Fontaine des Carmes (Reims)
| Dialäkt: Mìlhüüserdiitsch |
Dr Fontaine des Carmes 
[fɔ̃tɛn de kaʁm](info) („Karmeliitabrunna“), womm’r àui Fontaine du Barbâtre [fɔ̃tɛn dy baʁbɑtʁ](info) nännt, ìsch a Brunna z’ Reims, wo àls frànzeesch Histoorisch Dankmool g’schìtzt ìsch.
wu ’s lììgt
[ändere | Quälltäxt bearbeite]Dr Fontaine des Carmes lììgt àn dr Kriizung vu dr Rue du Barbâtre un dr Rue des Carmes ìm Viartel Barbâtre grààd süüdeeschtlig vum Schtàdtzäntrum. Sa lììgt àn dr Fàssààda vum Gebäi àm 108 Rue du Barbâtre — s’ Üssera vu dam Gebäi ìsch ìm Schtiil Art Déco ziart.[1] Ìm Gebäi ìsch zallamols s’ G’schaft Nr. 22 vum Reimser Familistère gsìì, un ìm 20. un 21. Joohrhundert ìsch doo s’ G’schaft „Le Chaisier“.[2]
Dr Bunna haisst asoo, dänn’r schteht naawa-n-em ehamooliga Karmeliitakloschter.[2] Ànna 2021 ìsch bii dr Brunna-n-a Bar g’äffnet worra, wo „La Fontaine“ haisst.[3]
G’schìcht
[ändere | Quälltäxt bearbeite]Dr Brunna ìsch ìm 18. Joohrhundert bàuija worra. Sa ìsch bii da 17 Brunna, wo dr Domhärr Jean Godinot un dr Louis-Jean Levesque de Pouilly hann loo ärrìchta, fìr d’ Schtàdt Reims mìt Trìnkwàsser versorga.[4] Àb 1844 hàt m’r jedoch dr Brunna nìmm b’nutzt.[2]
S’ Hüüs, wu dr Brunna d’rgeega schteeht, ìsch ìm Äärschta Waltkriag zärschteert worra. Noh-n-em Kriag ìsch’s ìm Schtiil vu dr Art Déco wììder uffbàuija worra.[2]
Dur a Verordnung vum 22. Jüüni 1923 ìsch dr Karmeliitabrunna bii da Histoorischa Dankmooler klàssifiziart worra, wo-n-a nàzionààla Bediitung hann.[5]
Ìm friahja 21. Joohrhundert ìsch dr Brunna waaga dr Luftverschmutzung gànz schwàrz gsìì.[3] Àm 3. Hornung 2022 hàt dr Reimser G’maindaroot b’schìmmt, àss m’r dr Brunna räschtoriara wurd.[6] D’ Räschtoriarungsàrweeta hann viar Moneet làng düürt un sìnn ìm März 2025 fartig gsìì: Zitterhaar ìsch dr Brunna wììder wiiss z’ sah, wia ’s àm Ààfàng gsìì ìsch. D’ Àrweeta hann ìnsg’sàmt 17.000} Öiro koschta — d’rfìr hann fräiwìlliga Mezääna bezààhlt, d’ Finànziarung ìsch vu dr Fondation du Patrimoine orgànisiart worra.[7][8][9][10] Gliichzittlig ìsch d’ Hüüsfàssààda verputzt worra.[11]
Weblìnks
[ändere | Quälltäxt bearbeite]
Commons: Fontaine des Carmes (Reims) – Sammlig vo MultimediadateieNoohwiisa
[ändere | Quälltäxt bearbeite]- ↑ Véronique Valette: 108, rue du Barbâtre / rue des Carmes. In: Reims Avant. Archiviert vom Original am 13. April 2024; abgruefen am 5. März 2025 (französisch).
- ↑ 2,0 2,1 2,2 2,3 Hier-Aujourd'hui: La fontaine des Carmes à Reims de 1928 à nos jours. In: L’Union. 5. Februar 2019, abgruefen am 5. März 2025 (französisch).
- ↑ 3,0 3,1 Simon Ksiazenicki: Cure de jouvence pour la fontaine des Carmes à Reims. In: L’hebdo du vendredi. 29. Oktober 2024, archiviert vom Original am 9. November 2024; abgruefen am 6. März 2025 (französisch).
- ↑ La Fontaine du Barbâtre. In: Reims Avant. 22. März 2017, archiviert vom Original am 13. April 2024; abgruefen am 5. März 2025 (französisch).
- ↑ Eintrag Nr. PA00078787 ìn dr Base Mérimée vum frànzeescha Kültüürminìschterium (frànzeesch)
- ↑ Olivier Durand: VIDÉO. À Reims, un appel au mécénat pour rénover l’ancienne fontaine des Carmes. In: L’Union. 3. Februar 2022, abgruefen am 6. März 2025 (französisch).
- ↑ À Reims, la fontaine des Carmes se refait une beauté. In: L’Union. 24. Februar 2025, archiviert vom Original am 5. März 2025; abgruefen am 24. Februar 2025 (französisch).
- ↑ Appel à mécénat pour la fontaine des Carmes. In: L’hebdo du vendredi. 8. Februar 2022, archiviert vom Original am 11. März 2025; abgruefen am 6. März 2025 (französisch).
- ↑ Reims : la fontaine des Carmes a retrouvé son charme. In: L’Union. 5. März 2025, S. 11 (französisch).
- ↑ Simon Ksiazenicki: À Reims, la fontaine des Carmes a retrouvé son lustre. In: L’hebdo du vendredi. 4. März 2025, archiviert vom Original am 5. März 2025; abgruefen am 6. März 2025 (französisch).
- ↑ Julien Debant: À Reims, l'ancienne fontaine des Carmes bientôt restaurée. In: L’hebdo du vendredi. 9. März 2024, abgruefen am 6. März 2025 (französisch).
Koordinate: 49° 14′ 51,3″ N, 4° 2′ 27,9″ O