Bouy

Bouy
	Bouy (Frankreich) Bouy
Region	Grand Est
Département	Marne
Arrondissement	Châlons-en-Champagne
Kanton	Mourmelon-Vesle et Monts de Champagne
Kommünàlverbànd	Châlons-en-Champagne
Koordinàte	49° 5′ N, 4° 21′ O49.0872222222224.3502777777778
Heche	104–152 m
Flech	22,46 km2
Iiwohner	562 (1. Jänner 2020)
Bevelkerungsdicht	25 Iiw./km2
Code Postal	51400
INSEE-Code	51078
Website	mairie-bouy.fr

Dialäkt: Mìlhüüserdiitsch

Bouy [bwi] ìsch a frànzeescha G’mainda mìt 562 Iiwoohner (Schtànd 1. Januar 2020) ìm Département Marne ìn dr Regioon Grand Est (vor 2016 ìn dr Regioon Champagne-Ardenne). D’ G’mainda g’heert zem Arrondissement Châlons-en-Champagne un zem Kàntoon Mourmelon-Vesle et Monts de Champagne.

wu dr Dorfnàmma haar ìsch

Ìm Làuif vu dr G’schìcht hàt sìch dr Dorfnàmma-n-asoo uff Làtiinisch un Àltfrànzeesch, schpeeter uff Frànzeesch äntwìckelt:

• Boxium (ànna 1116)
• Boeium (ànna 1116)
• Allodium Boyensis (ànna 1137)
• Boi (ànna 1133 un 1142)
• Boe (ànna 1147 un 1151)
• Boiacum (ànna 1164)
• Boixeum (ànna 1164)
• Boé-Boez (ànna 1270 un 1350)
• Boiacum (ànna 1164)
• Boyacum (ànna 1189)
• Boy (ànna 1218)

D’ Dorfbewoohner nännt m’r hìtt Busons [byzɔ̃] (fìr d’ Manner) un Busonnes [byzɔn] (fìr d’ Fràuija) uff Frànzeesch.

wu ’s lììgt

Bouy lììgt äbba 15 Kilomeeter neerdlig vum Schtàdtzäntrum vu Châlons-en-Champagne àm Fluss Vesle. Umgaa wìrd Bouy vu da Noochberg’mainda Livry-Louvercy ìm Norda un Wäschta, Mourmelon-le-Grand ìm Norda un Nordoschta, Vadenay ìm Oschta, La Neuville-au-Temple ìm Süüda un Süüdoschta, La Veuve ìm Süüda so wia Les Grandes-Loges ìm Süüdwäschta.

Dur dr G’maindabooda (süüdlig vum Dorf) fiahrt d’ Bààhnschträcka Châlons-en-Champagne–Reims.

wia sìch d’ Beveelkerung äntwìckelt hàt

Joohr	1962	1968	1975	1982	1990	1999	2006	2018
Iiwoohner	349	364	409	356	393	422	449	571
Kwalla: Cassini un INSEE

wàs doo z’ sah ìsch

• d’ reemisch-kàthoolischa Hilààriuskìrìch (église Saint-Hilaire) üss’m 12. Joohrhundert. D’rìnn sìnn d’ fàrwiga Schtaischtàtüüta vu dr Màdonna mìt’m Jesüskìnd üss’m 14. Joohrhundert so wia s’ Holzkrüzifix üss’m 16. Joohrhundert jewills àls Ainzelobjakta bii da Histoorischa Dankmooler klàssifiziart, wo-n-a nàzionààla Bediitung hann. Üsserdam sìnn d’ Holzschtàtüüta vu dr „Màdonna, wo mìt’m Jesüskìnd schteeht“ so wia d’ Holzschtàtüüta vum hl. Hilààrius (wo fàrwig g’fàsst un vergulda ìsch) jewills àls Ainzelobjakta bii da Histoorischa Dankmooler iig’schtuuft, wo-n-a regionààla Bediitung hann — baida Wark sìnn ìm 18. Joohrhundert haarg’schtällt worra.
• s’ Müsee Henri Guillaumet
• a Dankmool, fìr dr Henri Guillaumet eehra
• a Dankmool, fìr dr Luftfààhrtpioniar Henri Farman eehra
• a Kriagerdankmool, fìr d’ Soldààta üss’m Dorf eehra, wo ìm Äärschta Waltkriag uff d’ Walt kumma sìnn
• a Wàschhüüs, wo ànna 2021 b’schaadigt un ànna 2022 räschtoriart worra-n-ìsch.

• 
  d’ Hilààriuskìrìch
• 
  a àndra Sìcht vu dr Hilààriuskìrìch
• 
  s’ Wäschtportààl vu dr Hilààriuskìrìch
• 
  wämm’r ìm Kìrchaschìff schteeht
• 
  s’ Roothüüs- un Schüalgebäj
• 
  s’ Müsee Guillaumet
• 
  s’ Dankmool zem Henri Guillaumet
• 
  s’ Farman-Dankmool
• 
  s’ Kriagerdankmool vum Äärschta Waltkriag
• 
  s’ Wàschhüüs
• 
  ìm Wàschhüüs

Ortspàrtnerschàft

S’ Dorf Bouy schteeht ìn’ra Pàrtnerschàft mìt’m anglischa Dorf Everton ìn dr Grààfschàft Nottinghamshire.

wìchtiga Litt üss’m Dorf

• dr Luftfààhrtpioniar Henri Guillaumet (1902–1940) ìsch z’ Bouy uff d’ Walt kumma.

Lìteràtüür zem Dorf

• Claude Machet: Histoire de Bouy. 2008 (französisch, 75 S., dr Machet ìsch zwìscha 1983 un 1995 Bìrgermaischter vu Bouy gsìì). 
• Auguste Nicaise: Le cimetière gaulois des Varilles, commune de Bouy (Marne). 1884 (französisch, 50 S.). 
• René Grandilhon: Une grotte néolithique à Bouy. In: Revue archéologique de l’Est et du Centre-Est. Band IV, Nr. 4, Oktober 1953, S. 366–371 (französisch). 
• Daniel Chossenot, Michel Chossenot: Deux tombes de La Tène I à Bouy. In: Mémoires de la Société d’agriculture, commerce sciences et art du département de la Marne. XCV, 1980, S. 22–25 (französisch). 
• Daniel Chossenot, Michel Chossenot: Fosses-silos protohistoriques et vestiges d’habitat médiéval à Bouy, "Les Grands Bois" (Marne). In: Mémoires de la Société d’agriculture, commerce, sciences et art du département de la Marne. Band 98, 1982 (französisch). 
• Daniel Chossenot, Michel Chossenot, Georges Guiraud: Du moulage statuaire en archéologie : un exemple provenant de la nécropole de Bouy. In: Mémoires de la Société d’agriculture, commerce sciences et arts du département de la Marne. Band 95, 1980, S. 311–312 (französisch). 

Lüag àui

• d’ Lischta vu da G’mainda ìm Département Marne

Weblìnks

 Commons: Bouy – Sammlig vo Multimediadateie

• d’ Websitta vu dr G’maindaverwàltung (frànzeesch)
• Schtàtistik züa dr G’mainda Bouy biim INSEE (frànzeesch)
• Informàzioona züa dr G’mainda Bouy ìn dr Dààtabànk vu dr LdH/EHESS/Cassini (frànzeesch)
• d’ G’mainda Boy uff’m Portààl BANATIC vum frànzeescha Ìnnaminìschteerium (frànzeesch)
• Schtàtistischa Dààta züa dr G’mainda Bouy, wo düü kààsch ufflààda bii data.gouv.fr (frànzeesch)
• a Online-Kàrta vu dr G’mainda Bouy bii Géoportail (frànzeesch)