Gerda Schlayer-von Puttkamer
D Gerda Elisabeth Rosine Margarethe Schlayer-von Puttkamer, geb. von Puttkamer (* 20. Februar 1901 z Kiel; † 22. Novämber 1953 z Fryburg) isch e dytschi Mediziineri un Bolitikeri (SPD) gsii. Si isch Mitgliid im Baadische Landdaag vu 1947 bis 1952 gsii.
Lääbe
[ändere | Quälltäxt bearbeite]D Gerda Schlayer-von Puttkamer isch as Doochter vum Kieler Bolizeibresidänt Bernhard von Puttkamer (1858–1941) uf d Wält chuu. Si isch e Änkeli vum preußische Bolitiker Robert Viktor von Puttkamer (1828–1900) gsii.
Noch em Abituur 1920 het d Schlayer-von Puttkamer Gschiicht un Filosofy an de Uniwersiteete z Berlin un z Haidelberch studiert. Anne 1927 het si an dr Haidelbercher Uniwersiteet zum Dr. phil. bromewiert un het im nämlige Joor dr Fiisiker Karl Schlayer (1900–1987) ghyroore, wu si si 1943 wider het schaide loo vun em. Im Joor 1932 het si ne Zwaitstuudium in Mediziin an dr Uniwersiteet Fryburg aagfange, wu si 1938 mit em Mediziniische Staatsexaame (Approbation) abgschlosse het. Si het druf as Braktischi Dokteri gschafft, bis si 1946 e aigeni Braxis z Fryburg ufgmacht het, wu uf Chinderhailkund spezialisiert gsii isch.
Bolitik
[ändere | Quälltäxt bearbeite]Anne 1946 isch d Schlayer-von Puttkamer in d SPD yydrätte un isch Stadtreeti z Fryburg woore. Vu 1946 bis 1947 isch si Mitgliid vu dr Berootende Landesversammlig vum Land Baade un vu 1947 bis 1952 Abgoorneti vum Baadische Landdaag gsii. Deert het si em Huushaltsuusschuss, em Gsuech- un Beschwäärdeuusschuss un em Sozialuusschuss aagheert.
Wäärch
[ändere | Quälltäxt bearbeite]- Papst Innocenz IV. Versuch einer Gesamtcharakteristik aus seiner Wirkung. Helios, Münster i. W. 1930 (Universitas-Archiv 30).
Literatuur
[ändere | Quälltäxt bearbeite]- Landtag von Baden-Württemberg (Hrsg.): MdL. Die Abgeordneten der Landtage in Baden-Württemberg 1946–1978. Stuttgart 1978, ISBN 3-12-911930-2, S. 174
- Maik Bozza: Puttkamer, Gerda Rosine Elisabeth Margarethe von (verh. Schlayer). In: Stefan George und sein Kreis. Ein Handbuch. 3 Bd. Hrsg. v. Achim Aurnhammer, W. Braungart, St. Breuer u. U. Oelmann. Berlin u. Boston 2012, Bd. 3, S. 1580–1583.
- Ina Hochreuther: Frauen im Parlament. Südwestdeutsche Parlamentarierinnen von 1919 bis heute. Stuttgart 2002, ISBN 3-923476-15-9, S. 123.
 |
Dä Artikel basiert uff ere fräie Übersetzig vu dere Version vum Artikel „Gerda_Schlayer-von_Puttkamer“ vu de dütsche Wikipedia. E Liste vu de Autore un Versione isch do z finde. |