Benutzer Diskussion:B.A.Enz

Seiteninhalte werden in anderen Sprachen nicht unterstützt.
Us der alemannische Wikipedia, der freie Dialäkt-Enzyklopedy

Solly B.A.Enz un härzlig willchuu bi dr Alemannische Wikipedia!

Ich frai mi, ass Du zuen is gstosse bisch un bim Kanton Obwalde scho öbis zue däre Wikipedia bydrait hesch. Grad so Sache sin doo leider vilmool veraltet, wyl vili Syte nit regelmässig pflegt werde. Wänn De no Froge hesch, no chasch Di gärn an mi oder aine vu dr andere Nutzer wände oder d Syte Wikipedia:Hilfe konsultiere. Allgmaini Diskussione findsch uf em Stammtisch. Nitzlig isch au s Wikipedia-Portal.

Vil Spass bim Mitmache! --Terfili 19:25, 22. Apr. 2011 (MESZ)[Antwort gee]

Gsprocheni Artikel[Quälltäxt bearbeite]

Sali B.A.Enz! Ich wott frooge, ob du nit au emool Luscht dezue hättisch, eine vo dyne Artikel für d gsprocheni Wikipedia vorzläse. Mer wenn nämli immer wiider emool en Monet lang alli Artikel vo de Wuch uff de Hauptsyte au zum aaloose aabiete, un grad bi dym Dialäkt wär's doch e glatti Sach. Es muess jo kei lange Artikel sy, aber mindestens zwei Absätz wär natürli scho guet. Vili Griess, --Terfili 11:32, 2. Sep. 2011 (MESZ)[Antwort gee]

Hoi Terfili. Zerscht äinisch beschtä Dank fir dii frindlichi Begriässig vom 22. Abrellä. Dii Afraag vo hitt hed mich natiirlich gfräid, abr mii Schtimm isch nid äsoo gäigned fir nes Mikrofoon. Ich tuä mers abr äinisch uberleggä. – Nu ä Fraag: Gaasch dui a das Träffä z Luzärn vom neechschtä Mitwuch? Villicht chennt mä sich so kennäleerä? ----B.A.Enz 17:54, 2. Sep. 2011 (MESZ)[Antwort gee]
Sali B.A.Enz, jo ich chum uff Luzärn. Du au? --Terfili 14:20, 3. Sep. 2011 (MESZ)[Antwort gee]
Hoi Terfili. Ich has ämel im Si – wenns ä chlii dinnä liid, chum i cho inä luägä. ----B.A.Enz 17:22, 3. Sep. 2011 (MESZ)[Antwort gee]
Sali B.A.Enz, schön dich geschtre kenneglehrt z ha. Mir isch gar nit klar gsi, dass du myni Rächnig zaalt hesch bis i han welle zaale. Des wär jo nit nötig gsi, aber merci vilmool! Ich versto jetz aber nit worum de meinsch, dyni Stimm wär für e Uffnaam vumene Artikel nit geignet. Mer sin jo alles kei professioneli Radiosprecher. Vili Griess, --Terfili 19:22, 8. Sep. 2011 (MESZ)[Antwort gee]
Gärä gschee. Ds neechscht Mal bisch de halt dui dra ;-) Das mid em Mikrofoon prässiärd ja eppä nid äso. ----B.A.Enz 20:59, 8. Sep. 2011 (MESZ)[Antwort gee]

Titel-Vorlag[Quälltäxt bearbeite]

Sali B.A.Enz, lueg emol do Stammtisch un Wikipedia:Umstellig uf alemannischi Stichwerter. LG, --Holder (Diskussion) 10:09, 1. Mär. 2012 (MEZ)[Antwort gee]

Bürokrate-Kandidatur[Quälltäxt bearbeite]

Sali B.A.Enz, lueg emol do: dr Terfili kandidiert as Bürokrat. LG, --Holder (Diskussion) 16:20, 3. Mär. 2012 (MEZ)[Antwort gee]

Ussflug zur Mundartusstellig[Quälltäxt bearbeite]

Sali B.A.Enz,

Hättisch du eigetli Zit un Interess au mit uff die Usstellig z go, oder isch des z wyt für dich? Liebi Griess, --Terfili (Diskussion) 18:59, 21. Mär. 2012 (MEZ)[Antwort gee]

Ds Inträssi wär scho da, oi im erloichtä Chräis vo de alemannischä Wikipeedler diä Uisschtellig ga azluägä. Aber ich wäiss, dass ich i dä neechschtä Maanetä annerä angina temporis chennti liidä. Und drum wott ich mich etz nu nid feschtleggä. Aber dankä fir d Naafraag. --B.A.Enz (Diskussion) 19:33, 21. Mär. 2012 (MEZ)[Antwort gee]
No hoffi uff e gueti Besserig :-)  --Terfili (Diskussion) 22:08, 21. Mär. 2012 (MEZ)[Antwort gee]

Schrybwettbewärb[Quälltäxt bearbeite]

Sali B.A.Enz,

wänn Du s imfall nonig gsää hesch:

S git wider mol e Schrybwettbewärb. Desmol zum Thema "Gebäude un Böuwärch us dr Region".

Lueg mol do: Wikipedia:Schrybwettbewärb

LG,

--Holder (Diskussion) 21:57, 17. Sep. 2012 (MESZ)[Antwort gee]

Admin-Kandidatur MireilleLibmann[Quälltäxt bearbeite]

Sali B.A.Enz, lueg mol do: Admin-Kandidatur MireilleLibmann. LG, --Holder (Diskussion) 18:46, 24. Okt. 2012 (MESZ)[Antwort gee]

Dräffe bim Idiotikon[Quälltäxt bearbeite]

Sali B.A.Enz,

lueg emol do: Friejoorsdräffe 2013.

LG, --Holder (Diskussion) 08:46, 15. Apr. 2013 (MESZ)[Antwort gee]

Sali B.A.Enz,

zue unserem Jubiläumsmonet im Novämber: dr al-Qamar het vorgschlaa ghaa, ass mer as Artikel vu dr Wuche wichtigi Mylestai nämme: Chemie (1.), Le Landeron (Zunftwesen) (1000.), Hunschpach (5000.), Josef Villiger (10000.). Dr Terfili het jetz aber gmaint, mer sotte lieber anderi Artikel nämme, z. B. Artikel mit vorgläsene Versione oder Albert Bachmann (150. Geburtstag am 12.11.) un am 30. Novämber de 200. vum Hermann Kurz (200. Geburtsdag am 30.11.). Jetz brässiert s e weng, wel s bal Novämber isch, wäge mach i do mol e Churzumfrog.

Was findsch Du besser:

  • Mylestai
  • rundi Geburtsdäg un vorgläseni Artikel

Oder isch Dir baides rächt?

LG, --Holder (Diskussion) 05:03, 29. Okt. 2013 (MEZ)[Antwort gee]

Gueten Aabe, Holder. Miär isch bäides rächd; vil wichtiger, wele Vorschlag mä nimd, isch waarschiinli, as uberhoipt eppis gaad. (D Vilfalt isch mäischtens attraktiv.) Scheenä Dank a alli, wo dadrzuä eppis machid. --B.A.Enz (Diskussion) 21:07, 29. Okt. 2013 (MEZ)[Antwort gee]

Zedler-Pryys[Quälltäxt bearbeite]

Sali B.A.Enz, lueg emol do: Stammtisch: Glückwunsch: Zedler-Shortlist. --Holder (Diskussion) 13:49, 28. Mär. 2014 (MEZ)[Antwort gee]

WikiCon z Köln[Quälltäxt bearbeite]

Sali B.A.Enz,

Im Oktober findet d WikiCon z Köln statt. Zum Zedler-Pryys het di Alemannisch Wikipedia au ne Guetschyy fir d Dailnahm vu vier Lyt an dr WikiCon gwunne. D. h. ass vier Lyt d Aarais uf Köln un d Ibernachtig im Hotel zahlt kriege.

Ich sälber bii sowiso uf dr WikiCon, wel i Mitglid vum Orga-Team bii.

Hättsch Du Luscht au uf Köln z chuu? No draag Di doch bitte do yy.

Dankschen und Grueß,

--Holder (Diskussion) 12:15, 18. Aug. 2014 (MESZ)[Antwort gee]

Hoi Holder.
Danke scheen fir e Hiwiis oder gar fir d Iladig. Muess (und wott) abr passe. Allsiits vil Erfolg! --B.A.Enz (Diskussion) 22:25, 18. Aug. 2014 (MESZ)[Antwort gee]

Mainigsbild zue dr Bilderlizänze[Quälltäxt bearbeite]

Sali B.A.Enz, lueg Dir doch bitte mol die Diskussion zue dr Bilderlizänze aa. LG, --Holder (Diskussion) 18:06, 31. Mär. 2015 (MESZ)[Antwort gee]

Redakter, Redaktor, Redakteur[Quälltäxt bearbeite]

Hoi B.A.Enz! D Grundspraach im Artikel Otto Gröger isch de Tialäkt vom Holder (welen äigetli? Läider git er das gaar nie aa...). Ich bin nöd sicher, öb er au Redakter säit wie mir Schwyzer, drum wëër i daa mit Änderen ëchli voorsichtig... :) Aber es stimmt, ich han sälber en Durenand aagfange – wil i mer alewyl schuurig Müe gibe, i em Holder synen Artikel Badisch (Markgräflerisch?) z schrybe... En liebe Gruez vom --Freiguet (Diskussion) 16:53, 1. Sep. 2015 (MESZ)[Antwort gee]

Hoi Freiguet, wie dr Holder uf syre Benutzersyte schrybt, sin syni Artikel im Hochalemannisch vum untere Markgreflerland gschribe, gnauer gsait im Dialäkt vu Obfige. blinzel  --Holder (Diskussion) 17:14, 1. Sep. 2015 (MESZ)[Antwort gee]
Bi uns sait mer im Ibrige ender Redaktèèr. --Holder (Diskussion) 17:16, 1. Sep. 2015 (MESZ)[Antwort gee]
Aha! (Aber dyni Artikel sind nie mit em Tialäkt zäichned... jä nu...). En Gruez! --Freiguet (Diskussion) 17:26, 1. Sep. 2015 (MESZ)[Antwort gee]
Guet Tag mitenand, all iär underschidlichä Redaktoore. Has erscht nachträäglich gsee, ass dr Holder dr Artikl gmachd hed und nid , won ich äigetlich erwarted gha hätt. Ich ha äbä dänkt, ä chli Äinhäitlichkäit im Idiotikon (eppä wiä bim Hans Wanner, Peter Dalcher oder em Hans-Peter Schifferli) wurd niid schadä. Und etz han i halt ines Wäschpinäscht inä gschtochä. Tschuldigung, wenn ich epperem uf pFiäss tramped bi! --B.A.Enz (Diskussion) 18:02, 1. Sep. 2015 (MESZ)[Antwort gee]
Aso das Duu nöd chasch Züritüütsch und – äm, was iez scho wider – Undermarkgreflerisch underschäide … Ich glaube, da wëër nöimets es Praktikum aagsäit blinzel ! --Freiguet (Diskussion) 18:22, 1. Sep. 2015 (MESZ)[Antwort gee]
B.A.Enz, im 40. Johr no Wyhl mueß mer halt ufbasse mit Wäschpenäschder. Un wänn Du mol naime ne Praktikum machsch, no lueg, ass Du dert au ebis lehrsch iber Markgrefler Dialäkt, nit nume iber Schwyzer ... megacool  --Holder (Diskussion) 18:59, 1. Sep. 2015 (MESZ)[Antwort gee]
Aso bim Tobi Streck! :-) --Freiguet (Diskussion) 19:13, 1. Sep. 2015 (MESZ)[Antwort gee]
Wie wär s denn, wämer s negscht Johr mol e Dräffe bim Badische Werterbuech mache? --Holder (Diskussion) 19:30, 1. Sep. 2015 (MESZ)[Antwort gee]
Vo miir uus gëërn. S Probleem isch nu, das au scho lang es Aarbetsträffe vo den obertüütsche und romaanische Wöörterbüecher z Fryburg aagsäit wëër, aber de Tobi häts alewyl verschobe… Er isch zimli under Stress. Aber für es WP-Träffe müesst er ja nüüt voorbiräite. Haued mer en doch äifach emaal aa. --Freiguet (Diskussion) 19:53, 1. Sep. 2015 (MESZ)[Antwort gee]
Da wär ich zimli sicher oi gärä drbiä (und wurd de grad nu leerä, all diä Dialäkt vorem Lopper – inkl. Ziridiitsch oder s Badisch vo änet em Rii – z unterschäidä :-) ). --B.A.Enz (Diskussion) 20:59, 1. Sep. 2015 (MESZ)[Antwort gee]

Aber säg iez, Holder, wie wuursch du dys «Redaktèèr» hüt schrybe, wo d ja nüme nach Dieth schrybsch? Näimets han i bi diir glaub «Redakteur» gfunde, aber vilicht tüüsch i mi au. Mer wänd ja de Gröger mundartlich nöd durenandmische. --Freiguet (Diskussion) 11:59, 2. Sep. 2015 (MESZ)[Antwort gee]

Jo, villicht wirkli <Redakteur>. --Holder (Diskussion) 12:03, 2. Sep. 2015 (MESZ)[Antwort gee]

Sali B.A.Enz, lueg mol do uf S. 64. LG, --Holder (Diskussion) 08:24, 13. Feb. 2016 (MEZ)[Antwort gee]

Dankä fir ä Tipp. Numä: Was sell mä daa mid Oigä, wo zuä sind, luägä? Gruäss --B.A.Enz (Diskussion) 22:23, 13. Feb. 2016 (MEZ)[Antwort gee]

Admin-Kandidatur Pakeha[Quälltäxt bearbeite]

Sali B.A.Enz, lueg mol do: Admin-Kandidatur Pakeha. LG, --Holder (Diskussion) 21:15, 20. Sep. 2016 (MESZ)[Antwort gee]

Nidwaudner Seytä[Quälltäxt bearbeite]

Sali B.A.Enz Ich bi ney uf Wikipedia. We dui ja scho xeh hesch, han ich hit adä Nidwaudä-Seytä umäbaschdled. Vorig han ich nu s Kapitel uber "Legislativä" inäkopiärd und soweyt meglich ubersetzt vudä Deytschä Seytä. Aber d Formatiärig xehd etz schlimm uis. Weisch dui wemä dä Absatz wäg bringd? Gruäss uf Obwaudä, efbiei

Sali efbiei. Uiuiuiuiui, das gseed wirklich läid uis. Hesch halt zvil wellä. Da isch etz ä groossä Grabä drininnä, greesser schiär gaar als zwischä Ob- und Nidwaldä. Aber so mid dr Tabälläruschtig kenn ich mich schlächt uis. Tuä doch dä Grabä nu mid ämänä andrä Kapitl uiffillä, eppä ubrä Dialäkt, und de muäsch a dr Tabällä gaar niid änderä. Gruäss uf Nidwaldän appä. --B.A.Enz (Diskussion) 22:52, 31. Okt. 2016 (MEZ)[Antwort gee]

Artikeluuszäichnige[Quälltäxt bearbeite]

Hoi B.A.Enz! Vilicht häsch ja echli Zyt und Luscht, Dir au z überlegge, welnen Artikel mer en Uuszäichnig chönt gëë (oder verwäigere)? Es sind ämel grad e paar voorgschlage. En liebe Gruez vom --Freiguet (Diskussion) 10:07, 7. Jun. 2017 (MESZ)[Antwort gee]

Hoi Friiguet. Dankä fir ä Hiwiis, ich ha diä Kandidatuirä nid vergässä; aber äs gaad halt nu äs Schutzli, bis ich diä verschidenä Artikel ä chli preziiser läsä tuä. Magsch nu gwaartä? --B.A.Enz (Diskussion) 22:04, 9. Jun. 2017 (MESZ)[Antwort gee]
Dän isch ja guet! :-)  --Freiguet (Diskussion) 10:12, 11. Jun. 2017 (MESZ)[Antwort gee]

Schrybwettbewärb 2017[Quälltäxt bearbeite]

Sali B.A.Enz, no bis hit zobe am Mitternacht chasch bim desjehrige Schrybwettbewärb abstimme. LG --Holder (Diskussion) 17:40, 6. Dez. 2017 (MEZ)[Antwort gee]

Dankä, Holder, fir dii Erinnerig. Aber da wird hiir eppä niid druis. Äs anders Maal villicht. --B.A.Enz (Diskussion) 18:10, 6. Dez. 2017 (MEZ)[Antwort gee]

Liebe B.A.Enz – wèèr das nöd öppis für diich, en obwaldnertüütschen Artikel über de Karl Imfäld z schrybe? S wèèr schaad, wänn dèè uf Züritüütsch oder Markgreflerisch oder soo wèèr … S hät ja scho äinen i de hoochtüütsche Wikipedia, und bi öi häts sicher e paar Naachrüeff ggèè. En liebe Gruez vom --Freiguet (Diskussion) 10:31, 25. Aug. 2020 (MESZ)[Antwort gee]

Hoi Friiguät, dankä fir dii Fraag oder dii Tipp. Das han ich miär taatsächlich oi scho uberläid, han aber i dä neechschtä Wuchä fascht nid dr Wiil. Sett i därä Ziit scho epper anders än Artikl afaa, wurd ich nä am Kari zliäb unschiniärd is Obwaldner Diitsch uberträägä. D Zwäituiflaag vom obwaldnerdiitschä Werterbuäch chunnd erscht Endi Oktober uisä, aber dr Artikl sett de scho chli friäner umä sii.
Ibrigens: Bis etz han ich numä äi drucktä Nachruäf (vom Romano Cuonz) gsee, und bi dr Truirfiir geschter heds ganz ä scheeni Wirdigung (vom Franz Enderli) ggä. Aber dr Kari hed nid wellä, ass mä bi dr Beärdigung ä Läbesloif vo imm voorträid.
I diä alemannisch Wikipeedia gheerd är sicher inä. Da gids ä käi Verfiägig vo imm, ass är das nid wott. --B.A.Enz (Diskussion) 22:28, 25. Aug. 2020 (MESZ)[Antwort gee]
Dänn waarted mer gèèrn na chli, die «neechschtä Wuchä» gönd sicher au verby. :-) --Freiguet (Diskussion) 22:31, 25. Aug. 2020 (MESZ)[Antwort gee]
:-)  --B.A.Enz (Diskussion) 22:41, 25. Aug. 2020 (MESZ)[Antwort gee]
Han äinisch agfangä! --B.A.Enz (Diskussion) 22:46, 14. Sep. 2020 (MESZ)[Antwort gee]
Vile, vile Dank! – Daa wèèr iez e Mundaart-Aagaab schöön, wil der Artikel i der glyychlige Mundart gschriben isch wie die, wo der Imfäld Kari sälber pruucht hät – cha me das fürs Oberwaldnertyytsch mache, Holder? --Freiguet (Diskussion) 10:13, 15. Sep. 2020 (MESZ)[Antwort gee]
Aber dui wäisch scho, Friiguät, ass äs i dr Luitig Underschid gid zwischet em Kari und miär? ;-) Was bi im äs [ai], isch bi miär äs [oi] – luäg i siim Weerterbuäch vo 2000, S. 11. «Dischtlä sind ai Bliämä» säg ich nid. Uber wiiteri Fiinhäitä (eppä uber d Gränze zwischet [uä] und [io]) chemmer iis villicht am Samschtig underhaltä. --B.A.Enz (Diskussion) 12:15, 15. Sep. 2020 (MESZ)[Antwort gee]
Um s Himels wile! --Freiguet (Diskussion) 14:53, 15. Sep. 2020 (MESZ)[Antwort gee]

Herbsttreffen in Stans[Quälltäxt bearbeite]

Durch den Hinweis von Freigut bin ich auf euer Treffen aufmerksam geworden. Wenn ihr interessiert seid, übernimmt WMCH die Eintritte ins Museum. Es müsste aber über eine Person zentral abgerechnet werden (dich?). Bitte melde Dich bei mir, um das Prozedere abzuklären Mail an WMCH. Lantus (Diskussion) 10:45, 27. Aug. 2020 (MESZ)[Antwort gee]

Scheenä Dank, Lantus. Miär nämid das Agebot gärä a. Äs Mail a dich isch uisä. --B.A.Enz (Diskussion) 21:48, 27. Aug. 2020 (MESZ)[Antwort gee]

Sälü B.A.Enz i ha dir no für di nätt kommentar welle mersi säge wo du bi myre Wahl zur Amtsfrou hesch hinder la. I maches gärn. Vorallem bini froh das i jitz bim ne Stündige Vadalismus, so wis ne am 3. Jan 2021 im Artikel Facebock gä het, cha reagiere. Woni gseh ha das du di für myni Kandidatur bedankt hesch. Hani dänkt i sägi de bi dir no gärn gscheh. Gruess--MerengeManu - Byträg für ds Portal Bible 23:48, 7. Feb. 2021 (MEZ)[Antwort gee]

Sali MerengeManu. Gärä gschee. Scheenä Dank fir diis Dankä. --B.A.Enz (Diskussion) 12:05, 8. Feb. 2021 (MEZ)[Antwort gee]

Yyladig zum Schrybwettbewärb[Quälltäxt bearbeite]

Solly B.A.Enz,

Wänn's im Fall no nit gsee hesch: grad zur Zyt lauft wiider en Schryybwettbewärb do uff de alemannische Wikipedia. Vilycht hesch jo Zyt un Luscht, mitzmache. En liebe Gruess, --Terfili (Diskussion) 16:29, 14. Nov. 2021 (MEZ)[Antwort gee]

Sali Terfili. Dankä fir dii Hiwiis; ich has oi suscht scho gsee. Dummerwiis bin ich i neechschter Ziit waarschiinli numä sältä uf dr Wikipeedia azträffä. Aber ich bi gschpannt, was bi däm Schriibwettbewärb uisä chunnd. Ä scheenä Gruäss, --B.A.Enz (Diskussion) 20:27, 14. Nov. 2021 (MEZ)[Antwort gee]