Gerhard Pfister (Politiker)
Dr Gerhard Michael Pfister (* 1. Oktober 1962 z Zug; haimetberächtigt z Oberägeri un z Wittebach) isch e Schwyzer Bolitiker (D Mitti, vorhär CVP) un Lehrer fir Literatur un Philosophi.
Lääbe
[ändere | Quälltäxt bearbeite]Dr Pfister isch as Suhn vun eme Schuellaiter z Oberägeri ufgwagse, wun er au uf d Primarschuel gange isch. Derno isch er an d Chloschterschuel Disentis gwägslet. No dr Matura het er z Frybùùrg Literatur un Philosophi studiert. Är het iber dr Schriftsteller Peter Handke promowiert. Ab 1987 het er am elterlige Schuelinternat as Lehrer fir Philosophi un Dytsch gschafft. Anne 1994 het er s Schuelinternat as Laiter ibernuu un het s bis 2012 gfiert; denn hed er s gschlosse.[1][2] Anne 2006 het er d Dagesschuel Elementa z Nöie grindet. Derzue isch dr Pfister Mitglid un Bresidänt vu dr Verwaltigsreet vu verschidene Unternäme, Stiftige un Verbänd. Är ich zem Byschpel syt 2021 Bresidänt vum Schwyzer Casinoverband un syt 2020 Bresidänt vum Zemäntverband Cemsuisse, baidi Ämter in Noofolg uf dr Beat Vonlanthen.[3]
Vu 1998 bis 2003 isch dr Pfister im Kantonsroot vum Kanton Zug gsii. 1999 het er s Bresidium vu dr kantonale CVP Zug gsii. Bi de Schwyzer Barlemäntswahle 2003 isch er in Nationalroot gwehlt wore, bi de Wahle 2007, 2011, 2015 un 2019 isch er allmol widergwehlt wore. Är isch syter anne 2003 Mitglid vu dr Staatsbolitische Kummission vum Nationalroot un het die vu 2007 bis 2009 bresidiert. Au isch er Mitglid in dr Ussebolitische Kummission vum Nationalroot gsii.[4] Dr Pfister het anne 2010 unter de Barlemäntarier vu syre heterogene Bartei as wyt rächts gulte.[5] Am 23. April 2016 isch dr Pfister drotz däre Uusgangslaag zum Bresidänt vu dr CVP Schwyz gwehlt wore.[6][7] Zue de Schwierigkaite vun ere Mitti-Bartei het er gsait, ass Wehler meehaitli diejenige lieber hebe, wu «Eindeutigkeit vorspielen», wu d Wohret differenzierter sei.[8] No de Wahle 2019 het er dr Reformbrozäss vu syre Bartei aagstoße, mit dr Namesänderig un dr Fusion mit dr BDP. Syt Jänner 2021 haißt d Bartei „Die Mitte Schweiz“.
Am 6. Jänner 2025 het dr Pfister verchindet, ass er im Juni sy Amt as Barteibresidänt no iber nyyn Johr abgit.[9]
Dr Pfister isch syt 1994 mit dr Gimnasiallehreri un Theaterpedagogi Franziska Bachmann (* 1963) ghyrote. Si wohne z Oberägeri.
Weblink
[ändere | Quälltäxt bearbeite]
- Gerhard Pfister uf dr Websyte vo dr Bundesversammlig
- Publikatione vo und über Gerhard Pfister (Politiker) im Katalog Helveticat vo der Schwiizerische Nationalbibliothek
- Websyte vum Gerhard Pfister
Fueßnote
[ändere | Quälltäxt bearbeite]- ↑ Joel Bedetti: Der rechte Weg. Der künftige CVP-Präsident Gerhard Pfister ist ein Intellektueller der etwas anderen Art. Was sucht so einer in der Politik? In: Das Magazin. Tamedia, Züri 9. April 2016, S. 10–21 (joelbedetti.com).
- ↑ Michael Schoenenberger: Der Unangepasste. In: Neue Zürcher Zeitung. 28. März 2013, abgruefen am 11. Februar 2016.
- ↑ Dirk Schütz: Online-Zocken für die AHV. In: BILANZ. 31. Mai 2021.
- ↑ Philipp Loser, Claudia Blumer: «Glauben Sie, jemand würde mich wählen?» In: Tages-Anzeiger. 6. März 2015, abgruefen am 11. Februar 2016.
- ↑ Michael Hermann, Bruno Jeitziner: Das Links-Rechts-Rating: klare Fronten. In: Neue Zürcher Zeitung. 26. November 2010, abgruefen am 11. Februar 2016.
- ↑ Géraldine Eicher: Ab durch die Mitte oder rechtsum kehrt? In: SRF: Samstags-Rundschau. 16. Januar 2016, abgruefen am 11. Februar 2016.
- ↑ Gerhard Pfister ist neuer Präsident der CVP Schweiz (Memento vom 12. April 2018 im Internet Archive)
- ↑ Peer Teuwsen (Interviewer): «Wir Politiker sollen diejenigen sein, die am meisten lügen? Das sind doch Fake-News!» In: NZZ. 6. Oktober 2018.
- ↑ Gerhard Pfister tritt als Parteipräsident zurück. In: 20 Minuten. 6. Januar 2025, abgruefen am 6. Januar 2025.
 |
Dä Artikel basiert uff ere fräie Übersetzig vu dere Version vum Artikel „Gerhard_Pfister_(Politiker)“ vu de dütsche Wikipedia. E Liste vu de Autore un Versione isch do z finde. |