s’ Gemelli-Krànkahüüs

dr Hàuiptiigàng vum Gemelli-Krànkahüüskùmpläx

Dialäkt: Mìlhüüserdiitsch

S’ Gemelli-Krànkahüüs (uff Itàliaanisch Policlinico Universitario Agostino Gemelli) ìsch a Üniwärsiteetskrànkahüüs z’ Rom. ’S ìsch Tail vu dr Mediziinischa un Kirürgischa Hoochschüal vu dr Kàthoolischa Üniwärsiteet vum Hailiga Harz un ìsch àm 10. Jüüli 1964 dur dr Pàpscht Pooli VI. g’äffnet worra.

B’schriiwung

S’ Krànkahüüs ìsch noh-n-em Frànsiskààner un Àrzt Agostino Gemelli g’nännt, wo ànna 1921 àn dr Grìndung vu dr Üniwärsiteet mìtg’màcht hàt. ’S zeehlt äbba 1.800 Bätta, 39 Fàchàbtailunga un b’schaftigt äbba 5.000 Mìtàrwaiter. Jeeder Tààg kumma doo äbba 20.000 Litt. Ànna 2001 hàt m’r a näi Gebäi vu 23.500 Kwàdrààtmeeter g’äffnet, wo 25 Operàzioonssaal, Làboora un a Ìnfäkzioonsschtàzioon änthàlt.

Dr Krànkahüüskùmpläx lììgt ìm Nordwäschta vu Rom uff’m Monte Mario. Vu doo haar kààt m’r d’ Vàtikàànschtàdt sah. S’ G’land hàt dr Pàpscht Pius XI. ànna 1934 ìn dr Mediziinischa un Kirürgischa Hoochschüal gaa. ’S ìsch 37 Häktààr grooss un lììgt àn dr Granz ze’ma Nàzionààlpàrk. ’S ìsch wia-n-a Klaischtàdt orgànisiart, ’s b’sìtzt a aigana Kìrìch, mehrera Forschungslàboora, a Kongrasszäntrum, a Bànk, a Leehnbüacharäij un sogààr a Kolwaschrüüwerlàndplàtz.

Ìm zeehnta Schtock vum Krànkahüüs ìsch a Zìmmerflucht, wo numma dr Pàpscht fìr siina Uffenthàlta därft b’nutza. Doo ìsch a Kàpall, a Küacha so wia-n-a Schloofzìmmer fìr Oordaschwäschtra un siina G’folgslitt.

• 
  dr Iigàng zem Heersààlgebäi
• 
  a Operàzioonssààl fìr Harzkrànkhaita
• 
  a Harzoperàzioon àn dr Gemelli-Klinik
• 
  d’ Zäntrààlkìrìch zem Hailigschta Harz
• 
  ìm Kìrchaschìff
• 
  d’ g’moolta Däcka vum Schìff
• 
  a Blìck uff dr Choor

d’ bekànnta Litt, womm’r doo pflaagt hàt

S’ Gemelli-Krànkahüüs ìsch unter’m Johànnis Pooli. II bekànnt worra, dänn dr Pàpscht ìsch doo ànna 1981 noh-n-em Ààschlààg geega-n-em pflaagt worra. Ar ìsch schpeeter doo mehrmols z’ruckkumma, bis a pààr Wucha vor siim Tood ànna 2005.

Bii da berìahmta Ex-Pàzianta kààt m’r àui d’ Politiker Giulio Andreotti, Walter Veltroni un Francesco Cossiga nänna, d’ bekànnta Müatter Teresa, dr Füüsiker Stephen Hawking, dr Priaschter Georg Ratzinger (dr äältra Brüader vum Benedikt XVI.), d’ Füassbàller Francesco Totti un Daniele De Rossi un dr kànààdischa Filmamàcher Damian Pettigrew. Ìm Jüüni 2009 hàt m’r vor’m Krànkahüüsgebäi a Schtàtüüta vum Johànnis Pooli II. änthìllt.

Ìm Gemelli-Krànkahüüs ìsch dr Pàpscht Frànsisküs viarmol pflaagt worra. Ar ìsch doo ànna 2021 àm Grìmmdàrm operiart worra. Ar ìsch àui doo ànna 2023 zwaimol pflaagt worra, z’äärscht fìr a Lungaversöichung, un a pààr Moneeta schpeeter fìr a Operàzioona waaga’ma Lischtabruch. Wu-n-’r ànna 2024 d’ Inflüenza g’hàà hàt, ìsch’r àn d’ Gemelli-Klinik kumma ku Priafunga màcha. Ìm Hornung 2025 ìsch’r ìns Krànkahüüs iig’lììfert worra, dänn’r hàt a Lunga-n-äntzìndung g’hàà.

Weblìnks

 Commons: Policlinico Agostino Gemelli – Sammlig vo Multimediadateie

• Websitta vum Gemelli-Krànkahüüs (itàliaanisch)

Noohwiisa

41.93027777777812.429722222222