Gerhard Buchkremer

dr Gerhard Buchkremer (2009)

Dr Gerhard Buchkremer (* 22. Augschte 1943 z Prien am Chiemsee; † 26. Augschte 2025) isch e dytsche Psychiater un Psychotherapeut gsii, wu bis 2009 d Uniwersiteetsklinik fir Psychiatry un Psychotherapy z Dibenga glaitet het.

Lääbe

Dr Buchkremer het anne 1965 sy Abituur am Dytsche Gimnasium z Niederalteich (Altbayern) gmacht. Noch em Studium z Berlin un z Münster het er 1972 an dr Uniwersiteet Münster syni erztli Briefig abglait, 1974 isch d Approbation as Dokter un im nämlige Johr het er zum Dr. med. promowiert mit dr Dissertation Verhaltenstherapie bei Chronisch-Schizophrenen.

Syt 1974 het dr Buchkremer as wisseschaftlige Assischtänt in dr Klinik fir Psychiatry un Neurology vu dr WWU Münster gschafft, won er 1979 dr Fachdokter fir Neurology un Psychiatry iiberchuu het 1980 e verhaltestherapeutisch Wyterbildig het chennen abschließe. Im nämlige Johr isch er vum Diräkter vu dr Klinik fir Psychiatry un Neurology an dr WWU Münster, Rainer Tölle, zum Oberdokter bstellt wore.

Anne 1984 het si dr Buchkremer mit em Thema „Rückfallverhütung bei schizophrenen Patienten“ habilitiert un het d Venia legendi fir s Fach Psychiatry iiberchuu, 1985 isch er druf zum Brofässer beruefe wore. Parallel zue syte wisseschaftlige Furtentwicklig isch er 1989 as Supervisor fir Verhaltestherapy dur di Kassenärztliche Vereinigung Westfalen-Lippe anerkännt wore. 1990 isch dr Buchkremer Noofolger vum Hans Heimann as Diräkter vu dr Dibenger Uniwersiteetsklinik fir Psychiatry un Psychotherapy wore. Do het er si vor allem mit dr „Dibenger Schuel“ idäntifiziert, em Kunzäpt vun ere meedimänsionale Psychiatry, wu näb dr organische un psychische Dail vu dr Chranket au s sozial Umfäld vum Paziänt im Aug bhalte duet. Aini vu syne eerschte Maßnahme isch gsii, ass d Muure um d Chrankestazione vu dr Dibenger Klinik abgrisse wore sin. Ihm isch alliwyl wichtig s Bild vun ere „Irrenaastalt“ z entstigmatisiere.

Forschig

In syre wisseschaftligen Arbet hat si dr Buchkremer uf d Evaluation vu Therapyverfahre kunzäntriert, vor allem bi dr Bhandlig vu schizophrene Psychose un vy Suchtchrankete. As ain vu dr erschte Wisseschaftler in dr Medizin z Dytschland het er zäme mit em Rainer Tölle, em domolige Laiter vu dr psychiatrische Klinik an dr WWU Münster, in de 1970er Johr aagfange zum Zigaretterauche un zue dr Dubakabhängigkait un ihre Bhandlig forsche.

Schrifte

• Verhaltenstherapie bei Chronisch-Schizophrenen. Eine theoretische und klinische Studie. Dissertation. Universität Münster. Münster 1974.
• mit em Rainer Tölle: Zigarettenrauchen – Epidemiologie, Psychologie, Pharmakologie und Therapie. Springer, Berlin 1974, 1989.
• Anti-smoking therapy. In: „Fortschr. Neurologisch-Psychiatrisches Grenzgebiet“ 46(11), 1978, S. 613–624.
• Modifying smoking behaviour through self control. A 4-year follow-up. In: „Nervenarzt“ 53(2), 1982, S. 72–77.
• Rezidivprophylaxe bei schizophrenen Patienten. Eine evaluative Interventionsstudie zur ambulanten Behandlung rückfallgefährdeter schizophrener Patienten unter Einbeziehung der Angehörigen. Habilitationsschrift. Universität Münster. Münster 1984.
• mit em Peter Fiedler: Cognitive versus interaction-oriented therapy. Comparison of 2 psychotherapy methods for the prevention of recurrence in schizophrenic patients. In: „Nervenarzt“ 58(8), 1987, S. 481–488.
• (Hrsg.): Raucherentwöhnung. Psychologische und pharmakologische Methoden. Thieme, Stuttgart, New York 1989.
• mit Anil Batra (Hrsg.): Nichtraucher in 6 Wochen – Ein Selbsthilfeprogramm für alle, die das Rauchen aufgeben wollen. Preuss, Ratingen 1997.
• mit em Georg Wiedemann (Hrsg.): Mehrdimensionale Psychiatrie. Gustav Fischer, Jena 1997.
• mit Anil Batra, Reinhard Wassmann (Hrsg.): Verhaltenstherapie – Grundlagen, Methoden, Anwendungsgebiete. Thieme, Stuttgart, New York 2000. Neuauflagen 2006, 2009, 2013.
• mit Anil Batra (Hrsg.): Die therapeutische Vielfalt in der Depressionsbehandlung. Springer, Berlin, Heidelberg, New York 2001.
• mit em Stefan Klingberg: What is science-based psychotherapy? On the discussion of guidelines for psychotherapy research In: „Nervenarzt“ 72(1), 2001, S. 20–30.
• mit Anil Batra: Tabakabhängigkeit – Ein Leitfaden für Therapeuten. Kohlhammer, Stuttgart 2004.
• mit Anil Batra: Nichtrauchen! Erfolgreich aussteigen in sechs Schritten. Kohlhammer, Stuttgart 2006 (6. aktualisierte Aufl. 2017, ISBN 978-3-17-033691-9).
• mit Anil Batra: Tabakentwöhnung. Ein verhaltenstherapeutisches Manual. 2. erw. u. überarb. Aufl. Kohlhammer, Stuttgart 2025, ISBN 978-3-17-022268-7.

Weblink

• Literatur vu un iber Gerhard Buchkremer im Katalog vu dr Dütsche Nazionalbibliothek
• Website der Universitätsklinik für Psychiatrie und Psychotherapie Tübingen

Fueßnote

Dä Artikel basiert uff ere fräie Übersetzig vu dere Version vum Artikel „Gerhard_Buchkremer“ vu de dütsche Wikipedia. E Liste vu de Autore un Versione isch do z finde.