Zum Inhalt springen

Carmen Jaquier

Us der alemannische Wikipedia, der freie Dialäkt-Enzyklopedy

D Carmen Jaquier (* 1985 z Gämf) isch e Schwyzer Filmreschiseeri un -autoori.

Lääbe

[ändere | Quälltäxt bearbeite]

D Jaquier het Graafikeri gleert un druf Film an dr École cantonale d’art de Lausanne (écal) studiert, anne 2011 het si mit em Bachelor abgschlosse. Si het drei Joor as Reschiseeri gschafft un derno e Master an dr écal un an dr Haute école d’art et de design (HEAD) z Gämf Beraich Draibuechschryybe gmacht.[1]

Ire Abschlussfilm, dr Chuurzfilm Le Tombeau des filles, isch anne 2011 am Locarno Film Festival urufgfiert un mit em Pardino d’argento uuszaichnet woore.[2][3] 2015 isch au La Rivière sous la langue im Chuurzfilmwettbewäärb z Locarno zaigt woore.[4]

Si gheert zue dr Gruppe vu zee Reschiseer*ne vum kollektiive Spiilfilm Heimatland, wu 2015 z Locarno ufgfiert wooren isch.[5]

D Carmen Jaquier isch im Joor 2018 Bryysdreegeri vum Suissimage-Kultuurbryys gsii. Si het där Bryys mir dr franzeesisch-schwyzerische Reschiseeri Ursula Meier dailt. Dr Bryys het si mit 400'000 CHF in dr Häärstellig vu iirem eerschte lange Spiilfilm Foudre (Thunder) unterstitzt.[6] Dr Film isch anne 2022 feertiggstellt woore un het sy Premiere am Toronto International Film Festival gfyyrt.[7] D Schwyz het där Film as Byydraag fir d Kategory beschte internazionaale Film fir dr Oscar 2024 uusgweelt.[8]

Um des Zyt het si mit em Reschiseer un Paartner Jan Gassman an eme andere lange Spiilfilm, Les paradis de Diane (2024), gschafft, wu s um e Frau goot, wu ire Chind un däm sy Vater no dr Entbindig verlosst.[9][10] D Jaquier isch im Glauben ufgwagse, ass es ire Schicksal as Frau wäär irgedwänn Mueter z gee. Friejer sdei si nie uf d Idee chuu, des z hinterfrooge. Si un dr Gassmann heebe gaant, ass es e dunkli Syte vu dr Mueterschaft geeb un des heeb s inträssiert.[11] Les paradis de Diane isch im Jänner 2024 as Ereffnigsfilm an de Soledurner Filmdääg zaigt woore; di internazionaal Premiere isch im Februar 2024 an de Berlinale in dr Sekzioon Panorama gsii.[12][13]

In ire Filmografy inszeniert d Carmen Jaquier e wyybligi Wält, wu si dur iri aigene Daarstellige illuschtriert un wu si ne wyyblige Blickwinkel bietet, wu wyt ewäg isch vu dr Kuntroll dur männligi Bschryybige. Si stellt d Verwandlig vu junge Maidli in Fraue daar, zaigt di wyybli Sexualiteet un zyygt vu dr Kunschtrukzioon vu dr wyyblige Identiteet.[14]

Filmografy

[ändere | Quälltäxt bearbeite]
  • 2004: Bouffe-moi
  • 2010: Ça ne veut pas dire que je ne t’aime pas
  • 2011: Le Tombeau des filles
  • 2013: Le Bal des sirènes
  • 2015: La Rivière sous la langue
  • 2015: Heimatland
  • 2016: Plante un poète
  • 2022: Foudre (Thunder)
  • 2024: Les paradis de Diane

Uuszaichnige

[ändere | Quälltäxt bearbeite]
  • Locarno Film Feschtiwäl: Silver Pardino – Leopards of Tomorrow fir Le Tombeau des filles, 2011
  • Züri Film Feschtiwäl: Zurich Film Award fir Heimatland, 2015
  • Feschtiwäl Max Ophüls Bryys 2016: Bryys fir dr soziaal relewanteschte Film fir Heimatland, 2016
  • Züri Film Feschtiwäl: Kritikerbryys un Bryys vu dr Zürcher Chilche fir Foudre, 2022[15]
  • Internazionaal Filmfeschtiwäl Marrakech: Bryys fir di bescht Reschy fir Foudre, 2022[16]
  • Schwyzer Filmbryys: Beschte Spiilfilm (Nominierig) fir Foudre, 2023[17]
[ändere | Quälltäxt bearbeite]

Fueßnote

[ändere | Quälltäxt bearbeite]
  1. ↑ Meet the Talent: Carmen Jaquier. Kino Xenix, abgruefen am 14. Dezember 2022.
  2. ↑ Le Tombeau des filles. Locarno Film Festival, abgruefen am 19. April 2023 (änglisch).
  3. ↑ Michael Sennhauser: Locarno 11: Die Preise. In: Sennhausers Filmblog. Abgruefen am 19. April 2023.
  4. ↑ Carmen Jaquier. Locarno Film Festival, abgruefen am 14. Dezember 2022 (änglisch).
  5. ↑ Heimatland. Locarno Film Festival, abgruefen am 14. Dezember 2022 (änglisch).
  6. ↑ Ursula Meier und Carmen Jaquier gewinnen den Suissimage-Kulturpreis. In: Cinébulletin. 6. August 2018, abgruefen am 14. Dezember 2022.
  7. ↑ Thunder / Foudre. TIFF, abgruefen am 14. Dezember 2022 (änglisch).
  8. ↑ «Foudre» soll für die Schweiz einen Oscar holen. In: srf.ch. 4. August 2023, abgruefen am 4. August 2023.
  9. ↑ Carmen Jaquier. In: Cinéforom. Abgruefen am 14. Dezember 2022.
  10. ↑ Carmen Jaquier, Mariama Balde: Les arcanes d’un scénario. In: Issue. 18. Juni 2021, abgruefen am 14. Dezember 2022 (französisch).
  11. ↑ Jacqueline Krause: Der Schweizer Film «Les Paradis de Diane» beleuchtet die dunkle Seite der Mutterschaft. 14. März 2024, abgruefen am 1. Oktober 2024.
  12. ↑ CINEBULLETIN: Spielfilm «Les paradis de Diane» eröffnet 59. Solothurner Filmtage - CINEBULLETIN. Abgruefen am 3. Januar 2024.
  13. ↑ Les Paradis de Diane | Paradises of Diane. Berlinale, abgruefen am 3. Januar 2024.
  14. ↑ Giorgia Del Don: Review: Thunder. In: Cineuropa. 12. September 2022, abgruefen am 14. Dezember 2022 (änglisch).
  15. ↑ Regisseurin Carmen Jaquier über ihren Gewinnerfilm «Foudre». Katholische Kirche im Kanton Zürich, 12. Oktober 2011, abgruefen am 14. Dezember 2022.
  16. ↑ La réalisatrice suisse Carmen Jaquier primée à Marrakech pour son film «Foudre». Radio Télévision Suisse, 21. November 2022, abgruefen am 14. Dezember 2022 (französisch).
  17. ↑ Nominationen 2023 Schweizer Filmpreis. In: quartz.ch. Abgruefen am 19. März 2023.
Dä Artikel basiert uff ere fräie Übersetzig vu dere Version vum Artikel „Carmen_Jaquier“ vu de dütsche Wikipedia. E Liste vu de Autore un Versione isch do z finde.
Vun "https://als.wikipedia.org/w/index.php?title=Carmen_Jaquier&oldid=1065405"