Carmen Stadler
D Carmen Stadler (* 1. Septämber 1978 z Dielsdorf ZH)[1] isch e Schwyzer Filmmacheri, Draibuechautoori un Reschiseeri. Si schafft in dr Inträsseverdrättig vu Schwyzer Filmschaffende.
Lääbe
[ändere | Quälltäxt bearbeite]D Carmen Stadler het iri Grunduusbildig im Fotofach un in dr Fotografy gmacht. Derno het si Videokiirs im Franz Reichle gmacht un het bi sym Dokumäntaarfilm Monte Grande - what is life? assischtiert[2]. Anne 2002 het si e Filmstuudium an dr Hoochschuel vub dr Chinscht z Züri (ZHdK) aagfange, wu si mit em Chuurzfilm Nachtflattern abgschlosse het.[3][4] Nachtflattern isch an verschiideni internazionaali Filmfeschtiwäl yyglaade un mit verschiidene Bryys uuszaichnet woore (u. a. Pardino d’Oro fir dr bescht Schwyzer Chuurzfilm am Locarno Film Festival[5], dr Noowugsbryys vu dr Suissimage/SSA un d Breemie fir dr erfolgryychscht Zürcher Chuurzfilm[6]). D Jury vum Filmfeschtiwäl Locarno het as Grund fir dr Bryys aagee: Für den klaren Blick auf die Beziehung eines Paares in Momenten des Zweifels und der Zärtlichkeit.[7]
In dr Zyt vum Stuudium het si Wyterbildige in Reschy, Draibuech un Schauspiil bim Stephan Teuwissen gmacht[8]. Doodrus isch e langjeerigi Zämenaarbet woore.
Syt 2008 schafft si as freii Draibuechautoori, Filmreschiseeri un Editoori un entwicklet Treatments un Draibiecher. Anne 2011 het si mit dr Langfilm Produktion dr Churzfilm reduit realisiert, wu am Locarno Film Festival uurufgfiert wooren isch.[9][10]
Dr Langspiilfilm Sekuritas, wu si fir s Draibuech, d Reschy un dr Schnitt verantwoortli gsii isch, het si mit dr Abrakadabra Films AG realisiert[11][12]. Dr Film het syni Premieere 2019 am PÖFF Black Lights Festival Tallinn im Wettbewäärb «Rebels with a Cause» gfyyrt.
As Kamerafrau het si u. a. zämegschafft mit em Clemens Klopfenstein, dr Eva Vitija, em Patrick Klötzli un em Tobias Meier.[13]
Si isch Voorstandsmitgliid vum Verband Filmreschy un Draibuech Schwyz ARF/FDS[14] un Schwyzer Delegierti bi dr FERA (Federation of European Film Directors).
Uusglääseni Filmografy
[ändere | Quälltäxt bearbeite]- 2002: Spuren des Alltags (Experimäntaalfilm)
- 2005: Ungeboren (Chuurzspiilfilm)
- 2006: Nachtflattern (Chuurzspiilfilm, Ko-Draibuech, Reschy, Ko-Montaasch)
- 2011: reduit (Chuurzfilm, Ko-Draibuech, Reschy, Ko-Montaasch)
- 2012: Beobachtungen in Seitenlage (Chuurzfilm, Kamera, Reschy, Montaasch)
- 2017: Ariel
- 2018: Das Ächzen der Asche (Ko-Kamera)
- 2019: Sekuritas (Draibuech, Reschy, Ko-Montaasch)
Uuszaichnige
[ändere | Quälltäxt bearbeite]- 2020: Schwyzer Filmbryys, Speziaalbryys fir Ernst Brunner fir Sekuritas [15]
- 2018: Kultuurbrozänt Waalverwandtschafte[16]
- 2016: Bryys vu dr Hibou Stiftig fir Sekuritas [17]
- 2007: Schwyzer Noowugsbryys vu dr Suissimage/SSA fir Nachtflattern
- 2007: Nominierig Schwyzer Filmbryys as Beschte Chuurzfilm fir Nachtflattern [18]
- 2007: Cadrage. Succès Zürich Prämie fir dr erfolgryychscht Zürcher Chuurzfilm fir Nachtflattern.[6]
- 2006: 59 Intern. Filmfestival Locarno - Pardino D’Oro, Beschte Schwyzer Chuurzfilm fir Nachtflattern[19]
Weblink
[ändere | Quälltäxt bearbeite]- Carmen Stadler in dr Internet Movie Database
- Carmen Stadler bi swissfilms.ch
- Websyte vu dr Carmen Stadler
Fueßnote
[ändere | Quälltäxt bearbeite]- ↑ SWISS FILMS: Carmen Stadler. Abgruefen am 22. Juni 2020.
- ↑ Monte Grande. Abgruefen am 22. Juni 2020.
- ↑ ZHdK-Zürcher Hochschule der Künste: Film studieren | ZHdK.ch. Abgruefen am 22. Juni 2020.
- ↑ SWISS FILMS: Nachtflattern. Abgruefen am 22. Juni 2020.
- ↑ Le palmarès du 59e Festival de Locarno. In: Le Temps. 14. August 2006, ISSN 1423-3967 (letemps.ch [abgerufen am 22. Juni 2020]).
- 1 2 CADRAGE - Auszeichnungen und Filmpreise / 2007. Abgruefen am 22. Juni 2020.
- ↑ PALMARES DU 59ÈME FESTIVAL INTERNATIONAL DU FILM DE LOCARNO. In: bongusto.org. Abgruefen am 22. Juni 2020.
- ↑ ZHdK-Zürcher Hochschule der Künste: Stephan Teuwissen | ZHdK.ch. Abgruefen am 22. Juni 2020.
- ↑ Film-Produktionen. Abgruefen am 22. Juni 2020.
- ↑ SWISS FILMS: Reduit. Abgruefen am 22. Juni 2020.
- ↑ Carmen Stadler filme. Abgruefen am 22. Juni 2020.
- ↑ Abrakadabra Video- und Filmproduktion Zürich. Abgruefen am 22. Juni 2020.
- ↑ Tobias Meier. Abgruefen am 22. Juni 2020.
- ↑ ARF/FDS |. Abgruefen am 22. Juni 2020 (de-DE).
- ↑ © Bundesamt für Kultur: Spezialpreis der Akademie 2020. Abgruefen am 22. Juni 2020.
- ↑ Erbprozent Kultur. Abgruefen am 22. Juni 2020 (de-DE).
- ↑ 2016 – Hibou Stiftung. Abgruefen am 22. Juni 2020 (Schwiizer Hochtüütsch).
- ↑ Nominationen für den Schweizer Filmpreis. Abgruefen am 22. Juni 2020.
- ↑ Le palmarès du 59e Festival de Locarno. In: Le Temps. 14. August 2006, ISSN 1423-3967 (letemps.ch [abgerufen am 22. Juni 2020]).
 |
Dä Artikel basiert uff ere fräie Übersetzig vu dere Version vum Artikel „Carmen_Stadler“ vu de dütsche Wikipedia. E Liste vu de Autore un Versione isch do z finde. |