Dornenreich

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Dornäriich
Bim Summer Breeze 2007
Gründig 1994
Genre Black Metal, Dark Metal
Website www.dornenreich.com
Bandmitglider
Gsang, Gitarrä, Bass, Tamburin Jochen „Evíga“ Stock
Giige Thomas „Inve“ Riesner (sitt 2006)
Schlagzüg, Perkussion Moritz „Gilvan“ Neuner (fest sitt 2009)

Dornenreich (uf alemannisch: Dornäriich) isch ä österiichischi Black Metal-Band, wo 1994 vom Thomas „Valñes“ Stock gründet worde isch. Ihri Musig hett sich mehrmals emene Stilwandel unterzoge, vo härtem Black Metal mit melodische Keyboardmelodiä, zu melancholischer, teils ruhiger teils ufwüehlender Instrumentalmusig, bis zu folkige Liedär mit Gitarrä und Giige. Trotzdem dued mer si grob em Black Metal, Dark Metal, oder gar em Avantgarde Metal zueordne.

Biografii[ändere | Quälltäxt bearbeite]

Ursprünglich im Jahr 1994 vom Thomas „Valñes“ Stock gründet, hett Dornenreich ersch 1997 s erschte Album mit em Titel "Nicht um zu sterben" ussebracht, eis Jahr nachdem de Jochen „Evíga“ Stock dezuecho isch. Vorher hennds no ä Demokassete mit em Name "Mein Flügelschlag" ussebracht. Die frühe Dornenreich Albe, drunter au "Bitter ist's dem Tod zu dienen" und "Her von welken Nächten", sind zimli keyboardlastig gsih, wil de Thomas i dere Ziit s Keyboard gspiilt hett. Nach em "Hexenwind" Album hett de Thomas im Jahr 2006 bekanntgäh, dass er sich vo Dornenreich trennt um sich siim Soloprojekt "Eyas" zwidme. Im gliiche Jahr stönnd Dornenreich widr sitt langem uf de Bühni, mit em Thomas "Inve" Riesner als feschts Mitglid a de Giige. Vo det ah hätts au en zimliche Stilwächsel gäh, wo zimli prägend gsih isch für di hüttig Dorneriich Musig. S Album "In Luft Geritzt" isch 2008 ussecho und bestaht us Lieder, wo numme Gitarrä und Giige mit Gsangsuntermalig spiled. S Album "Flammentriebe" isch 2011 ussecho und söll härter sii.

Diskografii[ändere | Quälltäxt bearbeite]

Demoufnahmä[ändere | Quälltäxt bearbeite]

  • 1997: Mein Flügelschlag

Albä[ändere | Quälltäxt bearbeite]

  • 1997: Nicht um zu sterben
  • 1999: Bitter ist’s dem Tod zu dienen
  • 2001: Her von welken Nächten
  • 2005: Hexenwind
  • 2006: Durch den Traum
  • 2008: In Luft geritzt
  • 2011: Flammentriebe
  • 2014: Freiheit

Livealbä[ändere | Quälltäxt bearbeite]

  • 2009: Nachtreisen Live at Summerbreeze 2007 (Metal-Show) und Live at Wave-Gothictreffen 2007 (Acoustic-Show), Parallel zur DVD erschiinä

DVDs[ändere | Quälltäxt bearbeite]

  • 2009: Nachtreisen Live at Summerbreeze 2007 (Metal-Show) und Live at Wave-Gothictreffen 2007 (Acoustic-Show)

Weblink[ändere | Quälltäxt bearbeite]

 Allmänd (Commons): Dornenreich – Sammlig vo witere Multimediadateie