Diane Keaton
D Diane Keaton (* 5. Jänner 1946 as Diane Hall z Los Angeles, Kalifoornie; † 11. Oktoober 2025 au deert[1][2][3]) isch e US-amerikaanischi Schauspiileri, Filmbroduzänti un -reschiseeri gsii. Internazionaal het me si gchännt dur d Roll vu dr Kay Adams, em Gspuusi un dr speetere Frau vum Michael Corleone, in Mafiaepos Der Pate (1972) Francis Ford Coppola un in dr Fuurtsetzige Der Pate II un Der Pate III. Fir ire Daarstellig vu dr Annie Hall in Der Stadtneurotiker (1977) vum Woody Allen isch si 1978 as beschti Hauptdaarstelleri mit eme Oscar un eme Golden Globe uuszaichnet woore.
Lääbe
[ändere | Quälltäxt bearbeite]D Keaton isch anne 1946 as Diane Hall z Los Angeles uf d Wält chuu.[4][5] Si het ire Schuelabschluss an dr High School vu Santa Ana gmacht un isch druf uf s Santa Ana College un uf d University of Southern California gange, voreb si an d Oschtkischte zoogen isch, go am New Yorker Neighborhood Playhouse Schauspiil studiere.[4]
Keaton isch dr Gebuurtsname vu ire Mueter. Si het en no irem Yydritt in d Schauspiilergwäärkschaft aagnuu, wel deert scho ne anderi Diane Hall Mitgliid gsii isch. Iri Karrieere het am Broadway aagfange, wu si vu April 1968 bis Juuli 1972 im Musical Hair uf dr Biini gstanden isch. Fir Ufsää het si doodmool gsoorgt, wel si si gwaigeret ghaa het, am Änd vum eerschte Akt nackig ufzdrätte.[4] Bi dr Aarbet am Broadway het si dr Reschiseert Woody Allen chännegleert, wu ire d Roll vu dr Linda Christie in sym Stugg Play It Again, Sam verschafft ghaa hert. Si hän au privaat e Bezieig aagfange.
Ire Filmdebüt het d Keaton 1970 in Liebhaber und andere Fremde mit dr Beatrice Arthur gee. Wiichtig fir iri Karrieere isch iri Roll in Der Pate vum Francis Ford Coppola 1972 gsii – un au speeter in dr Fuurtsetzige 1974 und 1990, wu si s Gspuusi un di speeter Frau vum Michael Corleone (Al Pacino), d Kay Adams, gspiilt het.
Ire erfolgryychscht Film isch anne 1977 in dr Zämenaarbet mit irem doomoolige Lääbespaartner Woody Allen entstande: Der Stadtneurotiker. Fir där Film het si dr Oscar as beschti Schauspiileri iiberchuu. Si hän au no anderi Film zäme drillt. Fir dr Film Reds vu 1981 isch si nomool fir en Oscar nominiert woore. Anne 1993 het si chuurzfrischtig di wyybli Hauptroll in Manhattan Murder Mystery vum Woody Allen ibernuu, wu si däm sy doomoolig Lääbesgfeerti Mia Farrow vu iim drännt ghaa het. No dr Kumeedi Der Club der Teufelinnen mit dr Goldie Hawn un dr Bette Midler vu 1996 het si eerscht wider anne 2003 an friejeri Erfolg chenne aachnipfe. In Was das Herz begehrt isch si mit em Jack Nicholson un em Keanu Reeves voor dr Kamera gstande. Fir die Daarstellig het si ne Golden Globe iiberchuu un isch wider fir en Oscar nominiert gsii.
Ändi 1980er Joor het d Keaton au aafange sälber Reschy fiere, wie bi de Kumeedine Entfesselte Helden (1995) oder Aufgelegt! (2000). Ire Schaffen as Schauspiileri umfasst iiber 70 Brodukzioone fir Film un Fäärnsee, zletscht het me si 2024 in eme Film chenne sää. Reschy het si bi rund eme Dutzed Brodukzioone gfiert, unter andere au bi Musikvideo. Si het zwai Adoptiivchinder ghaa. Si het si im Alter vu 50 Joor zue re Adopzioon entschiide, wu ire Vater gstoorben isch.
D Diane Keaton het vyyl Joor in ere Villa z Brentwood (Los Angeles) gwoont, wu si Meerz 2025 fir 28,9 Millioone Dollar zum Verchauf aabote het.[6]
D Keaton isch im Oktoober 2025 im Alter vu 79 Joor gstoorbe.[7][8]
Uusglääseni Filmografy
[ändere | Quälltäxt bearbeite]Darstellerin
[Quälltäxt bearbeite]- 1970: Liebhaber und andere Fremde (Lovers and Other Strangers)
- 1970: Love, American Style (Fäärnseeseerie)
- 1970: Rod Serling’s Night Gallery (Fäärnseeseerie)
- 1971: Men of Crisis: The Harvey Wallinger Story (Fäärnseechuurzfilm)
- 1971: FBI (The F.B.I., Fäärnseeseerie)
- 1971: Mannix (Fäärnseeseerie)
- 1972: Der Pate (The Godfather)
- 1972: Mach’s noch einmal, Sam (Play It Again, Sam)
- 1973: Der Schläfer (Sleeper)
- 1974: Der Pate – Teil II (The Godfather: Part II)
- 1975: Die letzte Nacht des Boris Gruschenko (Love and Death)
- 1976: Ich will, ich will … vielleicht? / Na Liebling, wie wär’s mit uns? (I Will, I Will … for Now)
- 1976: Und morgen wird ein Ding gedreht (Harry and Walter Go to New York)
- 1977: Der Stadtneurotiker (Annie Hall)
- 1977: Auf der Suche nach Mr. Goodbar (Looking for Mr. Goodbar)
- 1977: Der Pate: Die Saga (The Godfather: A Novel for Television, Fäärnseeseerie)
- 1978: Innenleben (Interiors)
- 1979: Manhattan
- 1981: The Wizard of Malta (Chuurzfilm)
- 1981: Reds
- 1982: Der Konflikt – Du oder Beide (Shoot the Moon)
- 1984: Die Libelle (The Little Drummer Girl)
- 1984: Flucht zu dritt (Mrs. Soffel)
- 1986: Verbrecherische Herzen (Crimes of the heart)
- 1987: Radio Days
- 1987: Baby Boom – Eine schöne Bescherung (Baby Boom)
- 1988: Der Preis der Gefühle (The Good Mother)
- 1990: Lemon Sisters
- 1990: Der Pate III (The Godfather Part III)
- 1991: Vater der Braut (Father of the Bride)
- 1992: First Lady im Zwielicht (Running Mates, Fäärnseefilm)
- 1993: Manhattan Murder Mystery
- 1993: Kuck mal, wer da jetzt spricht (Look Who’s Talking Now, Stimm)
- 1994: Amelia Earhart – Der letzte Flug (Amelia Earhart: The Final Flight, Fäärnseefilm)
- 1995: Ein Geschenk des Himmels – Vater der Braut 2 (Father of the Bride Part II)
- 1996: Der Club der Teufelinnen (The First Wives Club)
- 1996: Marvins Töchter (Marvin’s Room)
- 1997: Liebe aus zweiter Hand (The Only Thrill)
- 1997: Northern Lights (Fernsehfilm)
- 1999: Ganz normal verliebt (The Other Sister)
- 2000: Aufgelegt! (Hanging Up)
- 2001: Stadt, Land, Kuss (Town & Country)
- 2001: Schwester Marys Fegefeuer (Sister Mary Explains It All, Fäärnseefilm)
- 2001: Plan B
- 2002: Crossed Over (Fäärnseefilm)
- 2003: On Thin Ice (Fäärnseefilm)
- 2003: Was das Herz begehrt (Something’s Gotta Give)
- 2005: Terminal Impact (Chuurzfilm)
- 2005: Die Familie Stone – Verloben verboten! (The Family Stone)
- 2006: Surrender, Dorothy (Fäärnseefilm)
- 2007: Von Frau zu Frau (Because I Said So)
- 2007: Mama’s Boy
- 2008: Das Muttersöhnchen (Smother)
- 2008: Mad Money
- 2010: Morning Glory
- 2011: Tilda (Fernsehfilm)
- 2012: Darling Companion
- 2013: The Big Wedding
- 2014: Ruth & Alex – Verliebt in New York (5 Flights Up)
- 2014: Das grenzt an Liebe (And So It Goes)
- 2015: Alle Jahre wieder – Weihnachten mit den Coopers (Love the Coopers)
- 2016: Findet Dorie (Finding Dory, Stimm vu dr Jenny)
- 2016: The Young Pope (Fäärnseeseerie, 10 Folge)
- 2017: Hampstead
- 2018: Book Club – Das Beste kommt noch (Book Club)
- 2019: Dancing Queens
- 2019–2022: Grünes Ei mit Speck (Green Eggs and Ham, Fäärnseeseerie, 23 Folge, Stimm)
- 2020: Father of the Bride Part 3 (ish) (Chuurzfilm)
- 2022: Mack & Rita
- 2023: Hochzeit auf Umwegen (Maybe I do)
- 2023: Book Club – Ein neues Kapitel (Book Club: The Next Chapter)
- 2024: Summer Camp
- 2024: Arthur’s Whisky
Reschiseeri
[Quälltäxt bearbeite]- 1987: Heaven Is a Place on Earth (Musikvideo fir d Belinda Carlisle)
- 1987: Alles über Himmel und Hölle (Heaven, Dokumätazioon)
- 1990: China Beach (Fäärnseeseerie, Episood Fever)
- 1991: Twin Peaks (Fäärnseeseerie, Episood 2x15)
- 1991: Wilde Sehnsucht (Wildflower, Fäärnseefilm)
- 1995: Entfesselte Helden (Unstrung Heroes)
- 2000: Aufgelegt! (Hanging Up)
- 2001: Das Geheimnis von Pasadena (Pasadena, Fäärnseeseerie, Pilootfolg)
Broduzänti
[Quälltäxt bearbeite]- 1989: Lemon Sisters
- 1997: Northern Lights
- 1999: Oh, What Time It Was (Fäärnseeseerie)
- 2001–2002: Das Geheimnis von Pasadena (Pasadena, 13 Episoode)
- 2002: Crossed Over
- 2003: Elephant
- 2003: On Thin Ice (Fäärnseefilm)
- 2006: Surrender, Dorothy (Fäärnseefilm)
- 2022: Mack & Rita
Uuszaichnige
[ändere | Quälltäxt bearbeite]- 1978 gwunne: Beschti Hauptdaarstelleri (Der Stadtneurotiker)
- 1982 nominiert: Beschti Hauptdaarstelleri (Reds)
- 1997 nominiert: Beschti Hauptdaarstelleri (Marvins Töchter)
- 2004 nominiert: Beschti Hauptdaarstelleri (Was das Herz begehrt)
Golden Globe Award
- 1978 gwunne: Beschti Hauptdaarstelleri – Kumeedi oder Musical (Der Stadtneurotiker)
- 1978 nominiert: Beschti Hauptdaarstelleri – Drama (Auf der Suche nach Mr. Goodbar)
- 1982 nominiert: Beschti Hauptdaarstelleri – Drama (Reds)
- 1983 nominiert: Beschti Hauptdaarstelleri – Drama (Der Konflikt – Du oder Beide)
- 1985 nominiert: Beschti Hauptdaarstelleri – Drama (Flucht zu dritt)
- 1988 nominiert: Beschti Hauptdaarstelleri – Kumeedi oder Musical (Baby Boom)
- 1994 nominiert: Beschti Hauptdaarstelleri – Kumeedi oder Musical (Manhattan Murder Mystery)
- 1995 nominiert: Beschti Hauptdaarstelleri – Miniseerie oder Fäärnseefilm (Amelia Earhart – Der letzte Flug)
- 2004 gwunne: Beschti Hauptdaarstelleri – Kumeedi oder Musical (Was das Herz begehrt)
BAFTA Award
- 1978 gwunne: Beschti Hauptdaarstelleri (Der Stadtneurotiker)
- 1980 nominiert: Beschti Hauptdaarstelleri (Manhattan)
- 1983 nominiert: Beschti Hauptdaarstelleri (Reds)
American Film Institute
- 2017 gwunne: AFI Life Achievement Award
Guldeni Himbeeri
- 2008 nominiert: Schläächtschti Schauspiileri (Von Frau zu Frau)
- 2023 nominiert: Schläächtschti Schauspiileri (Mack & Rita)
Guldeni Kamera
- 2014: Lääbeswäärch Internazionaal
- 2014: Golden Icon Award
Literatuur
[ändere | Quälltäxt bearbeite]- Diane Keaton: DAMALS HEUTE. btb Verlag, München 2011, ISBN 978-3-442-75277-5.
- Deborah C. Mitchell: Diana Keaton. Artist and Icon. MacFarland, Jefferson, N.C. 2001, ISBN 0-7864-1082-5.
- Jonathan Moor: Diane Keaton. The Story of the Real Annie Hall. St. Martin’s Press, New York 1989, ISBN 0-312-02903-9.
Weblink
[ändere | Quälltäxt bearbeite]
- Diane Keaton in dr Internet Movie Database
- Diane Keaton in der Internet Broadway Database (englisch)
- Literatur vu un iber Diane Keaton im Katalog vu dr Dütsche Nazionalbibliothek
- Diane Keaton bi filmreference.com
- Diane Keaton in dr Dytsche Synchronkartei
- Diane Keaton bei prisma
Fueßnote
[ändere | Quälltäxt bearbeite]- ↑ Olaf Heuser: Oscar-Preisträgerin Diane Keaton ist tot. In: spiegel.de. 11. Oktober 2025, abgruefen am 11. Oktober 2025.
- ↑ The Godfather and Annie Hall star Diane Keaton dies at 79. In: Times & Star. 11. Oktober 2025, abgruefen am 11. Oktober 2025 (änglisch).
- ↑ Hollywood-Legende Diane Keaton ist tot – Feuerwehr bestätigt Einsatz. 12. Oktober 2025, abgruefen am 12. Oktober 2025.
- 1 2 3 Diane Keaton Biography In: IMDb.com.
- ↑ Diane Keaton bei prisma
- ↑ Wendy Bowman: Diane Keaton’s L.A. House in Photos. In: robbreport.com. 28. März 2025, abgruefen am 12. Oktober 2025 (änglisch).
- ↑ Victoria Edel, Nicholas Rice, Julie Jordan: Diane Keaton, Famed for Roles in Father of the Bride, First Wives Club and More, Dies at 79 (Exclusive). In: people.com. 11. Oktober 2025, abgruefen am 11. Oktober 2025 (änglisch).
- ↑ Oscar-Preisträgerin Diane Keaton im Alter von 79 Jahren gestorben. In: stern.de. 11. Oktober 2025, abgruefen am 11. Oktober 2025.
 |
Dä Artikel basiert uff ere fräie Übersetzig vu dere Version vum Artikel „Diane_Keaton“ vu de dütsche Wikipedia. E Liste vu de Autore un Versione isch do z finde. |