Corroy
| Corroy | ||
|---|---|---|
| ||
| Region | Grand Est | |
| Département | Marne | |
| Arrondissement | Épernay | |
| Kanton | Vertus-Plaine Champenoise | |
| Kommünàlverbànd | Sud Marnais | |
| Koordinàte | 48° 42′ N, 3° 57′ O | |
| Heche | 95–132 m | |
| Flech | 19,97 km2 | |
| Iiwohner | 145 (1. Jänner 2020) | |
| Bevelkerungsdicht | 7 Iiw./km2 | |
| Code Postal | 51230 | |
| INSEE-Code | 51176 | |
| Dialäkt: Mìlhüüserdiitsch |
Corroy 
[kɔʁwa](info) ìsch a frànzeescha G’mainda mìt 145 Iiwoohner (Schtànd 1. Januar 2020) ìm Département Marne ìn dr Regioon Grand Est (vor 2016 ìn dr Regioon Champagne-Ardenne). Sa g’heert zem Kàntoon Vertus-Plaine Champenoise ìm Arrondissement Épernay.
wu dr Nàmma haar ìsch
[ändere | Quälltäxt bearbeite]Ìm Làuif vu dr G’schìcht hàt sìch dr Dorfnàmma-n-asoo uff Làtiinisch un Àltfrànzeesch, schpeeter uff Frànzeesch äntwìckelt:[1]
- Colreium (ànna 1121)
- Correium (ànna 1174)
- Correis (ànna 1176)
- Coriletum (ànna 1209)
- [C]orroi (um 1222)
- Cauroi (ànna 1223)
- Courroy (um 1263)
- Caurroi, Cauroi (ànna 1270)
- Caurretum juxta Hermondivillam (ànna 1271)
- Corroi (um 1274)
- Ecclesia Beate Marie de Corrayo (ànna 1265)
- Corroy (ànna 1403)
- Corretum (ànna 1405)
- Caulroy (ànna 1501)
- Courroy-en-Champaigne (ànna 1508)
- Cauretum (ànna 1542)
- Corroys (ànna 1736)
- Beneficium Beate Marie de Correio alias de Coreto, vulgo Cauroi » (ànna 1775)
Daa Nàmma schtàmmt vum Oïl-Wort caure mìt dr Noohsìlwa -oi, wo salbscht üss’m schpeetlàtiinischa colurus mìt dr Noohsìlwa -etum kummt. Mìt dam Nàmma bezaichnet m’r a Ort, wo mìt Nussbaim gepflànzt ìsch.[2]
wu ’s lììgt
[ändere | Quälltäxt bearbeite]
D’ G’mainda Corroy lììgt 15 Kilomeeter eeschtlig vu Sézanne un 44 Kilomeeter süüdwäschtlig vu Châlons-en-Champagne ìm Wäschta vu dr Trockana Champagne. Dur Corroy fliasst d’ Maurienne, a klainer Naawafluss vu dr Superbe. S’ G’maindagebiat ìsch fàscht wàldloos — üsser àm Flusslàuif vu dr Maurienne — un mìt groossa-n-Acker gedäckt.[3]
Umgaa wìrd Corroy vu da Noochberg’mainda Connantre ìm Nordwäschta un Norda, Fère-Champenoise ìm Norda un Nordoschta, Euvy ìm Nordoschta un Oschta, Gourgançon ìm Oschta un Süüdoschta, Faux-Fresnay ìm Süüda, Angluzelles-et-Courcelles ìm Süüdwäschta so wia Ognes ìm Wäschta.[3]
wia sìch d’ Beveelkerung äntwìckelt hàt
[ändere | Quälltäxt bearbeite]| Joohr | 1962 | 1968 | 1975 | 1982 | 1990 | 1999 | 2006 | 2015 | 2022 |
| Iiwoohner | 190 | 163 | 138 | 133 | 148 | 142 | 140 | 161 | 149 |
| Kwalla: Cassini un INSEE | |||||||||
wàs doo z’ sah ìsch
[ändere | Quälltäxt bearbeite]- d’ romàànisch-gootischa, reemisch-kàthoolischa Mària-Geburts-Kìrìch (église de la Nativité-de-la-Sainte-Vierge), wo üss’m 11. un em 15. Joohrhundert schtàmmt. Sa ìsch zitter 1911 bii da Histoorischa Dankmooler klàssifiziart, wo-n-a nàzionààla Bediitung hann.[4] D’rìnn ìsch dr Hàuiptàltààr zamma mìt siim Holzretààwel üss’m 17. Joohrhundert un siinera Màdonnaschtàtüüta üss’m 14. Joohrhundert àls Ainzelwark bii da Histoorischa Dankmooler klàssifiziart, wo-n-a nàzionààla Bediitung hann.[5] Üsserdam sìnn ìn dr Kìrìch a Hüüfa Objakta, wo jewills àls Ainzelwark bii da Histoorischa Dankmooler iig’schtuuft sìnn, wo-n-a regionààla Bediitung hann: dr Kommünioonstìsch üss Schmììdiisa vum 18. Joohrhundert,[6] dr schtainiga Tàuifbäcka mìt siinera Kupferdäcka üss’m 18. Joohrhundert,[7] dr holziga Biichschtüahl üss’m 17. Joohrhundert,[8] d’ Holzschtàtüüta vu dr Màdonna mìt’m Jesüskìnd üss’m 18. Joohrhundert,[9] d’ Schtaischtàtüüta vum hl. Niklàuis üss’m 15. Joohrhundert[10] so wia d’ Holzschtàtüüta vum hl. Sebàstiààn üss’m 17. Joohrhundert.[11]
- àm Hììgel zwìscha Corroy un Connantre schteht a Wìndmììhla üss’m 19. Joohrhundert
- àm Büürahoof La Colombière ìsch s’ Hooftoor zamma mìt’m Düüwahüüs bii da Histoorischa Dankmooler iig’schtuuft, wo-n-a regionààla Bediitung hann.[12]
d’ Mària-Geburts-Kìrìch
a àndra Sìcht vu dr Kìrchafàssààda
unter’m Duurchàng vu dr Màriakìrìch
dr Duurchgàng vu dr Màriakìrìch
s’ Wäschtportààl vu dr Màriakìrìch
àn dr Iifàhrt zem Dorf
s’ „Büachkaschtla“ àm Roothüüsplàtz
Lìteràtüür zem Dorf
[ändere | Quälltäxt bearbeite]- Florent Brisson: Histoire de Corroy. Reims 2002, ISBN 2-9519255-0-6 (französisch, 152 S.).
- Florent Brisson: L’église Notre-Dame de Corroy. In: Du pays Sézannais. Nr. 4, Dezember 2002, S. 41–45 (französisch).
- A. Brisson: Sépultures gauloises de Corroy (Marne). In: Bulletin de la Société archéologique champenoise. Band 29, 1935, S. 85–91 (französisch).
Lüag àui
[ändere | Quälltäxt bearbeite]Weblìnks
[ändere | Quälltäxt bearbeite]
- Schtàtistik züa dr G’mainda Corroy biim INSEE (frànzeesch)
- Informàzioona züa dr G’mainda Corroy ìn dr Dààtabànk vu dr LdH/EHESS/Cassini (frànzeesch)
- Informàzioona züa dr G’mainda Corroy ìm Informàzioonsportààl BANATIC vum frànzeescha Ìnnaminìschteerium (frànzeesch)
Ainzelnoohwiisa
[ändere | Quälltäxt bearbeite]- ↑ Auguste Longnon: Dictionnaire topographique de la Marne. Pàriis 1891, S. 76 (französisch, cths.fr [abgerufen am 21. Februar 2026]).
- ↑ Ernest Nègre: Toponymie générale de la France. Band 2. Droz, Gämf 1996, S. 1232 (französisch).
- 1 2 Dia Informàzioona sìnn üss’m Àrtìkel Corroy ìn dr hoochdiitscha Wikipedia ìwwernumma worra.
- ↑ Église ìn dr Base Mérimée vum frànzeescha Kültüürminìschterium (frànzeesch)
- ↑ autel, retable, statue (maître-autel) : Vierge à l'Enfant ìn dr Base Mérimée vum frànzeescha Kültüürminìschterium (frànzeesch)
- ↑ clôture de choeur (table de communion) ìn dr Base Palissy vum frànzeescha Kültüürminìschterium (frànzeesch)
- ↑ fonts baptismaux et leur couvercle ìn dr Base Palissy vum frànzeescha Kültüürminìschterium (frànzeesch)
- ↑ confessionnal ìn dr Base Palissy vum frànzeescha Kültüürminìschterium (frànzeesch)
- ↑ statue : Vierge à l'Enfant ìn dr Base Palissy vum frànzeescha Kültüürminìschterium (frànzeesch)
- ↑ statue : Saint Nicolas ìn dr Base Palissy vum frànzeescha Kültüürminìschterium (frànzeesch)
- ↑ statue : Saint Sébastien ìn dr Base Palissy vum frànzeescha Kültüürminìschterium (frànzeesch)
- ↑ Ferme de la Colombière ìn dr Base Mérimée vum frànzeescha Kültüürminìschterium (frànzeesch)