Couvrot

Couvrot
Couvrot (Frankreich) Couvrot
Region	Grand Est
Département	Marne
Arrondissement	Vitry-le-François
Kanton	Kanton Vitry-le-François-Champagne et Der
Kommünàlverbànd	Vitry, Champagne et Der
Koordinàte	48° 46′ N, 4° 34′ O48.76034.5725
Heche	92–209 m
Flech
Iiwohner	815 (1. Jänner 2020)
Bevelkerungsdicht	– Iiw./km2
Code Postal	51300
INSEE-Code	51195

Dialäkt: Mìlhüüserdiitsch

Couvrot [kuvʁo] ìsch a frànzeescha G’mainda mìt 815 Iiwoohner (ànna 2020) ìm Département Marne ìn dr Regioon Grand Est. Sa g’heert zem Kàntoon Vitry-le-François-Champagne et Der, zem Arrondissement Vitry-le-François so wia zem G’maindaverbànd Vitry, Champagne et Der.

zem Dorfnàmma

Ìm Làuif vu dr G’schìcht hàt sìch dr Dorfnàmma-n-asoo uff Làtiinisch un Àltfrànzeesch, schpeeter uff Frànzeesch äntwìckelt:

• Villa Covros (ànna 900)
• Villa que vocatur Cuerodt (ànna 1043)
• Couvront (ànna 1138)
• Covrot (ànna 1209)
• Covroth (ànna 1223)
• Covrost (ànna 1251/53)
• Couvrost (ànna 1331)
• Couvrotum (ànna 1405)
• Couverot (ànna 1501)
• Couvrout (ànna 1515)

Wumm’r wahrend dr Frànzeescha Revoluzioon d’ G’mainda offiziäll grìnda hàt, ìsch s’ Dorf Villers-sur-Marne Tail vu dr näija G’mainda Couvrot gsìì, wo offiziäll Couvrot-et-Villers [kuvʁo e vilɛʁ] g’haissa hàt.

D’ Iiwoohner vu dr G’mainda nännt m’r Couvrotiers [kuvʁotje] (fìr d’ Manner) un Couvrotières [kuvʁotjɛʁ] uff Frànzeesch.

wu ’s lììgt

D’ G’mainda Couvrot lììgt àn dr Marne, äbba dräi Kilomeeter neerdlig vu Vitry-le-François. Umgaa wìrd Couvrot vu da Noochberg’mainda Soulanges ìm Norda, Saint-Lumier-en-Champagne ìm Nordoschta, Saint-Quentin-les-Marais ìm Oschta, Vitry-en-Perthois ìm Süüdoschta, Vitry-le-François ìm Süüda so wia Loisy-sur-Marne ìm Wäschta. Züa dr G’mainda g’heera d’ Wiiler Entre les Deux Voies [ɑ̃tʁ le dø vwa], Gravelines [ɡʁavlin] un Ermite et Villers [ɛʁmit‿e vilɛʁ].

Durs’ G’maindagebiat fliasst àui dr Marne-Sittakànààl.

wia sìch d’ Beveelkerung äntwìckelt hàt

Joohr	1962	1968	1975	1982	1990	1999	2008	2018
Iiwoohner	774	834	829	955	1058	856	874	829
Kwalla: Cassini un INSEE

wàs doo z’ sah ìsch

• d’ reemisch-kàthoolischa Màrtiinskìrìch (église Saint-Martin). D’rìnn schteht dr holziga Hàuiptàltààr mìt siim Retààwel un em G’mäld vu dr Krìschti Hìmmelfàhrt (üss’m 18. Joohrhundert) àls Ainzelobjakt bii da Histoorischa Dankmooler, wo-n-a nàzionààla Bediitung hann. Üsserdam sìnn s’ fàrwiga Holzkrüzifix vum 16. Joohrhundert so wia d’ Schtaischtàtüütla vu’ma hailiga Bischoof, wo dr Uffsàtz vu’ma Prozässioonsschtààb üss’m 19. Joohrhundert gsìì ìsch, àls Ainzelobjakta bii da Histoorischa Dankmooler iig’schtuuft, wo-n-a regionààla Bediitung hann.
• a Kriagerdankmool, fìr d’ g’schtoorwana Soldààta vum Äärschta Waltkriag eehra. Ànna 2014 hàt m’r doo dr 70. Joohrestààg vu dr Befräijung vum Dorf g’fiihrt.

• 
  d’ Màrtiinskìrìch
• 
  s’ Bìrgermaischteràmt
• 
  d’ Dorfschüal
• 
  s’ Kriagerdankmool
• 
  dr Marne-Sittakànààl z’ Couvrot
• 
  dr Marne-Sittakànààl z’ Couvrot

Wìrtschàft

Dr greeschta Àrwetsgaawer vu dr G’mainda ìsch a Zimantfàwrìk vun Italcementi. Àm Andsjoohr 2023 ìsch doo a groosser Schtraik gsìì, wo 54 Taaga g’düürt hàt. D’ Beweegung hàt dr Politiker Jean-Luc Mélenchon güat g’haissa.

wìchtiga Litt üss’m Dorf

• dr Transchportunternammer Charles Adolphe Bardy (1902–1944), wo ìm Zwaita Waltkriag Wììderschtàndskampfer gsìì ìsch, ìsch bii dr Befräijung vum Dorf geteedet worra. Ar ìsch z’ Couvrot uff d’ Walt kumma gsìì. Hìtt ìsch ìm Dorf a Plàtz noh-n-ema g’nännt.

Lìteràtüür zem Ort

• Pierre Boulanger: La vie d’un village marnais avant la Révolution : Couvrot. In: Extrait des Mémoires de la SACSAM. 1989, S. 131–179 (französisch). 
• Jean-Jacques Charpy: Couvrot, "La Tomelle" (canton et arrondissement de Vitry-le-François, Marne). In: Etudes marnaises. Band 127, 2012, S. 9–31 (französisch). 
• Thierry Toti: La cimenterie de Couvrot : identité régionale ou non? 1988 (französisch, 61 S., ’s ìsch a Maischteràrwet gsìì ìm Fàchb’raich G’scìcht àn dr Üniwärsiteet Reims). 

Lüag àui

• d’ Lischta vu da G’mainda ìm Département Marne

Weblìnks

 Commons: Couvrot – Sammlig vo Multimediadateie

• Schtàtistik züa dr G’mainda Couvrot biim INSEE (frànzeesch)
• Informàzioona züa dr G’mainda Couvrot ìn dr Dààtabànk vu dr LdH/EHESS/Cassini (frànzeesch)