Erwin Jutzet
Dr Erwin Jutzet (* 7. Mai 1951 z Fryybùùrg; haimetberäächtigt z St. Silvester; † 29. Novämber 2025[1][2]) isch e Schwyzer Jurischt un Bolitiker (SP) gsii. Är isch Grooßroot und Staatsroot vum Kanton Fryybùùrg un au Nazionaalroot gsii. Anne 2011 isch er Fryybùùrger Staatsrootsbresidänt gsii.
Lääbe
[ändere | Quälltäxt bearbeite]Dr Erwin Jutzet het z Fryybùùrg Räächtswisseschafte studiert un as Jurischt im kantonaale Departemänt fir Gmaine un Bfarreie gschafft. Speeter isch er Griichtsschryyber am Beziirksgriicht See un Ersatzriichter am Kantonsgriicht un am Bundesgriicht gsii.[1]
Vu 1981 bis 1995 isch er im Grooße Root vum Kanton Fryybùùrg gsii. Deert het er si erfolgryych derfiir yygsetzt, ass Dytsch un Franzeesisch as glyychberäächtigti Amtssprooche anerkännt woore sin; syy Mozioon het 1990 zur Revisioon vum Sproochenartikel vu dr Fryybùùrger Kantoonsverfassig gfiert.[1]
Druf isch er in Nazionaalroot gwägslet un het vu de Waale 1995 bis am 4. Meerz 2007 sy Kantoon z Bärn verdrätte. Är isch Bresidänt vu dr Ussebolitische Kummissioon, vu dr Delegazioon EFTA/Europäisches Parlament un vu dr Kumissioon fir d Voorberaitig vu dr Waal vu dr Bundesriichter gsii. Derzue isch er au Mitgliid vu dr Räächtskummissioon. Wäg sym Inmträssif fir Afrika het er e Delegazioon vu dr Ussebolitische Kummissioon uf Mosambik glaitet.
Vu 2007 bis 2016 isch er Mitgliid vum Staatsroot un deert Sicherhaits- un Juschtizdiräkter gsii. Im Joor 2011 isch er Staatsrootsbresidänt gsii.
Dr Jutzet het Schmitte gläbt, är isch ghyroote gsii un Vater vu vier Chinder.
Literatuur
[ändere | Quälltäxt bearbeite]- Georges Andrey, John Clerc, Jean-Pierre Dorand et Nicolas Gex: Der Freiburger Staatsrat: 1848–2011. Geschichte, Organisation, Mitglieder. Editions La Sarine, Freiburg im Üechtland, ISBN 978-2-88355-153-4.
Weblink
[ändere | Quälltäxt bearbeite]- dr Erwin Jutzet uf dr Website vum Staatsroot vum Kanton Fryybùùrg
- Erwin Jutzet uf dr Websyte vo dr Bundesversammlig
Fueßnote
[ändere | Quälltäxt bearbeite]- 1 2 3 Ehemaliger Freiburger SP-Staatsrat Erwin Jutzet gestorben. In: SRF.ch. 29. November 2025, abgruefen am 30. November 2025.
- ↑ Alt-Nationalrat Erwin Jutzet ist verstorben. In: freiburger-nachrichten.de. 29. November 2025, abgruefen am 30. November 2025.
 |
Dä Artikel basiert uff ere fräie Übersetzig vu dere Version vum Artikel „Erwin_Jutzet“ vu de dütsche Wikipedia. E Liste vu de Autore un Versione isch do z finde. |