Gabriela Betschart
D Gabriela Betschart (* 1981 z Winterthur) isch e Schwyzer Kamerafrau un Filmreschiseeri.[1]
Lääbe
[ändere | Quälltäxt bearbeite]D Gabriela Betschart isch uf d Schuel fir Gstaltig z St. Galle gange un het deert anne 2001 en Aschluss in Diploom Graafik gmacht. Derno het si ne Bachleorstuudium Video an dr Hochschuel Lozärn gmacht mit eme Uusdusachsemeschter an dr HFF Potsdam un an dr Hoochschuel fir Fäärnsee un Film z München. Dr Bachelor het si 2008 mit em Chuurzfilm Bipolar. An Interview with Richard abgschlosse, eme experimentälle Chuurzdokumäntaarfilm, wu an verschiidene Feschtiwäl zaigt wooren isch. 2012 het si dr Master Film mit Fokus Kamera an dr Zürcher Hoochschuel vu dr Chinscht (ZHdK) abgsclosse.[1] Mit ire Kamera-Aarbet in de zwee lange Dokumäntaarfilm Ma Na Sapna vu dr Valerie Blankenbyl un Neuland vu dr Anna Thommen het si grooßi Ufmeerksamkait gfunde.[2]
Si isch Mitgliid vu dr Dytsche Filmakademy,[3] vum Schwyzer FilmtächnikerInneverband SSVF un vum Verband vu Schwyzer Kameralyt.c.s. Näb iren Aarbet as Kamerafrau duet si Ufdraagsfilm un Graafikaarbete realisiere un unterriichtet an dr ZHdK.[4] Si läbt z Züri.
Eerige un Uuszaichnige
[ändere | Quälltäxt bearbeite]Nid hei cho, e dokumäntaarische Chuurzfilm vu dr Thaïs Odermatt, wu d Gabriela Betschart fir d Kamera verantwoorli gsii isch, isch 201o fir dr Schwyzer Filmbryys nominiert woore. Neuland het dr Publikumsbryys vu de Soledurner Filmdääg un e Nominierig fir dr Schwyzer Filmbryys as beschte Dokumäntaarfilm iiberchuu; fir iri Aarbet an Neuland isch d Betschart mit em dytsche Noowugsbryys First Steps uuszaichnet woore. Female Pleasure, dr Kinodokumäntaarfilm vu dr Barbara Miller, wu d Betschart as Kamerafrau mjitgmacht het, isch am Locarno Film Festival uurufgfiert woore un an Feschtwäl wie em Toronto International Film Festival, em International Documentary Film Festival Amsterdam (IDFA) un em DOK Leipzig zaigt woore. Dr Film isch mit drei Schwyzer Filmbryys uuszaichnet woore; dr Film het in dr SChyz iiber 70'000 Kinoyydritt ghaa, was en zue aim vu dr erfolgryychschte Schwyzer Dokumäntaarfilm macht.[5]
Filmografy
[ändere | Quälltäxt bearbeite]- 2008: BIPOLAR. An Interview With Richard (au Reschy)
- 2009: Nid hei cho
- 2010: Lilla csalàdja – Lilla's Familie
- 2012: Girl And Boy On The Rocks!
- 2013: Ein Stück Wahnsinn (Co-Reschy mit dr Anna Thommen)
- 2013: Neuland
- 2013: Ma Na Sapna
- 2015: 4661m2 – Der Eindruck von Freiheit
- 2018: #FEMALE PLEASURE
- 2020: Tzigane – ou la renaissance de la pantomime
- 2020: Zwischenwelten
- 2021: Heldinnen des Alltags
Weblink
[ändere | Quälltäxt bearbeite]- Gabriela Betschart in dr Internet Movie Database
- Gabriela Betschart bi swissfilms.ch
- Websyte vu dr Gabriela Betschart
- d Gabriela Betschart uf s.c.s, Verband Schweizer Kameraleute
- d Gabriela Betschart uf SSVF Schweizer Syndikat Film und Video
- Interview mit dr Gabriela Betschart uf dr Syte vu dr Soledurner Filmdääg
Fueßnote
[ändere | Quälltäxt bearbeite]- 1 2 Gabriela Betschart. In: swissfilms.ch. Swiss Films, abgruefen am 4. Februar 2021.
- ↑ Esther Banz und Silvia Süess: «Die Schweiz ist eine Seifenblase, und die Welt sickert hinein». WOZ Die Wochenzeitung, 23. Januar 2014, abgruefen am 4. Februar 2021.
- ↑ Gabriela Betschart. In: deutsche-filmakademie.de. Deutsche Filmakademie, abgruefen am 10. Februar 2021.
- ↑ ZHdK-Zürcher Hochschule der Künste: Gabriela Betschart | ZHdK.ch. Abgruefen am 4. Februar 2021.
- ↑ ProCinema: ProCinema: filmdb - #Female Pleasure. Abgruefen am 4. Februar 2021.
 |
Dä Artikel basiert uff ere fräie Übersetzig vu dere Version vum Artikel „Gabriela_Betschart“ vu de dütsche Wikipedia. E Liste vu de Autore un Versione isch do z finde. |