Breuvery-sur-Coole

Breuvery-sur-Coole
Breuvery-sur-Coole (Frankreich) Breuvery-sur-Coole
Region	Grand Est
Département	Marne
Arrondissement	Châlons-en-Champagne
Kanton	Châlons-en-Champagne-3
Kommünàlverbànd	La Moivre à la Coole
Koordinàte	48° 52′ N, 4° 19′ O48.8613888888894.3136111111111
Heche	92–144 m
Flech	10,06 km2
Iiwohner	215 (1. Jänner 2020)
Bevelkerungsdicht	21 Iiw./km2
Code Postal	51240
INSEE-Code	51087

Dialäkt: Mìlhüüserdiitsch

Breuvery-sur-Coole [bʁœvʁi syʁ kɔl] ìsch a frànzeescha G’mainda mìt 215 Iiwoohner (Schtànd: 1. Januar 2020) ìm Département Marne ìn dr Regioon Grand Est (bis 2015 ìn dr Regioon Champagne-Ardenne). Sa g’heert zem Arrondissement Châlons-en-Champagne un zem G’maindaverbànd La Moivre à la Coole.

zem Dorfnàmma

Ìm Làuif vu dr G’schìcht hàt sìch dr Dorfnàmma-n-asoo uff Làtiinisch un Àltfrànzeesch, schpeeter uff Frànzeesch äntwìckelt:

• Brevereium (ànna 1163)
• Breveriæ (ànna 1165)
• Berverei (um 1165)
• Bervereium (vor 1190)
• Breverium (um 1277)
• Breverey (ànna 1296)
• Bruvreyum (ànna 1405)
• Brev[er]ay (ànna 1556)

Dr Nàmma Breuvery schtàmmt üss’m Oïl-Wort *breuverei odd’r *breuveroi, wo „Haidafald“ bediitet. D’ Haidakrütta nännt m’r aigantlìg bruyère [bʁɥijɛʁ] ìm hìttiga Frànzeescha.

D’ Dorfbewoohner nännt m’r hìtt Breuvetiots [bʁœvtjo] (fìr d’ Manner) un Breuvetiotes [bʁœvtjɔt] uff Frànzeesch.

wu ’s lììgt

Breuvery-sur-Coole lììgt älf Kilomeeter süüdlig vu Châlons-en-Champagne un äbba 52 Kilomeeter süüdeeschtlig vu Reims àn dr Coole, ema Naawafluss vu dr Marne ìn dr Trockana Champagne. Umgaa wìrd Breuvery-sur-Coole vu da Noochberg’mainda Nuisement-sur-Coole ìm Norda un Wäschta, Écury-sur-Coole ìm Nordoschta, Saint-Quentin-sur-Coole ìm Oschta, Bussy-Lettrée ìm Süüda, Vatry ìm Süüdwäschta so wia Soudron ìm Wäschta un Süüdwäschta.

wia sìch d’ Beveelkerung äntwìckelt hàt

Joohr	1962	1968	1975	1982	1990	1999	2006	2011	2018
Iiwoohner	106	87	76	150	188	200	204	208	217
Kwalla: Cassini un INSEE

wàs doo z’ sah ìsch

• àm Ortsnàmma La Potence lììgt a Nekropoola üss dr La Tène-Zitt
• d’ reemisch-kàthoolischa Mària-Geburts-Kìrìch (église de la Nativité-de-la-Sainte-Vierge). D’rìnn ìsch s’ fàrwiga Holzkrüzifix üss’m 16. Joohrhundert àls Ainzelwark bii da Histoorischa Dankmooler iig’schtuuft, wo-n-a regionààla Bediitung hann. Üsserdam ìsch s’ Antependium vum Mària-n-àltààr (Eelfàrb uff Holz, 18. Joohrhundert), wo d’ruff a Düüwa vum Hailiggaischt dààrschtällt ìsch, àls Ainzelwark bii da Histoorischa Dankmooler klàssifiziart, wo-n-a nàzionààla Bediitung hann.
• a Kriagerdankmool, fìr d’ Soldààta üss’m Dorf eehra, wo ìm Äärschta Waltkriag ums Laawa kumma sìnn.

• 
  d’ Mària-Geburts-Kìrìch mìt’m Frììdhoof d’rumm umma
• 
  s’ Nordportààl vu dr Mària-Geburts-Kìrìch
• 
  dr Schìff vu dr Mària-Geburts-Kìrìch
• 
  dr Àltààr züa dr hl. Jumpfra Mària ìn dr Dorfkìrìch
• 
  s’ Kriagerdankmool vum Äärschta Waltkriag
• 
  àm Lìndaplàtz (place des Tilleuls)

wìchtiga Litt üss’m Dorf

• dr Bàuiplàànzaichner Narcisse Brunette (1808–1895) ìsch z’ Breuvery-sur-Coole uff d’ Walt kumma. Ar hàt vor àllem z’ Reims g’wìrkt un ìsch därt g’schtoorwa.

Lìteràtüür zem Dorf

• Anne-Marie Lévêque-Casal: Mémoires de sept villages de la vallée de la Coole : Écury-sur-Coole, Nuisement-sur-Coole, Breuvery-sur-Coole... A.-M. Lévêque-Casal, Châlons-en-Champagne 2013, ISBN 978-2-7466-6702-0 (französisch, 413 S., Iigschränkti Vorschau uf books.google.de). 
• A. Thiérot: Nécropole gauloise de Breuvery (Marne). Époque marnienne. In: Mémoires de la Société d’agriculture, commerce, sciences et arts du département de la Marne. Band 20, 1924, S. 381–392 (französisch). 
• A. Thiérot: Nécropole gauloise de Breuvery (Marne). Époque marnienne. Impr. du Journal de la Marne, Châlons-sur-Marne 1925 (französisch, 14 S.). 
• Michel Dhénin: Le trésor monétaire de Breuvery-sur-Coole (Marne). In: Comptes rendus des séances de l’Académie des Inscriptions et Belles-Lettres. Band 133, Nr. 3, 1989, S. 811–823 (französisch). 
• Émile Schmit: Contribution à l’étude de la numismatique carolingienne découverte à Breuvery, Canton d’Écury-sur-Coole (Marne), au lieu-dit la Tombelle d’une sépulture dans laquelle furent recueillis douze deniers de Charlemagne et trois deniers de Louis 1er, roi d’Aquitaine. Imprimerie Chaix, Pàriis 1921 (französisch, 8 S., daa B’rìcht ìsch àm 27. Jüüli 1920 uff’m Kongrass vum Frànzeescha Verain fìr dr Forschrìtt vu da Wìssaschàfta z’ Schtroossburi vorg’schtällt worra). 
• Henri Menu: Notice biographique sur Edme Baugier, seigneur de Breuvery et d’Ante. In: Journal de la Marne. Impr. de T. Martin, 20. September 1865 (französisch, 15 S.). 
• Henri Menu: Étude biographique et littéraire sur Edme Baugier seigneur de Breuvery et d’Ante, conseiller du roi. J.-L. Leroy, Châlons-sur-Marne (französisch, 347 S.). 

Lüag àui

• d’ Lischta vu da G’mainda ìm Département Marne

Weblìnks

 Commons: Breuvery-sur-Coole – Sammlig vo Multimediadateie

• Schtàtistik züa dr G’mainda Breuvery-sur-Coole biim INSEE (frànzeesch)
• Informàzioona züa dr G’mainda Breuvery-sur-Coole ìn dr Dààtabànk vu dr LdH/EHESS/Cassini (frànzeesch)
• d’ G’mainda Breuvery-sur-Coole ìm Informàzioonsportààl BANATIC vum frànzeescha Ìnnaminìschteerium (frànzeesch)
• a Online-Kàrta vu Breuvery-sur-Coole bii Géoportail (frànzeesch)
• Schtàtistischa Dààta züa dr G’mainda Breuvery-sur-Coole, wo düü kààsch ufflààda bii data.gouv.fr (frànzeesch)