Äntlibuech

bi Schüpfe, noch Nordweschte

bi Schüpfe, noch Weschte

S Äntlibuech esch s 397 km² grosse Houpttau vo de Chliine Ämme zwüsche Bärn ond Lozärn im Kanton Lozärn i de Schwiiz.

D Region entspricht de historische Vogtei Äntlibuech (Entlibuch) ond gliichermasse em Amt Äntlibuech, wo vo 1803 bes 2012 bestande hät. De Wauchreis Äntlibuech wo 2012 entstanden esch, omfasst zuesätzlech zor historische Region ou no d Gmeind Wouhuse.

Siit 2001 bsteit deckigsgliich mit de Region Äntlibuech ou di sogenannti UNESCO Biosphäre Entlebuch (UBE) noch de Sevilla-Kriterie vo de UNESCO.

UNESCO Biosphäre Entlebuch (UBE)

Schratteflueh vo Süde: Schibegütsch, Achs & Böli

Schratteflueh-Südostabdachig: Hängst, Karrenfeld

Alpenastärn bim Fäusdorchbroch südlech vom Schibegütsch

S'Äntlibuech esch siit 2001 näbem Schwiizer Nationaupark s'zwöite UNESCO-Biosphärereservat vo de Schwiiz, jedoch s'einzig nach de Sevilla-Kriterie vo de UNESCO vo 1995. Es esch s'erste Biosphärereservat wäutwiit, das dorch e Vouksabstimmig ond onder partizipativi und kooperativi Mitwirkig vo de lokali Bevöukerig begründet worden esch. Siit 2008 esch d'UBE zuesätzlich Regionaue Naturpark vo nationaler Bedütig gmäss Pärkeverordnig vo de Schwiiz. Bes 2022 esch de Mitbegründer Theo Schnider Direktor vo de Biosphäre gse, bevor er dorch d'ehemaligi Direktorin vom Natur- ond Tierpark Goldau abglöst worden esch.

Regionauwirtschaft

D'UBE setzt sech för e nachhautigi Entwicklig uf regionali Ebne ii, idäm regionaui Produkte ond Partner berücksichtigt wärde ond regionaui Chreisläuf gschlosse wärde. D'Vermarktg vo regionaui Produkte, Dienstleistige ond touristischi Ageböt werd dorch die Herkunfts- und Qualitätsmarke „Echt Entlebuch“ gfördert. Zorziit si öber 50 Betrieb met meh aus 200 Produkte zertifiziert.

Literatur ond Quelle

• Fritz Glauser: Entlebuch (Vogtei, Amt).. In: Historisches Lexikon vo dr Schwiiz.
• Entlebucher Anzeiger. Nr. 42 (Sonderbeilage Vogelschau), 81, 85, 86 (2007) und Nr. 7, 18, 19 (2008).
• Entlebuch. SWI02. unesco.org → Biosphere Reserve Information

Ziitigsarchive

• Digitalisierte Artikel Entlebucher Anzeiger (1879–1980), in: e-newspaperarchive.ch
• Digitalisierte Artikel Alpegruess (1920–2004), in: e-newspaperarchives.ch

Weblinks

• BAFU-Medienmitteilung, 22. April 2008
• UNESCO Biosphäre Entlebuch
• Kartenusschnitt Biosphärenreservat Entlebuch vo Swisstopo

Einzunachwiis

46.9083333333338.00805555555561475