Dimitri (Clown)
De Dimitri (* 18. September 1935 z Ascona als Dimitri Jakob Müller; † 19. Juli 2016 z Borgnone[1]) isch en Schwizer Gloon gsii. Sit ere Namesänderig hät er Jakob Dimitri als bürgerliche Name gha.[2]
De Dimitri hät sini Chindhait z Ascona vebrocht. Noch aigne Aagobe hegi er scho mit sibni wöle Gloon wärde. Er hät dänn e Töpferlehr gmacht und denäbed Schauspiil-, Musig-, Ballett- und Akrobatikundericht gnoo. Spöter isch er uf Paris zum Etienne Decroux, go Pantomime lärne.
1970 hät er z Verscio es Theater gründet. Döt isch dänn spöter au e Theaterschuel entstande, wo sich sit 2015 «Accademia» nännt. Es isch es Komik-Museum und de «Parco del Clown» dezue cho.
De Dimitri hät för sis künschtlerischi Schaffe en Huffe Priis und Uszaichnige öbercho, under anderem de «SwissAward für Kultur» im 2009 und 2013 de SwissAward för sis Läbeswärch.
Weblink[ändere | Quälltäxt bearbeite]
- Hansruedi Lerch: Dimitri. In: Historisches Lexikon vo dr Schwiiz.
- d Website vom Clown Dimitri
- d Website vom Teatro Dimitri und vo de Scuola Teatro Dimitri
- d Website vom Projekt Famiglia Dimitri
- «Dimitri – Clown» – ein Dokumentarfilm von Friedrich Kappeler srf.ch, Erstuusstrahlig vom 18. September 2015
Fuessnoote[ändere | Quälltäxt bearbeite]
- ↑ Clown Dimitri ist tot Tagi, Artikel vom 20. Juli 2016
- ↑ Clown Dimitri: Geehrt. Schwizer Illustrierti, Artikel vom 2. Oktober 2009