Eva Christa
D Eva Christa (* 17. Jänner 1896 as Eva Christlieb z Degerloch; † 8. Jänner 1970 z Stuagert) isch e dytschi Theater- un Stummfilmschauspiileri un aini vu dr eerschte Filmreschiseerne z Dytschland gsii.
Lääben un Wiirke
[ändere | Quälltäxt bearbeite]D Doochter vum Jurischt Adolf Christlieb un syre Frau Clara geb. Döbner[1] het iri Uusbildig bi dr Emmy Remolt-Jessen iiberchuu.[2] As Schauspiileri chaa me si zum eerschte Mool anne 1919 im Hischtooriefilm Störtebeker vum Ernst Wendt noowyyse. Im Joor druf het si dr Chinschtlername Eva Christa aagnuu un het im Stummfilm Der Perlenmacher von Madrid vu dr Cela Film GmbH z Berlin mitgmacht. 1921 un 1922 sie vier Filmsingspiil fir d Vera-Filmwerke z Hamburg inszeniert, wu d Lissy Reincke d Draibiehcer derzue verfasst ghaa het. D Eva Christa het doodermit zue dr eerschte dytsche Filmregisseerne iiberhaupt gheert.
Noch em Änd vu ire chuurzlääbige Filmkarriere het s d Eva Christa uf d Biini zooge un isch anne 1924 vum Stadttheater Solingen unter Verdraag gnuu woore. In dr Saisaon druf (1925/26) het si ne Engaschmänt am Stadttheater Haidelberch aagnuu. Im Friejoor 1927 het me d blond Chinschtleri am Kasinotheater z Hindenburg (hite Zabrze) un am Stadttheater Beuthen chenne sää, vooreb si im Spootjoor vum nämlige Joor an s Stadttheater Regensburg gwägslet isch. Noch ere Stazioon am Schauspielhaus Frankfurt am Main (1928/29) isch d Eva Christa in iri Stuagerter Haimet retuurchuu, wu si derno bis 1931 am Schauspiilhuus gwiirkt het. Nääbeby het me si syt 1928 reegelmääßig bim Siiddytsche Rundfunk chenne heere.
Ab de 1930er-Joor het si d Eva Christa e zwait Standbai as Moodireferänti ufböue. Si het verschiideni Moodischauene glaitet un het Artikel fir Fachzytschrifte gschriibe. Wu mit em Uusbruch vum Zweete Wältchrieg d Moodibrangsche zämebrochen isch, het si d Eva Christa ins Privaatlääbe zruggzooge. Syt 1938 isch si mit em Graafiker Paul Rieger ghyroote gsii.[3][4] Si isch anne 1970 in ire Woonig z Stuagert gstoorbe.[5]
Filmografy
[ändere | Quälltäxt bearbeite]- as Schauspiileri
- 1919: Störtebeker
- 1920/21: Der Perlenmacher von Madrid
- 1922: Mabel und ihre Freier
- as Reschisseeri
- 1921: Aus der Jugendzeit
- 1921/22: Heinrich Heines erste Liebe, mit Singspiil vum Wilhelm Lindemann
- 1922: Jugendglück und Liebesleid[6]
- 1922: Mabel und ihre Freier
Literatur
[ändere | Quälltäxt bearbeite]- Genossenschaft deutscher Bühnenangehöriger (Hrsg.): Deutsches Bühnen-Jahrbuch. F. A. Günther & Sohn, Berlin 1925 ff.
Weblink
[ändere | Quälltäxt bearbeite]- Eva Christa bi filmportal.de
- Eva Christlieb bi filmportal.de
- Eva Christa in dr Internet Movie Database
Fueßnote
[ändere | Quälltäxt bearbeite]- ↑ Stadtarchiv Stuttgart, Geburtsregister Standesamt Degerloch, Nr. 13/1896.
- ↑ Schwäbischer Merkur. 23. Novämber 1928 (Abendblatt), S. 5 (online).
- ↑ Stadtarchiv Stuttgart, Heiratsregister Standesamt Stuttgart-Mitte, Nr. 1694/1938 (vgl. Namensverzeichnis zum Heiratsregister 1938; PDF; 110 MB).
- ↑ Stuttgarter Neues Tagblatt. 24. Juni 1938 (Abendausgabe), S. 8 (online).
- ↑ Stadtarchiv Stuttgart, Sterberegister Standesamt Stuttgart-Mitte, Nr. 158/1970 (online; PDF; 10 MB).
- ↑ Der Grafschafter. 26. Februar 1924, S. 5 (online).
|
Dä Artikel basiert uff ere fräie Übersetzig vu dere Version vum Artikel „Eva_Christa“ vu de dütsche Wikipedia. E Liste vu de Autore un Versione isch do z finde. |