Francesco Filippini

Francesco Filippini (* 18. Septämber 1853 z Brescia; † 6. Merz 1895 z Mailand) isch e Moler us Italie gsi, wo zue dr Hauptvertreter vom Naturalismus in dr Lombardei ghört het un als Begründer vom Filippinismus gilt, ere eigeständigi Form vum italienische Impressionismus.

Läbe

Er isch z Brescia ufgwachse in eifache Verhältnis. Mit Hilf vo Stipendie vo dr Congregazione di Carità di Brescia het er a dr Accademia di Belle Arti di Brera z Mailand chönne studiere, wo er Kontakt zu dr italienische Kunst vom spote 19. Johrhundert übercho het, zum Giuseppe Bertini, Raffaele Casnedi un Cesare Tallone

Sii erschte Wärk si religiös un historisch gsi, spöter het er sich meh un meh de Landschaft un em Buureläbe zuegwändt. Er het teilgno an wichtige Usstelligä, unter andrem dr Esposizione Nazionale di Belle Arti di Milano (1879), dr Esposizione Generale Italiana di Torino (1884), dr Esposizione di Belle Arti di Roma (1883) un vor allem dr Esposizione Triennale di Belle Arti di Milano (1891).

Im 1880i isch er Mitglid vo dr Famiglia Artistica Milanese worde, ere Künschtlervereinigung. Er isch scho mit 41 Johr z Mailand gstorbä. Im 1925i het me sini stärbliche Überräscht vom Cimitero Monumentale di Milano uf de Cimitero Vantiniano z Brescia überfüert, mit ere grosse Gedenkfiir.

Wärk

D Moolerei vom Filippini het e Spannig zwüsche Naturbeobachtig un symbolischer Innerligkeit. Typisch si Buure, Fraue bi dr Arbet, Johreszyte un alpini Landschafte.

Wärk wie Verso sera, Il Maglio un La Stigliatura della canapa zeiged sini Riifi un sini Fähigkeite, Realismus mit Spiritualität z verbinde.

Sii Wärk stöhnd im Gegesatz zum französische Impressionismus (Claude Monet), wo er as dekorativ un oberflächlig aagsee het. Dr Filippinismus isch het fir ihn degege e ethischi, introspektivi un geischtigi Dimension.

Rezeption

Zitgnosse wie Vespasiano Bignami un Camillo Boito hend ihn gschätzt, aber sini eigentligi Wiederentdeckig isch im 20. Johrhundert mit dr Kunsthistoriker un Musee vo dr Lombardei cho.

Erhaltä Wärk

Verso sera, Galleria d'Arte Moderna, Mailand
Il Maglio, Pinacoteca Tosio Martinengo, Brescia
La Stigliatura della canapa, Privatsammlig
Alpini Landschafte un Buureszene in verschidene öffentliche un private Sammlige

Vespero di novembre, 1891
Laguna Veneta, circa 1892
Contadinella a riposo, 1892–93

Literatur

Luciano Caramel, Francesco Filippini e il naturalismo lombardo, Mailand, Mazzotta, 1979.
Valerio Terraroli, Francesco Filippini e il Filippinismo, Brescia, Skira, 2008.
Carlo Pirovano, La pittura dell’Ottocento in Italia, Mailand, Electa, 1991.

Weblink