Bezirk Gäu

Us der alemannische Wikipedia, der freie Dialäkt-Enzyklopedy
(Witergleitet vun Gäu (Bezirk))
Hops zue: Navigation, Suech
Bezirk Gäu
Bezirk Gäu
Basisdate
Staat: Schwiz
Kanton: Soledurn (SO)
Hauptort: Önzige
Region-ISO: CH-SO
Gmeindsnummere: 1101
Flechi: 62.02 km²
Iiwohner: 20'398[1] (31. Dezämber 2015)
Bevölkerigsdichti: 328,9 Iiwohner pro km²
Charte
Karte von Bezirk Gäu

De Bezirk Gäu («s Göi» gnennt) isch e Bezirk vom Kanton Soledurn und lyt zwische Olte und Soledurn. Är ghört zue dr Amtei Thal-Gäu.

Begränzt wird dr Bezirk im Norde vo dr erschte Chetti vom Jura, im Weschte vo dr Kantonsgränze gäge s Bipperamt und im Süde vo dr Aare. Ds Gäu wird vo de zwe wichtigschte Autobahne vo dr Schwyz durquert, vo dr A1 und vo dr A2, wo sich am Autobahnchrüz Harchinge vereinige. Ufgrund vo dr guete Verkehrslag hed sich ds Gäu syt em Nationalstrassebau stark veränderet und es hei sich etlichi Logistikfirme entlang vo ihne agsammled. Absyts dervo hed ds Gäu sy ländlich Charakter guet chöne bhalte.

Dr Bezirk Gäu hed e Flächi vo 62,02 km² und isch Ändi 2005 vo 17'148 Lüt bewohnt worde.

Wappe[ändere | Quälltäxt bearbeite]

Zwöimal teilt vo Rot, Silber und Schwarz

Gmeinde[ändere | Quälltäxt bearbeite]

Wappe Gmeind Ywohner
(Dez. 2005)
Flächi
in km²
BFS-Nr
Cheschtehouz Cheschtehouz 1672 8,59 2403
Egerchinge Egerchinge 2879 6,93 2401
Härchinge Härchinge 1243 5,57 2402
Nöiedorf Nöiedorf 1904 7,13 2404
Niderbuchste Niderbuchste 967 5,49 2405
Oberbuchste Oberbuchste 1829 9,39 2406
Önzige Önzige 4610 12,03 2407
Woufu Woufu 2044 6,89 2408
Total 17'148 62,02 1101

Region Gäu[ändere | Quälltäxt bearbeite]

Dr politisch Bezirk Gäu sett me nid mit dr Region Soledurnischs Gäu verwächsle. Si isch meh historisch prägt und es ghöre zuesätzlich zu de Gäuergmeinde ou no d Untergäuer Gmeinde Gunzge, Fulebach, Chappu, Bonige, Hägedorf, Rickebach ond Chlywange - e Teil vom Dorf Wange bi Oute derzue.

Weblink[ändere | Quälltäxt bearbeite]

 Commons: Bezirk Gäu – Sammlig vo Multimediadateie


  1. Statistik Schweiz – STAT-TAB: Ständige und Nichtständige Wohnbevölkerung nach Region, Geschlecht, Nationalität und Alter (Ständige Wohnbevölkerung)