Erich Arnold Huber

Dr Erich Arnold Huber (* 5. Novämber 1905 z Owerkrich; † 17. Merz 1973 z Bade-Bade) isch e dytsche Verwaltigsaagstellte un Haimetforscher gsii.

Lääbe

Dr Huber isch z Owerkrich uf d Wält chuu un isch z Urloffen uf d Schuel gange. No dr Schuel het er e Verwaltigsuusbildig gmacht un derno zerscht z Urloffe gschafft un derno e baar Johr lang uf em Landrotsamt Kähl. Am 1. Dezämber 1929 isch dr Huber Mitglid vu dr NSDAP wore (Mitglidsnummere 166.069), um die Zyt het er as Friseur gschafft.

Noch em Dod vu syre erschte Frau isch er anne 1956 uf Neiwiir zooge. Dert het er au sy zwooti Lääbesgfehrti chänngleert.

Näbe syre Arbet het er as Haimetforscher zue dr Region publiziert. Unter anderem het er d Haimetbiecher vu Urloffe (1971) un Altschwiir (1972) verfasst un e Artikelserie zue dr Gschicht vu Neiwiir im Neiwiiremer Gmaiblatt un im Badische Tageblatt („Der Türmer vom Yberg“). Är isch en engaschiert Mitglid im Historische Verein für Mittelbaden gsii

Derzue het er au Theaterstugg fir Laietheater un Gedicht gschriibe, unter anderem au uf Alemannisch. Dr Hubert Baum het sy Gedicht Gedichtlischriwer in sy Anthology Freude am alemannischen Gedicht (1968) ufgnuu un e Interpretazion derzu gschribe.

Z Urloffe isch d Erich-Arnold-Huber-Stroß no ihm gnännt.

Uusglääseni Schrifte

• Erstes Meerrettichfest im tausendjährigen Urloffen 15. Oktober 1950. In: Urloffen 1000-Jahrfeier. 1950
• Der Heiligenstein über Neuweier. In: Die Ortenau. Veröffentlichungen des Historischen Vereins für Mittelbaden. 43. Jahresband 1963. Verlag des Historischen Vereins für Mittelbaden, Offenburg/Baden. S. 189−192
• Die Wanderung. Gedicht. In: Die Ortenau. Veröffentlichungen des Historischen Vereins für Mittelbaden. 44. Jahresband 1964. Verlag des Historischen Vereins für Mittelbaden, Offenburg/Baden. S. 2
• Das Erwinsfest der Freimaurer 1845. In: Die Ortenau. Veröffentlichungen des Historischen Vereins für Mittelbaden. 46. Jahresband 1966. Verlag des Historischen Vereins für Mittelbaden, Offenburg/Baden. S. 216−220
• Das einstige Silberbergwerk im Weindorf Neuweier, Kreis Bühl. In: Die Ortenau. Veröffentlichungen des Historischen Vereins für Mittelbaden. 51. Jahresband 1971. Verlag des Historischen Vereins für Mittelbaden, Offenburg/Baden. S. 36−40
• Heimatbuch der Gemeinde Urloffen - Dreizehnhundertjährige Heimat. Geschichte des Kirchspiels Urloffen nach gesammelten Unterlagen aufgezeichnet von Erich Arnold Huber. 1971.
• Heimatbuch der Gemeinde Altschweier. Sonderdruck aus: Bühler Blaue Hefte. Heimatgeschichtliche Blätter. Verlag Konkordia, 1972. 191 S.

Literatur

• Karl Kist: Dem Heimatforscher Erich Arnold Huber zum Gedenken. In: Die Ortenau. Veröffentlichungen des Historischen Vereins für Mittelbaden. 53. Jahresband 1973. Verlag des Historischen Vereins für Mittelbaden, Offenburg/Baden. S. 5