Canal de l’Aisne à la Marne

Dialäkt: Mìlhüüserdiitsch

Dr Aisne-Marne-Kànààl (uff Frànzeesch canal de l’Aisne à la Marne) ìsch a frànzeescher Kànààl, wo ìn da Regioona Hauts-de-France un Grand Est verlàuift, un wumm’r d’ruff mìt’m Schìff kààt fààhra.

Geogràfii

Dr Kànààl verbìndet d’ Taaler vu da Flìss Aisne un Marne un ìsch Tail vu’ma Bìnnawàsserwaag, wo s’ Mìttelmeer ìwwer Rhône un Saône mìt Nordwäschtfrànkrììch un Belgia verbìndet. Dia Schträcka b’schteht üss daana Wàsserwaaga doo:

• dr Kànààl zwìscha Champagne un Burgund
• dr Marne-Sittakànààl
• dr Aisne-Marne-Kànààl
• dr Aisne-Sittakànààl
• dr Oise-Aisne-Kànààl

Verlàuif un täcknischa Ìnfràschtrüktüür

Dr Aisne-Marne-Kànààl fàngt bii Berry-au-Bac ìm Aisne-Departement (àm Punkt mìt da Koordinààta 49° 23′ 56″ N, 3° 54′ 19″ O49.3988888888893.9052777777778) àà, wo-n-’r vum Aisne-Sittakànààl àbzwiigt. Ar ìsch aigantlig a Wàsserschaidakànààl“, siina Schaitelhàltung duurakweert dr Mont Billy ìn’ma Tunnel, wo 2,3 Kilomeeter làng ìsch, biim Ort Billy-le-Grand. Dr Heecha-n-unterschììd vum Aisne-Tààl ìsch um 40 Meeter g’laaga un hàt 16 Schliasa, där zem Marne-Tààl ìsch um Meeter g’laaga un hàt 8 Schliasa. Zwìscha Reims un Sept-Saulx velàuift dr Kànààl pàràlleel zem Fluss Vesle. Dr Kànààl ìsch ìnsg’sàmt 58 Kilomeeter làng un mìndet bii Condé-sur-Marne ìm Zäntrum vum Département Marne (àm Punkt mìt da Koordinààta 49° 2′ 31″ N, 4° 10′ 54″ O49.0419444444444.1816666666667) ìn dr Marne-Sittakànààl.

• 
  z’ Berry-au-Bac mìt’ma Arntgehälter
• 
  dr Schliasa Nr. 1 z’ Berry-au-Bac
• 
  dr Schliasa Nr. 2 z’ Cormicy
• 
  dr Tunnel vum Mont Billy
• 
  dr Schliasa Nr. 7 „Les Fontaines“ z’ Loivre
• 
  z’ Courmelois
• 
  d’ Glààsbloosaräi z’ Courcy biim Kànààl
• 
  a Schtroossabrucka uff’m Kànààl àn dr Granz zwìscha Saint-Brice-Courcelles un Reims
• 
  d’ Glààsbloosaräi Charbonneaux biim Kànààl z’ Reims
• 
  dr Hààfa z’ Sillery
• 
  a Schliasa z’ Isse
• 
  z’ Condé-sur-Marne
• 
  dr Schliasa Nr. 24 z’ Condé-sur-Marne
• 
  z’ Condé-sur-Marne, wu dr Aisne-Marne-Kànààl ìn dr Marne-Sittakànààl iimìndet

G’schìcht

Dr Kànààl ìsch ànna 1886 fìr d’ Schìffààhrt g’äffnet worra. Ar fliasst dur a Gebiat, wo-n-ìm Äärschta Waltkriag schwaara Kampfa schtàttg’funda hann (Cote 108, Mììhla vu Sapigneul). Dr Tunnel vum Mont Billy, wu dr Kànààl drìnn verlàuift, hàt m’r ìm Kriag àls Schutzdàch fìr G’schìtza b’nutzt, wo uff Schìffa uffbàuija gsìì sìnn.

Lìteràtüür zem Theema

• David Edwards-May, Binnengewässer Frankreichs, 5. Ufflààg, Verlààg Edition Maritim, Hamburg 1997, ISBN 3-922117-61-9
• Navicarte Guide de navigation fluvial - n° 8, Jüüli 2005, Edition Grafocarte, ISBN 2-7416-0162-3

Weblìnks

 Commons: Canal de l’Aisne à la Marne – Sammlig vo Multimediadateie

• Canal de l’Aisne à la Marne. In: Structurae.
• Informàzioona zem Kànààl ìm Projet Babel (frànzeesch)
• Tourìschmus àm Kànààl (hoochdiitsch)

Ainzelnoohwiisa

Dä Artikel basiert uff ere fräie Übersetzig vu dere Version vum Artikel „Canal_de_l’Aisne_à_la_Marne“ vu de hochdütsche Wikipedia. E Liste vu de Autore un Versione isch do z finde.