David Sassoon

Us der alemannische Wikipedia, der freie Dialäkt-Enzyklopedy
Dr David Sassoon

Dr David Sassoon (* 1793 z Bagdad; † 7. Novämber 1864 z Poona in Indie) isch e jüüdische Gschäftsmaa und Filanthrop gsi, wo us em Osmanische Riich gstammt und in Indie gwirkt het.

Si Lääbe[ändere | Quälltäxt bearbeite]

Die früeje Joor[ändere | Quälltäxt bearbeite]

Dr Sassoon isch z Bagdad as Soon vom woolhaabende jüüdische Bankiee Sheikh Saleh Sassoon (1750–1830), wo Finanzminister vom Guwernöör Ahmed Pascha gsi isch, uf d Wält cho. Wil d Juude zur Zit vom Mamlukeherscher Daud Pascha verfolgt worde si, isch dr Sassoon 1833 mit sinere Familie und e chli Gäld über Persie uf Bombay gflüchdet.

Kaufmännischi Erfolg[ändere | Quälltäxt bearbeite]

Er het chlii as Teppighändler aagfange, het s Handelshuus David Sassoon & Co. gründet und isch äine vo de riichste Manne in dr Stadt worde. Noch em Verdraag vo Nanking 1842, wo dr chinesisch Määrt für usländischi Händler witgehend ufgmacht het, het si Gsellschaft uf China expandiert. Si het dört Niiderlassige under anderem z Hongkong, Kanton und Shanghai ufdoo. Dr David und si Soon Elias häi zerst vor allem mit Wulle ghandlet, spööter häi si sich uf e chinesisch Opiumhandel konzentriert. Wo wääred em Amerikanische Bürgerchrieg d Süüdstaate iiri Bauele nid häi chönne expordiere, het d Sassoons indischi Bauele an die änglische Spinnereie gliiferet. Eso häi si s in e baar Joorzäänt zum ene legendäre Riichdum brocht. Am Aafang vom 20. Joorhundert häi si zämme mit de jüüdische Hardoons und Kadoories zu de riichste Familie im Land ghöört.

Si Brivatlääbe[ändere | Quälltäxt bearbeite]

1853 isch dr David Sassoon britische Staatsbürger worde, ooni Änglisch z chönne. Er het sich aber witer noch de Dradizioone vo de Bagdad-Juude aazooge und benoo und het sich as dr Füerer vo dr jüüdische Gmäind z Bombay gsee. In Indien het er meereri Synagoge lo baue, e Schuel, e Forschigsinstidut, e Bibliothek und e Sanatorium.

Noch em Dood vom David Sassoon im Joor 1864 het si Soon und Erb, dr Sir Albert Abdullah David Sassoon, d Gschäft witergfüert.

Dä Artikel basiert uff ere fräie Übersetzig vum Artikel „David_Sassoon“ vu de dütsche Wikipedia. E Liste vu de Autore un Versione isch do z finde.