Dekonstruktivismus (Architektur)

s Huus vom Vitra Design Museum z Wyl am Rhy

Dr Dekonstruktivismus isch en Richtig vo dr Architektur vom spoote 20. und em Afang vom 21. Joorhundert.

Stylgschicht

D Architekturhistoriker luege s Huus, wo dr Frank Gehry öppe ane 1980 z Santa Monica bout het, als s erschte Gebäud vo däm Styl a. Ane 1988 isch die Aart vom Boue in ere grosse Uusstellig im Museum of Modern Art z Nöi York behandlet worde.

Für d Stylgschicht bedüütet die Bouwys e nöji Faase, wo noch der Epoche vo dr Poschtmodärne cho isch. Sid dr Wändi zum 21. Joorhundert git’s jetz scho wider en anderi Tendänz i dr Architektur, wo deils als zwäiti Modärni agluegt wird. I dr Boupraxis laufe aber so Boustyl je nach Bouherr und Architäkt näben enand wyter.

Bi dene Wärch bruucht dr Architekt bestimti geometrische Forme, won er anders als mes vo dr tradizionelle Architektur gwoont isch zämesetzt. Für d Funkzioon vo de Objäkt findt er so früschi Lösige, wo eim d Rüüm und s Liecht im Huus nöi lönd lo erläbe.

Architekte

Bekanti Architekte, wo s vonne mindeschtens en Deil dekonstruktivistischi Wärch git, sind öppe:

• dr Frank Gehry
• dr Daniel Libeskind
• dr Rem Koolhaas
• dr Peter Eisenman
• d Zaha Hadid
• s Büro Coop Himmelb(l)au
• dr Bernard Tschumi

Bekanti Hüüser

• s Hysolar-Institut z Stuttgart, bout vom Günter Behnisch, 1987
• s Huus vom Vitra Design Museum z Wyl am Rhy, bout vom Frank O. Gehry, 1989
• s alte Füürweerhuus vo dr Vitra z Wyl am Rhy, bout vo dr Zaha Hadid, 1991–1993
• s Guggeheim-Museum vo Bilbao, bout vom Frank O. Gehry, 1991–1997
• s Jüdische Museum z Berlin, bout vom Daniel Libeskind, 1993–1999
• dr Nöi Zollhof z Düsseldorf, bout vom Frank O. Gehry, 1997–1999
• d BMW Welt, bout vom Coop Himmelb(l)au 2003–2007
• die nöi Synagoge vo Mainz, bout vom Manuel Herz 2008–2010
• s Hochuus vo dr Reederei CMA-CGM z Maarsei, bout vo dr Zaha Hadid

Bilder

• 
  s Woohnuus Gehry z Santa Monica
• 
  s Hysolar-Huus vo dr Uni Stuttgart
• 
  s alte Füürweerhuus vo dr Vitra
• 
  s Guggeheim-Museum z Bilbao
• 
  d Biblioteek vo dr Uni Wien, Zaha Hadid
• 
  d Brugg "Puente de la mujer" vom Santiago Calatrava
• 
  en Egge vom Museum für d Wüsseschaft z Wolfsburg, Zaha Hadid

Literatur

• Mark Wigley: Architektur und Dekonstruktion. Derridas Phantom. Basel 1994, ISBN 3-7643-5036-9.
• Andreas C. Papadakis: Dekonstruktivismus – eine Anthologie. Stuttgart 1989, ISBN 3-608-76290-6.
• Philip Johnson, Mark Wigley: Dekonstruktivistische Architektur. Stuttgart 1988, ISBN 3-7757-0270-9.
• Simone Kraft: Dekonstruktivismus in der Architektur? Eine Analyse der Ausstellung »Deconstructivist Architecture« im New Yorker Museum of Modern Art 1988. Bielefeld 2015, ISBN 978-3-8376-3029-9.

Weblink

 Commons: Dekonstruktivismus – Sammlig vo Multimediadateie