Davor Solter
Dr Davor Solter (* 22. Meerz 1941 z Zagreb, Cheenigryych Jugoslaawie) isch e US-amerikaanische Entwickligsbioloog un eemoolige Diräkter vum Max-Planck-Inschtitut fir Immunbiology z Fryyburg.
Lääbe
[ändere | Quälltäxt bearbeite]Dr Davor Solter het anne 1965 en M.D. gmacht, 1968 en Master un 1971 e Ph.D. in Biology an dr Uniwersiteet Zagreb, wun er au eerschti Leerverbfliichtige ghaa het. Anne 1973 isch er an s Wistar Institute gwägslet, en unabhängig biomediziinisch Foorschigsinschtitut z Philadelphia, Pennsylvania. 1981 het er zuesätzlig e Brofässuur an dr University of Pennsylvania iiberchuu. 1991 isch er Mitgliid vu dr Max-Planck-Gsellschaft un Diräktor vum Max-Planck-Inschtitut fir Immuunbiology z Fryyburg woore, ne Posizioon, wun er bis 2006 ghaa het.[1] Vu 2008 bis 2013 het er im Rame vun er eKooperazioon mit dr Duke University (Duke-NUS Graduate Medical School Singapore) e Brofässuur an d Nazionaaluniwersiteet Singapur (NUS) z Singapur ghaa. Syter 2014 isch er Gaschtbrofässer an dr Mediziinische Fakulteet vu dr Mahidol-Uniwersiteet in dr Neechi vu Bangkok, Thailand.
Syt 2024 zellt dr Meediekunzäärn Clarivate iin wäg dr Zaal vu dr Zitazioon zue dr Favorite uf e Nobelbryys (Clarivate Citation Laureates).
Wiirke
[ändere | Quälltäxt bearbeite]Dr Davor Solter het wiichtrig Byydreeg zue dr Entwickligsbiology vu dr Saiger chenne laischte. Doderzue gheere d Differänzierig vu dr Chyymbletter, d Roll vu Molekiil uf dr Zällooberflechi bi dr Regulazioon vu frieje Entwickligsschritt, d Biology un Geneetik vu Teratokarzinoom, d Biology vu embryonaale Stammzälle, geneetisch Imprinting un Klonierig. Neieri Aarbete sin zue geneetische un epigeneetische Mechanisme, wu d Entwicklig vu Muus-Embryone in dr Prä-Implantazioonsfaas reguliere dien, un zue dr Umbrogrammierig vu mänschlige embryonaale Stammzälle.
Uusglääseni Uuszaichnige
[ändere | Quälltäxt bearbeite]- 1992 Mitgliidschaft in dr Academia Europaea[2]
- 1994 Mitgliidschaft in dr American Academy of Arts and Sciences[3]
- 1994 Mitgliid vu dr European Molecular Biology Organization[4]
- 1998 March of Dimes Prize in Developmental Biology[5]
- 2007 Rosenstiel Award[6]
- 2018 Canada Gairdner International Award
- 2022 Mendel Medal vu dr Genetics Society[7]
- 2026 Paul-Ehrlich-un-Ludwig-Darmstaedter-Bryys[8]
Weblink
[ändere | Quälltäxt bearbeite]- Lääbeslauf un Schrifte (PDF, 166 kB, Stand 2014) bi dr Academia Europaea (ae-info.org)
Fueßnote
[ändere | Quälltäxt bearbeite]- ↑ Previous Directors of the Institute. In: ie-freiburg.mpg.de. Abgruefen am 6. Februar 2016.
- ↑ Davor Solter bi dr Academia Europaea (ae-info.org)
- ↑ Davor Solter bi dr Academia Europaea (ae-info.org)
- ↑ Book of Members 1780–2010 (PDF, 432 kB) vu dr American Academy of Arts and Sciences (amacad.org)
- ↑ March of Dimes Prize in Developmental Biology in: Pediatric Research: April 1998 - Volume 43 - Issue 4 - p 27; abgerufen am 23. Mai 2011
- ↑ Past Winners – Rosenstiel Award – Rosenstiel Basic Medical Sciences Research Center – Brandeis University. In: brandeis.edu. Abgruefen am 23. Januar 2016 (änglisch).
- ↑ Mendel Medal 2022 – Professor Azim Surani and Professor Davor Solter. In: Genetics.org.uk. Abgruefen am 28. Januar 2022 (änglisch).
- ↑ Paul-Ehrlich-und-Ludwig-Darmstaedter-Preis 2026
 |
Dä Artikel basiert uff ere fräie Übersetzig vu dere Version vum Artikel „Davor_Solter“ vu de dütsche Wikipedia. E Liste vu de Autore un Versione isch do z finde. |