Fischermätteli Hood Gäng

Fischermätteli Hood Gäng

Allgmeini Informatione
Härkumft	Bern, Schweiz
Genre	Hip-Hop
Aktuelli Bsetzig
	Migo (Frank Punk)
	Iroas (Poul Soul)
	Pit (Noa Goa)

D Fischermätteli Hood Gäng, churz FHG, isch ä Schwiizer Dialäkt-Rap-Gruppä us Bärn, ihri Mitglidr ghörä o zum Kollektiv Chaostruppä. D FHG isch für ihri humorvou-ironischi Textä bekannt.

Gschicht

D Gruppä besteit us dä Rapper Migo, Pit, Iroas u ehemalig Lance Trance. 2013 het d Gruppä ihres erschtä Mixtape veröffentlächt. D Textä vor Gruppä si teilwiis luschtig, teilwiis satirisch u zum Teil o sozialkritisch. Si wärdä politisch äm linkä Spektrum zuägrächnet. 2020 isch ds Album Dr Bus isch da usä cho, wo per Crowdfunding finanziärt wordä isch. Drmit hei si mit em Platz 17 dr Ischtiig i d Schwiizer Albumcharts gschafft. 2024 isch ihres zwöitä Aubum Turbo usächo, wo vom Stiu här zum Eurodance ghört. Mit Retro isch 2025 ihres driitä Aubum veröffentlächt wordä. Äs Älleistelligsmerkmau vo ihrnä Aubä gäutä sogenannti Skits, chlini Minihörspiu zwüschä dä eigetlächä Liäder.

Diskografi

Aubä

• Dr Bus isch da (2020)
• Turbo (2024)
• Retro (2025)

Mixtapes

• No 3 Minutä bis dr Bus chunnt (2013)
• No 2 Minutä bis dr Bus chunnt (2015)
• No 1 Minutä bis dr Bus chunnt (2016)
• No 59 Sekundä bis dr Bus chunnt (2020)

Singles

• Tätowiert & vorbestraft (2015)
• Tätowierter & Vorbestrafter (2016)
• Legalize It (2020)
• Esolution (2020)
• Legalize It 3 (2020)
• Sunneuntergäng (2020)
• Krawalltourismus (2020)
• Soziale Ufstig (2020)
• Finde z Wort nid (2022)
• 5 ab Zuekunft (2022)
• Gsehs mau so, mit San Mattia (2023)
• Passt scho (mitem Jule X, 2023)
• Summer Beach, mit Pharago (2024)
• I weiss das (2024)
• Suufe Gschicht exclusive (2024)
• Komische Ort (mit Mü Man, 2024)
• Zäme simr gfährläch (2025)
• Ross (mit Migo & Buzz, 2025)

Weblink

• Diskografie bei Chaostruppe