Diskussion:Alemannische Vogelnamen

Tialäktytäilig

Di jetzig Tialäktytäilig isch echli gspässig: zum Täil nach wüsseschaftliche Kriteerie (Hööchscht-, Hööch-, Mittel-, Nideralemannisch, Schwööbisch), zum Täil nach volchstümlich-landschaftliche Kriteerie (Elsèèssisch) – und dänn wird s Walsertüütsch na vom Hööchschtalemanisch separiert. Ich mäin, miir isch das ja letschtlich glych, aber verstaa tuen i das Gmisch nöd würkli. Und dänn: Bisseguet nöd s «tradizionell» Nideralemannisch bruuche, sondern besser Nideralemannisch für d Mundaarten am Oberrhy und Mittelalemannisch für die um de Bodesee ume. D Dialäktytäilig vom König basiert uf völig willküürlich uusgsuechte Kriteerie, wo zunenand i überhaupt käim Bizuug stönd; d Tialäktytäilig vom Wiesinger basiert degäge für de ganz tüütsch Spraachruum uf em gsamte Wokaalsischteem vo jederen Äinzelmundaart (lueg d Chaarten under de:Deutsche Dialekte; nach em HSK-Band 1). En liebe Gruez vom --Freiguet (Diskussion) 10:56, 6. Apr. 2025 (MESZ)

Ja, «Mittelalemannisch» isch = «Bodeseealemannisch». Aber d Terminology isch besser, wil mer esoo di dialäktoologisch usinig Zämefassig vo de Tiäkt vom Oberrhy und vo de Bodeseeregioon cha vermyde – die händ mitenand weniger z tue weder s Hooch- und s Hööchschtalemanisch. Und terminoloogisch gaats asewääg au besser uuf: Nider-A. > Mittel-A. > Hooch-A. > Hööchscht-A. --Freiguet (Diskussion) 13:22, 14. Apr. 2025 (MESZ)