Chepy
| Chepy | ||
|---|---|---|
| ||
| Region | Grand Est | |
| Département | Marne | |
| Arrondissement | Châlons-en-Champagne | |
| Kanton | Châlons-en-Champagne-3 | |
| Kommünàlverbànd | La Moivre à la Coole | |
| Koordinàte | 48° 54′ N, 4° 26′ O | |
| Heche | 82–148 m | |
| Flech | 8,68 km2 | |
| Iiwohner | 446 (1. Jänner 2020) | |
| Bevelkerungsdicht | 51 Iiw./km2 | |
| Code Postal | 51240 | |
| INSEE-Code | 51149 | |
| Dialäkt: Mìlhüüserdiitsch |
Chepy 
[ʃəpi](info) (uff Pikàrdisch Chpy)[1] ìsch a frànzeescha G’mainda mìt 446 Iiwoohner (Schtànd: 1. Januar 2020) ìm Département Marne ìn dr Regioon Grand Est (vor 2016 ìn dr Regioon Champagne-Ardenne). Sa g’heert zem Arrondissement Châlons-en-Champagne un zem Kàntoon Châlons-en-Champagne-3.
zem Dorfnàmma
[ändere | Quälltäxt bearbeite]Ìm Làuif vu dr G’schìcht hàt sìch dr Dorfnàmma-n-asoo uff Làtiinisch un Àltfrànzeesch, schpeeter uff Frànzeesch äntwìckelt:[2]
- Capeium (ànna 1107)
- Chapei (ànna 1171)
- Chepeium (ànna 1164/91)
- Chapis (ànna 1234/43)
- Chapi (um 1252)
- Chapeium, Chappi (um 1252)
- Chapey (ànna 1263)
- Chappeium (ànna 1263)
- Chappey (ànna 1296)
- Chapy (ànna 1338)
- Chepey (ànna 1349)
- Cheppy (ànna 1369)
- Cheppey (ànna 1383)
- Chaipi de lez Saint-Germain (ìm 14. Joohrhundert)
- Chepeyum (ànna 1405)
- Cheppeyum (ànna 1542)
- Chepeia (ànna 1775)
wu ’s lììgt
[ändere | Quälltäxt bearbeite]
s’ Gmaindagebiat vu Chepy
Chepy lììgt äbba sììwa Kilomeeter süüd-süüdeeschtlig vu Châlons-en-Champagne àm Fluss Moivre un àm Marne-Sittakànààl, wo doo ìn’ra Äntfaarnung vun äbba’ma Kilomeeter pàràlleel züa dr Marne verlàuifa. D’ G’mainda g’heert züa dr Làndwìrtschàftsregioon „Marne-Tààl“.[3]
D’ Noochberg’mainda vu Chepy sìnn Moncetz-Longevas ìm Norda un Nordwäschta, Courtisols ìm Nordoschta, Marson ìm Oschta un Nordoschta, Saint-Germain-la-Ville ìm Süüda un Süüdoschta, Mairy-sur-Marne ìm Süüdwäschta so wia Sogny-aux-Moulins ìm Wäschta.[4]
Dur d’ G’mainda fiahrt d’ Nàzionààlschtrooss 44.[4]
wia sìch d’ Beveelkerung äntwìckelt hàt
[ändere | Quälltäxt bearbeite]| Joohr | 1962 | 1968 | 1975 | 1982 | 1990 | 1999 | 2006 | 2011 | 2018 |
|---|---|---|---|---|---|---|---|---|---|
| Iiwoohner | 243 | 248 | 296 | 348 | 351 | 337 | 374 | 417 | 430 |
| Kwalla: Cassini un INSEE | |||||||||
wàs doo z’ sah ìsch
[ändere | Quälltäxt bearbeite]- d’ reemisch-kàthoolischa Kìrìch vum hl. Johànnis em Taifer siinera Änthàuiptung (église de la Décollation-de-Saint-Jean-Baptiste).[4] D’rìnn sìnn zwai Kunschtwark jewills àls Ainzelobjakta bii da Histoorischa Dankmooler klàssifiziart, wo-n-a nàzionààla Bediitung hann: dr raachta Sitta-n-àltààr üss’m 17. Joohrhundert mìt siim Uffsàtz un em G’mäld vum Jesüs Krìschtüs siinera Daifeta (Eelfàrb uff Liinwànd)[5] so wia dr lìnka Sitta-n-àltààr üss’m 17. un 18. Joohrhundert mìt siim Uffsàtz un da dräi Schtàtüüta (era Schtàtüüta vum hl. Johànnis em Taifer un zwai àndra vu da Angel, wo düan batta).[6] Üsserdam sìnn ìn dr Kìrìch viar Kunschtwark jewills àls Ainzelobjakta bii da Histoorischa Dankmooler iig’schtuuft, wo-n-a regionààla Bediitung hann: dr schtainiga Tàuifbäcka üss’m 17. Joohrhundert mìt siina zwai Kupferdäckel,[7] d’ Schtaischtàtüüta vu dr Màdonna mìt’m Jesüskìnd üss’m 17. Joohrhundert,[8] s’ vergulda Holzkrüzifix üss’m 17. Joohrhundert[9] so wia-n-a vergulda Prozässioonsschtààb üss Metàll un Mässìng vum 19. Joohrhundert mìt’m hl. Eligius d’ruff.[10]
- a Kriagerdankmool, fìr d’ Soldààta üss’m Dorf eehra, wo ìm Äärschta Waltkriag ums Laawa kumma sìnn
-
ìm Dorfzäntrum uff dr Johànnisschtrooss (rue Saint-Jean) mìt dr Johànniskìrìch -
s’ Kriagerdankmol vor dr Johànniskìrìch -
s’ Roothüüs z’ Chepy -
a Waagkriiz üss’m Joohr 1863 mìt dr làtiinischa Iischrìft O Crux Ave Spes Unica („Griasst säjsch, o Kriiz, düü ainziga Hoffnung!“) -
a Füassbàllschpììlfald -
d’ „Griana Schtrooss“ (voie verte) äntlàng dr Marne, wumm’r kààt schpàziara odd’r Rààd fààhra -
a àndra Sìcht vu dr Griana Schtrooss -
d’ Pùmpiekàsarna z’ Chepy
Lìteràtüür zem Ort
[ändere | Quälltäxt bearbeite]- André Gerdeaux: La carrière de craie de Chepy à exploitation artisanale en Champagne Châlonnaise. In: Mémoires de la Société d'agriculture, commerce, sciences et arts du département de la Marne. Band 97, 1982 (französisch).
- André Bienaimé: La craie à Chepy (= Folklore de Champagne. Band 84). 1983 (französisch, 32 S.).
Lüag àui
[ändere | Quälltäxt bearbeite]Weblìnks
[ändere | Quälltäxt bearbeite]
Commons: Chepy – Sammlig vo Multimediadateie- d’ offiziälla Websitta vu dr G’maindaverwàltung (frànzeesch)
- Schtàtistik züa dr G’mainda Chepy biim INSEE (frànzeesch)
- Informàzioona züa dr G’mainda Chepy ìn dr Dààtabànk vu dr LdH/EHESS/Cassini (frànzeesch)
- d’ G’mainda Chepy biim Informàzioonsportààl BANATIC vum frànzeescha Ìnnaminìschteerium (frànzeesch)
- Schtàtistischa Dààta züa dr G’mainda Chepy, wo düü kààsch ufflààda bii data.gouv.fr (frànzeesch)
- a Online-Kàrta vu Chepy bii Géoportail (frànzeesch)
Ainzelnoohwiisa
[ändere | Quälltäxt bearbeite]- ↑ Dia Informàzioona sìnn üss’m Àrtìkel Chepy ìn dr anglischa Wikipedia ìwwernumma worra.
- ↑ Auguste Longnon: Dictionnaire topographique de la Marne. Pàriis 1891, S. 65 (französisch, cths.fr).
- ↑ DRAAF Grand Est (Hrsg.): Fiche territoriale synthétique RA 2020 « VALLEE DE LA MARNE ». 1. August 2024 (französisch, gouv.fr [abgerufen am 19. September 2025]).
- ↑ 4,0 4,1 4,2 Dia Informàzioona sìnn üss’m Àrtìkel Chepy ìn dr hoochdiitscha Wikipedia ìwwernumma worra.
- ↑ PM51000286 ìn dr Base Palissy vum frànzeescha Kültüürminìschterium (frànzeesch)
- ↑ autel, retable, 3 statues : Saint Jean-Baptiste, Anges adorateurs (autel secondaire nord) ìn dr Base Palissy vum frànzeescha Kültüürminìschterium (frànzeesch)
- ↑ fonts baptismaux avec deux couvercles ìn dr Base Palissy vum frànzeescha Kültüürminìschterium (frànzeesch)
- ↑ statue : Vierge à l'Enfant ìn dr Base Palissy vum frànzeescha Kültüürminìschterium (frànzeesch)
- ↑ statue : Christ en croix ìn dr Base Palissy vum frànzeescha Kültüürminìschterium (frànzeesch)
- ↑ bâton de procession et sa statue (statuette) : Saint Eloi ìn dr Base Palissy vum frànzeescha Kültüürminìschterium (frànzeesch)