Deutschnationale Volkspartei
| Deutschnationale Volkspartei | |
|---|---|
.svg){kind=logo}
| |
| Parteivorsitz | Oskar Hergt (1918–1924) Johann Friedrich Winckler (1924–1926) Kuno Graf von Westarp (1926–1928) Alfred Hugenberg (1928–1933) |
| Gründig | 24. November 1918 |
| Auflösung | 27. Juni 1933 |
| Hauptsitz | Berlin |
| Jugendorganisation | Bismarckjugend |
| Uusrichtig | Monarchismus Nationalismus Nationalkonservatismus Antisemitismus Völkischer Nationalismus |
| Farb(e) | Schwarz, weiß, rot |
Di Dütschnationali Voukspartei (hochdütsch Deutschnationale Volkspartei (DNVP)) isch ä nationalkkonservativi Partei ir Weimarär Republik gsi. Iri Progammatik hei Nationalismus, Nationaliberalismus, Antisemitismus, keiserläch-monarchischtischä Konservatismus und o vöukischi Elemänt enthautä. Nachdäm si zersch eidütig republikfeindläch isch gsi u säch bischpilswiis dr Kapp-Putsch vo 1920 ungerstütz het, hei si säch ab Mitti vo dä 1920er Jahr zuänähmend sowou a Landes- aus o a Riichsregiärigä beteilligt. 1924 het d'Partei mit um di 1 Millionä Mitglider u 19,5% vodä Stimmä dr Höhepunkt vo ihrerä Beliäbtheit erreicht gha. Nachärä Wahlniederlag 1928 u dr Wau vom Verleger Alfred Hugenberg zum Parteivorsitzendä het d'Partei jedoch wieder extremäri nationalistischi Positionä verträtä. Dur d'Kooperation mit dr NSDAP het d'DNVP ab 1930 jedoch zuänähmend a Bedütig verlorä. Abem 30. Januar 1933 hei si mit dr NSDAP kooaliert u wiä aui anderä Parteiä ussert d'SPD für ds Ermächtigungsgsetz vom 24. März 1933 gstimmt. Ds Gsetz het dr Wäg i d'Diktatur gäbnet. Nachdäm si säch Afang Mai 1933 no in Deutschnationale Front umbennent het, het si säch im Juni 1933 säubscht ufglöst u iri Abgordnätä säch är NSDAP-Fraktion agschlossä.[1][2]
Wauergäbniss
[ändere | Quälltäxt bearbeite]Bi dä Riichtagswahlä:
[ändere | Quälltäxt bearbeite]| Wahlä | Stimmäateil | Zuäwachs/Verluschtä | Mandat | Zuäwachs/Verluste | Stimmä | Spitzäkandidat |
|---|---|---|---|---|---|---|
| 19. Januar 1919 | 10,3 % | – | 44 | +44 | 3.121.541 | Arthur von Posadowsky-Wehner |
| 6. Juni 1920 | 15,1 % | +4,8 % | 71 | +27 | 4.249.100 | Oskar Hergt |
| 4. Mai 1924 | 19,5 % | +4,4 % | 95 | +24 | 5.696.475 | |
| 7. Dezember 1924 | 20,5 % | +1,0 % | 103 | +8 | 6.205.802 | Kuno von Westarp |
| 20. Mai 1928 | 14,3 % | −6,2 % | 73 | −30 | 4.381.563 | |
| 14. September 1930 | 7,0 % | −7,3 % | 41 | −32 | 2.457.686 | Alfred Hugenberg |
| 31. Juli 1932 | 5,9 % | −1,1 % | 37 | −4 | 2.178.024 | |
| 6. November 1932 | 8,7 % | +2,8 % | 51 | +14 | 2.959.053 | |
| 5. März 1933 | 8,0 %1 | −0,7 % | 52 | +1 | 3.136.760 |
Weblinks
[ändere | Quälltäxt bearbeite]- Seite des Deutschen Historischen Museums zur DNVP. Abgruefen am 22. September 2011.