Eugène Boeckel

a Foto vum Eugène Bockel, wo dr S. Gerschel g’numma hàt

em Eugène Boeckel siina Unterschrìft

Dialäkt: Mìlhüüserdiitsch

Dr Eugène Boeckel (ìn mehrera Baicher hàt m’r Bœckel g’schriiwa; * 21. Septamber 1831 z’ Schtroossburi; † 23. Hornung 1900 z’ Marseille) ìsch a elsassischer Kirürg un Profasser gsìì, wo àn dr Hoochschüal fìr Hailkunscht z’ Schtroossburi g’leehrt hàt. Ar hàt àui mehrera Fàchbiacher un -Àrtìkel g’schrììwa.

sii Laawa

Dr Eugène Boeckel ìsch dr Suhn vum Dokter Théodore Boeckel un vu dr Sophie Frantz un s’ Ankelkìnd vum evànggeelischa Pfàrrer Jonas Boekel gsìì. Ar ìsch Schialer àm Gümnààsium Jean-Sturm gsìì un hàt schpeeter àn dr Hoochschüal fìr Hailkunscht z’ Schtroossburi g’schtüdiart — siina Dokteràrwet ìwwer Ozoon hàt’r ànna 1856 vertaidigt. Ar ìsch d’rnooh z’ Pàriis, London un Konschtàntinopel g’raist un hàt dur a Priafung d’ Schtälla vum Prospektoor vu dr Schtroossburjer Hoochschüal fìr Hailkunscht ìwwernumma. Ar ìsch därt Laiter fìr Ànàtoomischa Wark worra un ìsch ànna 1857 Profasser fìr Hailkunscht worra.

Dr Boeckel ìsch ànna 1869 Vorsìtzender vu dr Schtroosburjer Hailkunschtg’sällschàft (Société de médecine de Strasbourg) un hàt nooh 1870 s’ Kirürgiidianscht vum Schtroossburjer Schpitààl g’laita. Ar ìsch d’rnooh Vorsìtzender vum Frànzeescha Kirürgiiverain worra un hàt em sii Kongass ànna 1895 g’laita. Üsserdam ìsch’r àm 19. März 1867 Mìtglììd vu dr Schtroossburjer G’sällschàft fìr Nàtüürwìssaschàfta worra.

Dr Boeckel ìsch ànna 1871 Rìtter vu dr Eehralegioon worra — mìt dàs hàt em d’ Regiarung fìr sii Dianscht àls Hàuiptkirürg vu da Hààwanàuijer Krànkawààga wälla eehra.

Dr Eugène Boeckel ìsch Lütherààner gsìì un ìsch Mìtglììd vu dr Protäschtàntischa Kìrìch vu dr Augschburger B’känntniss vum Elsàss un Lothrìnga gsìì. Ar ìsch àui Mìtglììd ìm Pfàrrerroot vu dr Schtroossburjer Niklàuiskìrìch gsìì.

em z’ eehra

s’ Bruschtbìld vum Eugène Boecker, wo dr Alfred Marzolff g’hàuija hàt — ’s lììgt uff’m Làndschìtckla vum Schtroossburjer Ziwiilschpitààl

Dr Schtroossburjer Alfred Marzolff hàt ànna 1903 a Bronzaschtàtüüta mìt’m Bruschtbìld vum Boeckel g’hàuija. Dia lììgt hìnter dr ehamooliga Àpateek uff’m Làndschtìckla vum Schtroossburjer Ziwiilschpitààl.

Üsserdam lììgt biim Schtroossburjer Ziwiilschpitààl a Schtrooss, wo-n-em g’nännt ìsch.

d’ Biacher un Àrtìkel, wo-n-’r g’schrììwa hàt

d’ Fàchbiacher un Àrtìkel, wo-n-’r salbscht verfàsst hàt

• De l’ozone. Silbermann, Schtroossburi 1856 (französisch, e-rara.ch [abgerufen am 26. März 2026] Dokteràrwet ìm Fàch Medizin). 
• De l’Uréthrotomie externe dans les rétrécissements uréthraux graves ou compliqués. Silbermann, Schtroossburi 1868 (französisch, 56 S.). 
• Des Sutures sur plusieurs rangs (multisériées) et de l'emploi des fils métalliques dans ce genre de suture, Silbermann, Strasbourg. 1868 (französisch, 18 S., bnf.fr [abgerufen am 26. März 2026]). 
• Quelques Cas exceptionnels de hernies. Silbermann, Schtroosbur 1864 (französisch, 12 S., bnf.fr [abgerufen am 26. März 2026]). 

siina Ìwwersätzunga

• Oscar Heyfelder: Traité des résections. Treuttel & Wurtz (Schtroossburi)/Baillière et fils (Pàriis), 1863 (französisch, 312 S., bnf.fr – deutsch: Lehrbuch der Resectionen.). 

sunschtigs

• dr Boeckel ìsch ainer vu da Verfàsser vum Nouveau dictionnaire de médecine et de chirurgie pratiques, illustré de figures intercalées dans le texte gsìì, wo unter dr Fiahrung vum Dokter Jaccoud ìn dräi Bander ärschììna-n-ìsch (Baillière et fils, Pàriis, 1864–1865)

Lìteràtüür ìwwer’na

• Christiane Boeckel-Zinck: Une famille de médecins : les Boeckel. In: Annuaire de la Société d’histoire et d’archéologie de Dambach-la-Ville. Barr/Ìwwernaahn 1972, S. 57–60 (französisch). 
• Ferdinand Dollinger: Eugène Boeckel. Schtroossburi 1900 (französisch). 
• François Joseph Hanns: Une dynastie médicale alsacienne : les Boeckel. Üniwärsiteet Schtroosburi, 1934 (französisch, 37 S., ’s ìsch a Dokteràrwet ìm Fàch Hailkunscht). 
• Marie-Anne Hickel: Boeckel Eugène (le grand). In: Nouveau dictionnaire de biographie alsacienne. Band 4. Fédération des sociétés d’histoire et d’archéologie d’Alsace, Schtroossburi 1984, S. 273 (französisch, alsace-histoire.org [abgerufen am 26. März 2026]). 
• Louis-François Hollender, Emmanuelle During-Hollender: Chirurgiens et chirurgie à Strasbourg. Coprur, Schtroossburi 2000, ISBN 2-84208-068-8 (französisch, 240 S.). 
• Édouard Sitzmann: Dictionnaire de biographie des hommes célèbres de l’Alsace : depuis les temps les plus reculés jusqu’à nos jours. Band 1. F. Sutter, Rìxa 1909, S. 181 (französisch, bnf.fr). 
• Bernard Vogler: Eugène Boeckel. In: Patrick Cabanel, André Encrevé (Hrsg.): Dictionnaire biographique des protestants français de 1787 à nos jours. 1 : A-C. Les Éditions de Paris Max Chaleil, Pàriis 2015, ISBN 978-2-84621-190-1, S. 329–330 (französisch, Iigschränkti Vorschau uf books.google.de). 

Ainzelnoohwiisa

Dä Artikel basiert uff ere fräie Übersetzig vu dere Version vum Artikel „Eugène_Boeckel“ vu de französische Wikipedia. E Liste vu de Autore un Versione isch do z finde.