Fanny Bräuning

D Fanny Bräuning (* 1975 z Baasel) isch e Schwyzer Filmreschiseeri vu Dokumäntaarfilm. Me chännt si vor allem dur dr Film No More Smoke Signals.

Lääbe

D Fanny Bräuning isch e Doochter vu dr Annette un em Niggi Bräuning. Si isch in irem Gebuurtsoort Baasel ufgwagse un het deert ire Schuelabschluss gmacht. Vu 1996 bis 2001 het si an dr Zürcher Hoochschuel vu dr Chinscht (ZHdK) z Züri im Beraich Film studiert. In dr Zyt vu irem Stuudium het si dr Chuurzfilm Meine Mutter drillt. No irem Diploomfilm Paloma het si iri aige Brodukzioonfiirma Fanny Bräuning Filmproduktion grindet.

Anne 1999 isch si Reschyassischtänz bi me Chuurzfilm vum Dieter Stürmer gsii. Im Joor 2004 het si zäme mit em Kaspar Kasics d Distant Lights GmbH grindet, e Filmbrodukzioon fir Dokumäntaar- un Spiilfilm mit gsellschaftlige, bolitische un kulturälle Teemene. 2009 isch ire eerscht Langfilm No More Smoke Signals in d Kino chuu. Anne 2018 isch ire bryysgchreent Dokumäntaarfilm Immer und ewig uusechuu.

D Fanny Bräuning isch Mitgliid vu dr Schwyzer Filmakademy un dr Europäische Filmakademy. Si läbt z Berlin un z Baasel un isch Mueter vun eme Suhn.

Filmografy

• 1999: Meine Mutter (Dokumäntaarchuurzfilm)
• 2001: Paloma (Dokumäntaarfilm)
• 2009: No More Smoke Signals (Dokumäntaarfilm)
• 2018: Immer und ewig (Dokumäntaarfilm)

Uuszaichnige

• Zürcher Filmbryys 2008 fir «No More Smoke Signals»
• Jurybryys «Prix de Soleure» (60'000 Fr.) an de Soledurner Filmdääg 2009 fir «No More Smoke Signals»
• Schwyzer Filmbryys 2009 in dr Kategory Beschte Dokumäntaarfilm fir «No More Smoke Signals»
• Baasler Filmbryys 2009 fir «No More Smoke Signals»
• Jurybryys «Prix de Soleure» (60'000 Fr.) an de Soledurner Filmdääg 2019 fir «Immer und ewig»
• Zürcher Filmbryys 2019 in dr Kategory Beschte Dokumäntaarfilm fir «Immer und Ewig»
• Schwyzer Filmbryys 2020 in dr Kategory Beschte Dokumäntaarfilm fir «Immer und Ewig»

Weblink

• Fanny Bräuning in dr Internet Movie Database
• Fanny Bräuning bi swissfilms.ch
• Immer und ewig uf hugofilm.ch

Fueßnote

Dä Artikel basiert uff ere fräie Übersetzig vu dere Version vum Artikel „Fanny_Bräuning“ vu de dütsche Wikipedia. E Liste vu de Autore un Versione isch do z finde.