Zum Inhalt springen

Dominique Margot

Us der alemannische Wikipedia, der freie Dialäkt-Enzyklopedy

D Dominique Margot (* 1961 z Züri) isch e Schwyzer Filmreschiseeri, Draibuechautoori un Kamerafrau.

Lääbe

[ändere | Quälltäxt bearbeite]

D Margot isch z Züri- Schwamedinge ufgwagse. No dr Schuel het si z Züri Fotografy gleeret und ruf as Fotograafi z Paris gschafft. As Mitgliid vum franzeesische Punkrock-Zirkus Archaos het si drei Joor lang dur Europa tuurt. Im Joor het si an dr Schuel fir bildendi Chinscht Les Gobelins z Paris en Abschluss in Videotächnik gmacht, vu 1994 bis 1999 het si Filmreschy un Kamera an dr Schuel fir Gstaltig z Züri (hite: ZHdK) studiert.[1][2]

Zum flische Schaffe vu dr Margot zelle Dokumäntaarfilm, wie Toumast – Gitarren und Kalaschnikows (2010) – un au s filmisch Essay iber iri Mueter, wu an ere Depressioon chrank wooren isch – Looking Like My Mother (2016). Beedi Film sin am Filmfeschtiwäl Visions du Réel z Nyon aigt un meefach uuszaichnet woore. Mit Bergfahrt het d Margot en Film iber d Alpe un d Mänsche, wu mit iine interagiere, gmacht.[3] An de 59. Soledurner Filmdääg 2024 het d rFilm, wu fir dr Prix du Public nominiert gsii isch, sy Premiere gfyyrt.[4] Bim Schwyzer Filmbryys 2024 isch Bergfahrt in dr Kategory Beschte Toon nominiert gsii.[5]

Dr Chuurzfilm Zoom sur le cirque, wu d Margot d Uuswiirkige vu dr Corona-Kriis uf d Zirkuswält uusglyychet het, isch 2021 bi de Internazionaale Chuurzfilmdääg Oberhausen bremiert woore.[6][7]

Bim dransmediaale Brojäkt Intopolitics[8], wu uf e spiilerischi Aart jungi Mänsche zum Mitmache in dr Bolitik aagregt het, het d Margot iri Erfaarige us Theater un Film kumbiniert un mit dr Brodukzioon Politik im Schiffskoffer am Blickfelder-Feschtiwäl z Züri gaschtiert.[9][10]

D Margot isch Mitgliid vum Verband Filmreschy un Draibuech Schwyz (ARF/FDS).[11]

Uusglääseni Filmografy

[ändere | Quälltäxt bearbeite]
  • 1998: La longueur et la largeur du ciel. Dokumäntazioon, 25 Minute, Reschy, Draibuech, Kamera[12]
  • 2010: Toumast – Gitarren und Kalaschnikovs. Dokumäntazioon, 88 Minute, Reschy un Draibuech[13][14]
  • 2016: Looking Like My Mother. Dokufikzioon 78 Minute, Reschy, Draibuech, Kamera[15][16]
  • 2020: Zoom sur le cirque. Dokumäntazioon, 14 Minute, Reschy un Draibuech[6]
  • 2024: Bergfahrt. Dokumäntazioon, 97 Minute, Reschy un Draibuech[17][18]

Uusglääseni Uuszaichnige

[ändere | Quälltäxt bearbeite]
[ändere | Quälltäxt bearbeite]

Fueßnote

[ändere | Quälltäxt bearbeite]
  1. ↑ Gregor Schenker: Bei ihr tanzt das Matterhorn. In: Tages-Anzeiger. 7. Februar 2024, abgruefen am 28. Juni 2024.
  2. ↑ Geri Krebs: Das Puppenhaus fliegt in die Luft. In: Neue Zürcher Zeitung. 28. September 2016, ISSN 0376-6829 (nzz.ch [abgerufen am 28. Juni 2024]).
  3. ↑ Rolf Breiner: Bergfahrt – Dominique Margot. In: ARTTV. 19. Januar 2024, abgruefen am 29. Juni 2024.
  4. ↑ Bergfahrt, Gefangene des Schicksals, 8 Tage im August - Solothurner Filmtage 2024. Abgruefen am 30. August 2024.
  5. ↑ Schweizer Filmpreis 2024: Die Nominierten stehen fest. Abgruefen am 30. August 2024.
  6. 1 2 Zoom sur le cirque. Swiss Films, abgruefen am 29. Juni 2024.
  7. ↑ Zoom auf den Zirkus – Doku. In: Play Suisse. Abgruefen am 28. Juni 2024.
  8. ↑ Blog. In: intopolitiks.com. Abgruefen am 28. Juni 2024 (änglisch).
  9. ↑ Blickfelder 2016. In: intopolitiks.com. Abgruefen am 29. Juni 2024.
  10. ↑ Esther Banz: «Intopolitiks»: Wir machen uns die Welt, wie sie uns gefällt. In: WOZ Die Wochenzeitung. 1. Juni 2016, abgruefen am 29. Juni 2024.
  11. ↑ Margot. ARF/FDS, abgruefen am 29. Juni 2024.
  12. ↑ La longueur et la largeur du ciel. Abgruefen am 30. August 2024.
  13. 1 2 Toumast – entre guitare et kalashnikov. Swiss Films, abgruefen am 28. Juni 2024.
  14. ↑ Toumast. In: maximage.ch. Abgruefen am 29. Juni 2024.
  15. 1 2 Looking Like My Mother. Swiss Films, abgruefen am 28. Juni 2024.
  16. ↑ Looking Like My Mother. In: maximage.ch. Abgruefen am 29. Juni 2024.
  17. ↑ Bergfahrt. Swiss Films, abgruefen am 28. Juni 2024.
  18. ↑ Bergfahrt. In: maximage.ch. Abgruefen am 29. Juni 2024.
  19. ↑ Solothurner Filmtage 2024: Alle Infos im Überblick. In: Solothurner Zeitung. 19. Januar 2024, abgruefen am 30. August 2024.
  20. ↑ 59. Solothurner Filmtage. In: Swiss Films. Abgruefen am 30. August 2024.
  21. ↑ Schweizer Filmpreis 2024. Bundesamt für Kultur BAK Schweiz, abgruefen am 30. August 2024.
Dä Artikel basiert uff ere fräie Übersetzig vu dere Version vum Artikel „Dominique_Margot“ vu de dütsche Wikipedia. E Liste vu de Autore un Versione isch do z finde.
Vun "https://als.wikipedia.org/w/index.php?title=Dominique_Margot&oldid=1080870"