as Notbresidänt d Fierig wett iberneh, dur syni bolitische un wirtschaftlige Kuntakt het er dr KSC vor em finanziälle Uus grettet. Am 27. Novämber 2002 isch dr Hubert Raase mit 293 zue 25 Stimme as Noofolger vum Gerhard Seiler, wu us gsundhaitlige Grind zruggdrätten isch, zum Bresidänt gwehlt wore.

Familie

Är isch vu 1957 bis zue sym Dod mit syre Frau Trudi ghyrote gsii, si hän zäme vier Chinder ghaa.^[2]

Ehrige

DRK-Ehrezaiche (1983)
Bundesverdienschtchryz 1. Klass (1984)
Verdienschtmedaille vum Land Bade-Wirttebärg (1995)
Groß Bundesverdienschtchryz (1998)
Ehreburgerwird vu dr Stadt Charlsrue (1998)
Ehreburger vum KIT (2005)

Literatur

Klaus E. R. Lindemann (Hrsg.): Gerhard Seiler. Info-Verlagsgesellschaft, Karlsruhe 2000, ISBN 3-88190-257-0.

Weblink

Literatur vu un iber Gerhard Seiler im Katalog vu dr Dütsche Nazionalbibliothek
Gerhard Seiler im Stadtwiki Charlsrue

Fueßnote

↑ Karlsruhe trauert um Ehrenbürger und Oberbürgermeister im Ruhestand Prof. Dr. Gerhard Seiler. In: karlsruhe.de. 2. Juli 2025, abgruefen am 3. Juli 2025.
↑ StadtZeitung Nr. 10, 11. März 2022, S. 5.

Dä Artikel basiert uff ere fräie Übersetzig vu dere Version vum Artikel „Gerhard_Seiler“ vu de dütsche Wikipedia. E Liste vu de Autore un Versione isch do z finde.

[1] Karlsruhe trauert um Ehrenbürger und Oberbürgermeister im Ruhestand Prof. Dr. Gerhard Seiler. In: karlsruhe.de. 2. Juli 2025, abgruefen am 3. Juli 2025.

[2] StadtZeitung Nr. 10, 11. März 2022, S. 5.

[1]

[2]